Ондық бөлшектер

Тақырыбы: «Ондық бөлшектерге амалдар қолдану»

Мақсаты:

1. Қазақтың сана-салттын, байлығын қолдана отырып, математика пәнінен білім беруді қызықты және ұтымдыжақтарын зерттеу, қолдану.

2. Оқушылардың ой-өрісін кеңейтіп, топпен жұмыс істеуге, логикалық ойлауды жеделдетуге баулу, танымдық қабілетін, математика пәніне деген қызығушылығын арттыру.

3. Оқушыларды ұлттық рухта тәрбиелеу;

Халықтың ауызекі мұрасын жан-жақты түсіне білуге үйрету;

Оқушылардың ұлттық санасын қалыптастыру;

Оқушылардың көзқарасын кеңейту.

Түрі: Топтық сайыс

Типі: Ойын түрінде

Көрнекілігі: Сайысқа қажет форматтағы материалдар, нақыл сөздер, суреттер.

1. Математика – барлық ғылымдардың тұңғышы және оларға пайдалы да, қажет те. (Р.Бэкон)

Жоспары: 1. Таныстыру, сәлемдесу рәсімі

2. Бапкерлер жарысы.

3. Шабандоздар жарысы

4. Көкпар

5. Дода

6. Тақым тартыс

7. Салма көкпар

9. Сарапшылар пікірі

Барысы:

Қара достым жан – жаққа

Дайынсың ба сабаққа?

Үй жұмысын орындап,

Ережені айт жатқа.

Бастайық біз сабақты

Қайталайық тарауды.

Талай жырлап, сан ғасырлар дастанын,

Кең даламнан естіледі асқақ үн.

Талай талант сенде шыңдалып, сенде өсті.

Талай ғылым сенен алды бастауын.

Құрметті оқушылар, мұғалімдер! Ұлы даламыздың бізге қалдырған мұрасы–ұлттық ойынымыз көкпарды бастауға рұқсат етіңіздер.

Көкпар тарту – сайыс. Бұл қазақтың ұлттық ойыны. Көкпарда екі команда тартысқа түседі. Әр ойыншы көкпарға берілген серкені ат үстінен іліп алып, белгілі бір мәреге немесе сыйлы үйге әкеліп түсіреді. Осылайша сый алуды мақсат етеді.

Абай атамыз, «Тегінде адам баласы адам баласынан ақыл, ғылым, ар, мінез деген нәрселермен озады» деген екен. Біз бүгін шынайы көкпар тартпағанмен, білімімізді жарысқа саламыз.

Шың жүйрік шабысынан таңылады,

Нақты білім, терең ой сыналады.

Баға берер төрешілер ортамызда.

Сіздерге құрметпен қол соғылады, – дей келе бүгінгі көкпарға өз төрелігін беретін төрешілермен таныссақ:

Бас төреші: 1. _____________

Төрешілер 2. _____________

3. _____________

1. Таныстыру, сәлемдесу рәсімі

Адам алып, таңғажайып ісімен,

Көкпар ойын, ой тастаған түсімен.

Зерделілер заманды алға жылжытсақ,

Математикалық заңдылықтар күшімен.

Көкпарға қатысатын «Тұлпар» және «Сәйгүлік» топтарын ортаға шақырып, топ мүшелерінің таныстыруына кезек берейік. (топ мүшелері өздерін таныстырып өтеді).

2. Бапкерлер жарысы.

Балалар, көкпар ойынын өткізу үшін бапталған аттар және шабандоз жігітер болуы керек. Ал, баптаушыны «бапкер» деп атайды. Топ жетекшілерін «Бапкер» деп атаймыз. Олай болса ойынымыздың келесі кезеңі «бапкерлер жарысына» көшсек.

Қай топтың бапкері берілген есепті тез, әрі дұрыс шығарса, сол топтың тұлпарлары жақсы бапталған болады.

3. Шабандоздар жарысы

Алашына атымен әйгілі кім,

Алып келген бәрі де сәйгүлігін.

Тұлпарлар да келіп тұр жер тарпыған

Қай шабандоз озады осы бір күн.

Шабандоздар қалай шыныққан екен, соны байқайық.

4. Көкпар

Құлагерін ел қалай елемесін!

Көлік мінсең, гүл-жырға бөленесін.

Қоздырады ат жарыс мына жұртты.

Сол, секілді, жұрт аттың делебесін.

Балалар, көкпар тартысты бастайық. Теңдеулерді шешу де кім бірінші болса,, сол бірінші қазандыққа салған болып есептеледі.

5. Дода

Көкпар кезінде жерге түскен серкеге жаппай таласу дода деп аталады. Ендеше екі топта додаға түссін. Берілген тапсырмаға кім бұрын жауап берсе, сол серкені іліп алды деп есептейміз.

6. Тақым тартыс

Ең мықты деген жігіттердің жекпе жегін тақым тартыс дейді. Тақым тартыс кезінде екі жігіт ат басын құйысқандарына қарата, айқаса тұрып, серкені тақымдарына басып, екеуі екі бағытта жүре тартысады.

(Әр топтан екі адам шығып, тапсырманы орындайды).

7. Салма көкпар

Салма көкпарда аты мықты шыққан жігіттер өнерлерін көрсетеді екен. Олай болса ребус шешу арқылы өз білімімізді ортаға салайық.

8. Сарапшылар пікірі

Жабылары шаң жұтып, өліп - талды,

Жүлдегерлер көмбеге келіп қалды.

Суырылып Құлагер шыға берді,

Кімдер қалды? Кім озды? Анықтаймыз.

Сабақты қорытындылау, оқушыларды бағалау.

Адам өзінің білмеген затынан қорқады, ал білгенімен ұтады» - деп Белинский айтқандай сабағымызды аяқтаймыз.