ОЙЛАН ТАП

Қордай ауданы Жамбыл ауылы

Жамбыл Жабаев атындағы №26 орта мектеп.

Мектеп алды даярлық тобының тәрбиешісі.
Абдуллаева Света Тиловбаевна

«Қызықты математика» 
Сабақтың тақырыбы : «Ойлан , тап !» 
Сабақтың мақсаты : 
Білімділігі : оқушылардың сандардың құрамы және сандарды қосу , азайту туралы білімдерін тапсырмалар орындата отырып тиянақтау; өрнектердің мәнін қатесіз шығара білуге машықтандыра түсу ; 
Дамытушылығы : тез есептеу , есте сақтау , ойлау , өз бетінше және жұппен тапсырма орындау қабілеттерін дамыту ; 
Тәрбиелігі : пәнге деген қызығушылығын артырып тапқырлыққа,ізденімпаз болуға, оқушыларды қоршаған ортасымен ізгілік қарым – қатынаста болуға , қамқорлыққа тәрбиелеу; 
Сабақтың түрі : ойын сабақ 
Сабақтың типі :өткен материалды бекіту сабағы
Сабақтың әдісі : іздену, жұппен жұмыс,түсіндіру ,өз бетінше жұмыс, 
семантикалық карта , ойын , интерактивті тақта . 
Сабақтың барысы : I. Ұйымдастыру кезеңі 
- оқушылардың назарын сабаққа аудару ; 
- психологиялық дайындық 
Қайырлы күн , ұстаз ! 
Қайырлы күн , достар ! 
Бүгінгі күн ,міне , 
Сәттілікке толсын . 
Біздің алар бағамыз,

Кіл бестіктер болсын! 
II .Ой қозғау 
- Ауызша санау ( бірнеше сұрақтарға жауап алу ) 
( қарапайым түсініктер туралы білімдерін еске түсіреді ) 
III . Жаңа сабақ 
- Балалар, бүгінгі қызықты математика сабағының тақырыбы : «Ойлан , тап !» Бүгінгі сабағымызда әр түрлі тапсырмалар орындаймыз .Берілген тапсырмаларды әр бала жеке орындайды және жұппен орындаймыз. 
Бүгінгі сабақ ерекше болмақ , өйткені , біз хайуанаттар бағына серуенге барамыз. Барлығың да серуенге барғыларың келеді ме? Олай болса барлығымыз автобусқа отырамыз.(балалар орындарынан тұрып қимыл жасайды) 
Міне , хайуанаттар бағына да келіп жеттік.Бақта аңдарды арнайы торда ұстап,күтіп бағады .Ал , енді балалар мұнда ең қызығы хайуанаттар бағына келген балаларға аңдар тапсырма береді екен.Ол тапсырманы орындамасақ аңдар ренжиді. Қалай тапсырмаларды орындаймыз ба ? 
1.Арыстанның тапсырмасы:

Сандарды санау тура және 0,1,2,3,4,5,6,7,8,9,10 – тура санау

10,9,8,7,6,5,4,3,2,1,0 – кері санау

Өздерің білетін санамақ айтыңдар!
1 дегенім жаман баға,
Алады оны жаман бала.
2 дегенім нашар баға,
Інішегім нашарлама.
3 дегенім орта баға,
Сапасы оның орта ғана.
4 дегенім жақсы баға,
Алады оны жақсы бала.
5 дегенім үздік баға,
Оқимыз тек үздік қана.

Алты дегенім алғыс,

Жеті дегенім жетістік

Сегіз дегенім семсер

Тоғыз дегенім тоқу

Он дегенім оқу

Сергіту сәті:

1. Бiр, екi, үш, бiр, екi, үш,

Бойға жинап күш.

Жаттығу жасап алайық,

Бiр дем алып қалайық.

2 . Жолбарыстың тапсырмасы :

Сандардың көршісін тап!
2; 6;
5; 8;
4; 7;
1; 3;
3 .Пілдің тапсырмасы : Ойланып , жаз !

