Ел басшысы, ұлт көшбасшысы

Тақырыбы: " Ұлт көшбасшысы "
Мақсаты:

Болашақ ұрпаққа Елбасымыз Нұрсұлтан Әбішұлы Назарбаев туралы мағлұмат бере отырып, Елбасының өмірін, еңбек жолын үлгі-өнеге ете отырып,патриоттық сезімдерін арттыру. Ел Президентін құрметтеуге, егемен елімізге қамқор бола білуге тәрбиелеу
Ресурстар: суреттер, Н.Ә.Назарбаевтың кітаптарынан көрме,интер.белсенді тақта
Сабақтың барысы:

І. Ұйымдастыру кезеңі 
ІІ. Жаңа сабақ: 
Жоспар:

1. Гимнмен бастау
2. Елбасы өмірі
3. Топтық жұмыс
4. Жыр арнаймын өзіңе Елбасы жайлы тақпақтар
5.Елбасыға тілек... тілек жазу
6.Қорыту
Ой қозғау.

Балалар, желтоқсан айында қандай мерекелер бар?

(Оқушылардың жауаптары тыңдалады)

Олай болса, біздің бүгінгі тәрбие сағатымыз Елбасымыз

Нұрсұлтан Әбішұлы Назарбаев атамызға арналады.
Алаулаған алабынан нұр тамып,
Қазақ елін бүкіл дүние жүр танып.
Көк байрағың желбірейді төріңде,
Гимнің тұр көгіңде шырқалып.

(Қазақстан Республикасының Мемлекеттік Гимні орындалады)

Бүгін 1 желтоқсан Елбасымыз Нұрсұлтан Әбішұлы Назарбаевтың тұңғыш Президент болып сайланған күніне арналған "Ұлт көсбасшысы "атты тәрбие сағатымызды бастаймыз.
Мұғалім:

Осы тәуелсіз еркіндікте өмір сүруге біз қалай жеттік, кімдер арқылы жеттік, иә тарих бетіне үңілсек, ол өте ұзақ жылдар бойы ата-бабамыздың қасық қаны қалғанша аянбай күресіп, елім, жерім, ұрпағым деп балаларым тыныш өмір сүрсін деп бізге тәуелсіз мемлекетті сыйлады. Осындай көп ұлтты мемлекетті басқару оңай емес. Осы тәуелсіз мемлекетімізді басқару 1991 жылы 1 желтоқсанда біздің Елбасымыз Н.Ә.Назарбаевқа бұйырған екен.
Н.Ә.Назарбаев кім? (оқушылар жауабы тыңдалады)

Осы атамыз жайлы тоқталып өтейік. (слайд көрсету)

Нұрсұлтан Әбішұлы Назарбаев 1940 жылы 6 шілдеде Алматы облысы, Қаскелең ауданы, Шамалған ауылында дүниеге келген.

Атасының есімі - Назарбай

Әжесінің есімі – Мырзабала

Әкесінің есімі- Әбіш

Анасының есімі- Әлжан

Нұрсұлтан деген есімді әжесі Мырзабала беріпті.

Мектепті жақсы оқып, жақсы білім алды.Ата-анасын қатты құрмет тұтты.Жасынан зерек, алғыр азаматболған.

Нұрсұлтан ата 5 жасқа толғанда Жамбыл атаның ақ батасын алған екен. Ол Қаскелең қаласындағы Абай орта мектебін бітірген. Мектепте озат, үлгілі оқушы болыпты.
Еңбек жолын Теміртау қаласында темір балқытушы болып бастаған. 
1991 жылы 1 желтоқсанда біздің Отанымыздың тұңғыш Президенті болып сайланды. . Ол осы жетістігіне өзінің табандылығы мен еңбекқорлығының арқасында жетті.Әли: Елбасының көптеген кітаптары бар. Атап айтсақ
Бейбітшілік кіндігі (А., 2002),
Сындарлы он жыл (А., 2002),
Еуразия жүрегінде (А., 2005).
Қазақстан жолы (А., 2012).

Тәуелсіздік белестері т.б.
Мемлекеттік жоғары лауазымдағы қызмет бос уақыт қалдыра бермейді. Алайда ол кісінің сүйікті істеріне табиғат аясында болу, спортпен шұғылдану, музыка тыңдау және кітап оқу жатады.
Елбасымыз 1992 жылы 4-маусымда жаңа мемлекеттік рәміздер Елтаңба,Ту,Әнұран бекітті. 
Елбасы жайлы тақпақтар:

Мұстафа:

Асқақтай бер Нұр аға алып таудай.

