Ашық сабақ
Тақырыбы: Қызықты математика
Тәрбиешілер: Сикумбаева А.Б.
Білім беру саласы: Таным
Бөлімі: ҚМҰҚ
Тақырыбы: Қызықты математика
Мақсаты:
Б.М: балаларға сан және санау, геометриялық пішіндер еске түсіріп, қайталау
Д.М: білімдерін пысықтау, логикалық ойлау қабілеттерін жетілдіру, ертегі арқылы математика оқу іс-әрекетіне деген қызығушылықтарын арттыру.
Т.М: шапшандыққа, тапқырылыққа тәрбиелеу.
Әдіс- тәсілдер: сұрақ-жауап, логикалық жаттығулар, д/о, әңгімелеу.
Көрнекілік: суреттер, карточкалар, геометриялық пішіндер, сандар, кубиктер.
Шаттық шеңбері.
Күннің көзі ашылып,
Көкке шуақ шашылып.
Құтты қонақ келіпті,
Төрімізге еніпті.
Амандасу үлкенге
Тәрбиенің басы ғой!
Ал, қанекей, бәріміз
«Сәлем» дейік үлкенге.
Балалар: үш тілде амандасады. Сәлеметсіздер ме. Здравствуйте. Good morning.
Ізденістер, ұйымдастыру.
- Балалар, мынау сиқырлы кілемге отырып, көзімізді жұмып сандар патшалығына саяхатқа ұшайық.
- Балалар біз қайда келдік? Сендерге ұнай ма?
Балалар: біз сандар патшалығына келдік. Иә, өте әдемі.
Қызықтыру сәті: Жан-жағына таңқала қарап, әуенмен Қызыл телпек келеді. Ол балалармен сәлемдесіп, қайда келгенін сұрайды.
Қызыл телпек: Балалар, мен әжеме жете алмай, адасып жүрмін. Маған көмектесесіңдер ме? Балалар: Әрине көмектесеміз. Қолыңда не бар?
Қызыл телпек: Әжеме тез жету үшін, маған қысқа жолмен бару керек. Қысқа жол өте қауіпті. Сол үшін мына тапсырмаларды орындап берсеңдер, мен әжеме тез жетемін.
Тәрбиеші: Қызыл телпек, сенің тапсырмаларынды орындау бізге қиындық тудырмайды. Солай емес пе балалар? (Иә)
1-тапсырма: «1-5 тура, кері санау» балалар үш тілде санап береді.
2-тапсырма: «Көрші сандарды тап» (балалар тапсырманы орындайды.)
3-тапсырма: «Сандардың орындарын тап»
4-тапсырма: логикалық жаттығулар «Ой қозғау»
Табақта үш алма
Қолымда 2 алма
Барлығын қосқанда
Болады неше алма? (болады 5 алма)
Әжемде бар еді үш моншақ,
Анам берді бір моншақ,
Сонда әжемде.. нешеу болды моншақ? (4 моншақ)
Аулада бес бала ойнап жүр, екібаланы әке-шешесі шақырып алды. Аулада неше бала ойнап жүр? (3 бала ойнап жүр)
Сұрақ-жауап:
Мысықтың аяғы нешеу? (4)
Екі сиырдың мүиізі нешеу? (4)
Бір қолымызда неше саусақ бар? (5)
Ал, екі қолда неше саусақ бар? (10)
Төртбұрышта неше бұрыш бар? (4)
Аспанда неше күн бар? (1)
Керіктің неше аяқ бар? (4)
Адамда неше көз бар? (2)
Үшбұрышта неше жағы бар? (3)
Сергіту сәті (компьютер арқылы сергіту сәті өткізу)
Қызыл телпек: балалар, мен сендерге жұмбақ жасырайын ал сендер жауабын айтып беріндер.
5.Жұмбақтар:
Атына сай балалар,
Үш бұрыш үш жағы бар.
Ол пішінді кім табар? (Үшбұрыш)
Допқа өзі ұқсайтын
Ерекше бір пішін бар.
Атын оның атаңдар. (Дөңгелек)
Төрт бұрыш бар,
Төрт қабырғасы бар,
Бұл қай пішін? (Төртбұрыш)
Д/о «Кім жылдам, дұрыс құрастырады»- қорапшалардағы геометриялық пішіндерден заттарды құрастыру.
6. Карточкамен жұмыс. Мына суретте қанша қоян бар деп ойлайсыңдар?
Тапсырмаларды орындап болғанан кейін топқа Қызыл телпектің әжесі келеді.
Әже: Қызыл телпек, аман есен екенсің ғой. Мен сені адасып кетті ме десем, мұнда жұр екенсің. Жолда қиындықтар болды ма? Қалай жеттің?
Қызыл телпек: Әже, оңайлықпен жеткен жоқпын. Балалар тапсырмаларды орындау арқылы маған жол сілтеді. Міне осылай жеттім.
Әже: Сәлеметсіңдер ме, балалар, құлыншақтарым, рақмет сендерге. Менің немеремді аман есен жеткіздіңдер. Сау болыңдар балалар.
Қорытынды: Балалардың оқу іс-әрекет барысында алған білімдерін сұрақ-жауап әдісі арқылы пысықтау. Балаларды мақтап, мадақтау.
Күтілетін нәтиже:
Нені біледі: сан жәнеи санау, геометриялық пішіндер.
Қандай түсінік игерді: логикалық тапсырмаларды игерді.
Меңгерген: ертегі арқылы математика сабағына деген қызығушылықтарын арттыру арқылы шапшандықты, тапқырлықты меңгерді.
Д/о «Кім жылдам, дұрыс құрастырады»- қорапшалардағы геометриялық пішіндерден заттарды құрастыру.
6. Карточкамен жұмыс. Мына суретте қанша қоян бар деп ойлайсыңдар?