Сандарды салыстыр!
5 * 4
6 * 9
7 * 3
4 * 4
Аюдын тапсырмасы

Жасырын сандарды тап!
... 1, 2,... 4, 5,... 7,... 9,... 
Сергіту сәті
2. Бiр, екi, үш

Бойға жинап күш.

Жаттығуды жасаймыз

Шынығуды бастаймыз.

 4. Түлкі тапсырмасы :

Сәйкестендіру кестесі 
3 + 4 8 1 + 7 4+3
8 – 0 7 7 10 – 4
4 + 5 3 5 + 5 8 
0 + 3 9 2 + 4 10 
5 . Қоянның тапсырмасы:

Фигураларды атау

Сергіту сәті

Біз балдырған баламыз,

Құстай қанат қағамыз.

Дүниені аралап,

Оқып білім аламыз.

Көзді салып қараңыз,

Былай қанат қағамыз.

6. Қасқырдын тапсырмасы:

Жапырақтар жинайық

7 – 2=  4+5= 9-2=
2 + 4=  3+5= 6+4=
1 + 3=-  10-5= 9-3=
6 - 5 = 6+2= 7-3=
10 - 7 = 9-5= 8-3=

Мұғалім : -Қандай аңдардың тапсырмасына жауап бердік ? 
-Енді хайуанаттар бағында арыстан жолбарыс , піл ,түлкі , аю, қасқыр,қояннан басқада аңдар өмір сүреді .
IY .Сабақты қорытындылау 
-Бүгінгі сабақ ұнады ма ? Неліктен ? 
Y .Оқушыларды мадақтау

Тіл дамыту

Сабақ тақырыбы: Менің отбасым

Сабақ мақсаты: Отбасы құндылығының маңыздылығын ашу.
- Отбасы туралы түсініктерін кеңейту.
- Отбасы деген жағымды қарым - қатынастарын дамыту.
- Отбасына деген сүйіспеншілікке тәрбиелеу.
Көрнекі құралдар: «Өзін - өзі тану»әлемінің картасы, дәптер, ойыншық
жүрекше, отбасы мүшелерінің суреттері.

Шаттық шеңбері:
- Қайырлы таң, балалар! Мен сендермен кездескеніме өте қуаныштымын.
Қане, бәріміз шеңберге тұрып, бір - бірімізге сүйіспеншілігімізді білдірейік.

1. Арайлым, сен әдепті қызсың.
2. Нұржан, сен батыр баласың.
3. АСЕЛ, сен мейірімді қызсың.
4. ӘЛІЬЕК, сен тәртіпті баласың.
5. АРАЙЛЫМ, сен шыншыл қызсың.
6. ЕрТІСБАЙ, сен ақкөңіл баласың.
7. ГҮЛЖАНАТ, сен қамқоршысың.
8. АРДАҚ, сен ақылды баласың.
9. Мадина, сен сұлу қызсың.
10. АҚМАРЖАН, сен ажарлы қызсың.
11. АҚМАРАЛ, сен әдемі қызсың.
12. НАСИХАТ, сен сымбатты қызсың.
13. ЖАНСАЯ, сен көрікті қызсың.
14. НҰРЗИЯ, сен әдемісің.
15. АРДАҚ, сен мықты баласың.

Әңгімелесу:
- Бүгін «Өзін - өзі тану» әлемінің «Отбасы»аялдамасына тоқталамыз.
- Бүгінгі сабақта отбасының құндылығы, маңыздылығы туралы айтамыз.
- Суретте не көріп отырсыңдар?

Балалардың жауаптары:
- Бұл жерде бізді қызықты ойындар, тапсырмалар күтіп тұр.
- Ал біз бүгін өзіміздің туған үйіміз, отбасымыз туралы әңгімелесеміз.