Көш басшысын елімнің арыстандай,

Қүрметтемей тұра ма мына халқым.

Өзіңіздей асқар тау, алып жанды-ай,

Аяжан:

Халқымызға жолдаған.

Биылғы жолдау Нұрлы-жол,

Дүние жүзі қолдаған.

Мәртебеңіз сіздің ол.

Руслан:

Ел басқарған Нұрсұлтандай атам бар,

Жасыл жайлау, көк алқапты далам бар.

Ел басқарған Нұрсұлтандай атамды,

Сыйлай тұғын халық деген данам бар.

Толғанай:

Өзіңіздей патшам барға қуанамын.

Туған жерді әлпештеп аялаған,

Қазақ жері мәңгілік жайнасын деп.

Бар білімін елі үшін аямаған.

Аружан:

Дақ түсірме ата- баба арына.

Үлгі бізге батырлардың ерлігі,

Тәуелсіздік туын ұста жоғары.

Тәуелсіздік оңайлықпен келмеді.

Ернар:

Тәуелсіздік туы міне желбіреді.

Қазақпенен басқа ұлт өкілдері,

Бір шаңырақ астына жиналғаны

Елбасы Нұр ағаның зор еңбегі

Нұрлытаң:

Ең бастысы білім дейді Нұр аға,

Елбасының сөзі ұрандай жастарға.

Үміт артқан біз жалынды жастармыз,

Қазақ елін жетелейтін тек алға!

Бақберген:

Қазақстаным, кең далам.

Бүгінде бас иеді бар ғалам,

Нұр ағаның арқасында бүгінде

Қазақстан танылған бар әлемге.

Диана:

Ел тірегі –қайратым

Абыройым,айбатым!

Отан даңқын асырдың,

Көк туымды жайнатып

Бағымызға жүр аман!

Нұр сәулетті,Нұр аға!

Ел тарихы, жер тарихы өзіміз, 
Болашақтың қасиетті көзіміз. 
Барлық ұлтпен бауырласып жетелеу, 
Ақ, қараны тіліп тұрса сөзіміз! 

Бекжан:

Ауыр күнді артымызға тастауы – 
Қиын сәтте қиындықтан қашпауы. 
Тілім, дінім, ұлтым қайта көгерген, 
Елбасымыз  Нұрағаңның бастауы 

Топтық жұмыс
Қазақстан сөзінен сөздер шығару.

(оқушыларға жазған сөздерін оқыттыру)

Мұғалім:

Жақсы балалар.

Балалар сендер елбасы туралы киноны көріп пе едіңдер?

Ол кино қалай аталады?

(оқушылар жауаптары тыңдалады,қолпаштау,мадақтап отыру)

Олай болса қане тақтаға қарайық,ия балалар.

( Елбасы туралы түсірілген "Менің балалық шағымның аспаны " атты кинодан видеоролик көрсету)

Елбасы кім болуды армандаған екен балалар?(ұшқыш)

ІІІ. Қорытынды бөлім
Мұғалім:

Халқым айтқан жер көтерер ел даңқын,

Елім айтқан ел көтерер жердаңқын.

Президентім, елбасы, аман болғай,

Мәңгі жаса, жасқазағым,өр халқым!

Елбасымыздың қол таңбасы қойылған жерімізге келіп елбасына деген тілектерімізді айтайық ия балалар!

( Елбасыға тілек айтылады тілек айтқан оқушыға күннің күлтесі беріледі оны елбасының суретінің маңайына жапсырады)

Мұғалім:
Тәуелсіз мемлекетті Нұрсұлтандай атамыздың басқарып отырғанына біз қуаныштымыз. Қазақстанның болашағы-білімді жастармен,-дейді Елбасымыз. Сондықтан да балалар біздің алдымызда тек қана бір ғана талап, міндет ол білім алу. Білімді болсақ қана біз өз жолымыздан ешқашан адаспаймыз, тура жүріп, түзу өмір сүреміз деп білемін.

Бүгінгі тәрбие сағатымызды Елбасының мынадай сөзімен аяқтағым келіп отыр:

Еліңнің ұлы болсаң, еліңе шын жаның ашыса, азаматтық намысың болса, қазақтың жалғыз ұлттық мемлекетінің көркеюі жолында жан теріңді сығып жүріп еңбек ет, елдің де, жердің де иесі екеніңді ұмытпа!.
Тұңғыш Президент күні құтты болсын!