Өзіммен өзім:
- Балалар, қане, мына кілем үстіне отыруларыңды сұраймын. Әркімнің өз үйі бар. Әркім өз үйін жақсы көреді, себебі ол сендердің туған үйлерің. Ол үй сендер үшін жайлы ды жылы. Онда сендерді жақсы көретін адамдар тұрады. Енді әр қайсысымыз өзіміз тұратын үйімізді, отбасымызды көз алдымызға елестетейік. Көздеріңді жұмсаңдар да болады.

Баяу әуенді музыка ойнайды.
- Енді көзімізді ашып, ойлаған ойларымызбен бөлісейік.
Балалардың жауаптары:

Сергіту сәті: «Тату - тәтті отбасы»
- Мен қазір сендерге, тату - тәтті отбасында - 3 адам, 4 адам, 5 адам тұрады деймін,
сендер сол санға сәйкес тез топтасып тұра қаласыңдар.

Санамақ айту:
Бір үйде біз нешеуміз?
Кел санайық екеуміз.
Бас бармағым - атам,
Балан үйрек - апам,
Ортан терек - әкем,
Шылдыр шүмек - анам,
Кішкентай бөбек - мен.
Біз үйде нешеуміз?
Біз үйде – бесеуміз.

Көрініс: «Ана мен бала»
Бала доппен ойнап жүргенде құлап қалады. Оны көрген анасы жүгіріп келіп, баласын көтеріп алады.
Айналайын, жан балам,
Құладың - ау сен жаман.
Ауырған жоқ па, бір жерің,
Жүргенің жақсы сен аман!

- Сендерде осындай жағдай болды ма?
- Болсаңдар аналарың қандай сөз айтты?
Балалардың жауаптары:

- Қане, осы отбасы туралы кім өлең, тақпақ біледі?
1. Ең жақын адамдар,
Әкем мен анам бар.
Әкемнің әкесі,
Ақ басты атам бар.
Әкемнің шешесі,
Ақ шашты әжем бар.

2. Ұлдардың үлкені,
Бір туған ағам бар.
Қыздардың үлкені,
Бір туған әпкем бар.

3. Ұлдардың кішісі,
Бір туған інім бар.
Қыздардың кішісі,
Бір туған қарындас,
Әпкеге - сіңлі бар.

Дәйексөз:
- «Адамға ең қымбат - отбасы»дегенді қалай түсінесіңдер?
- Адамға ең қымбат - отбасы. Отбасы - бұл сенің ең жақын адамдарың; атаң, әжең, әкең, анаң, бауырың, інің, әпкең, сіңлің. Біз туған үйімізді жақсы көреміз.

Дәптермен жұмыс:
- Дәптерде берілген үйдің терезелеріне отбасы мүшелерінің суреттерін салыңдар.
«Анашым» әнін бірге орындау.
Ғажайып сөздер:
- Адамға ең қымбат - отбасы.
- Отбасы - сенің ең жақын адамдарың.

Апке

Ана

Ата

Әке

Әже Сіңіл

Аға Іні

Қорытындылау:

- Бүгін сабақта біз отбасымызды жақсы көруге, отбасындағы адамдарды

сыйлауға, көмектесуге үйрендік. Отбасы - сенің атаң, әжең, әкең, анаң, сіңілің, інің. Отбасы бізді жақсылыққа, әдептілікке үйретеді.

Жүректен жүрекке:

Балалар ойыншық жүрекшені бір - біріне ұсына отырып өз отбасына, оның мүшелеріне сүйіспеншіліктері мен тілектерін білдіреді.

- Менің отбасым ең тату отбасы.

- Менің отбасы ең үлкен.

- мен атам мен әжемді жақсы көремін.

- Менің анам ең ақылды адам.

- Менің отбасым аман болсын.

- Менің отбасымда қуаныш көп болсын.

- Менің отбасым қонақжай.

- Менің отбасым көңілді.

- Менің отбасым мейірімді.

- Менің отбасым ең бақытты.

- Мен өз отбасымды жақсы көремін.