Ұйымдастыру кезеңі: -Балаларбүгінгі сабағымыз ерекше, бізге қонақтар келді,барлығымыз қонақтармен амандасайық.
Сәлемдесу: Үлкенге де сіз, кішіге де сіз
Құрметпенен сіздерге сәлем бердік біз.
Біздің ұранымыз:
Бір, екі, үш
Сынып іші тып – тыныш
Жалқаулықты тастаймыз
Сабақты біз бастаймыз. -Балалар, бүгінгі оқу іс - әрекетіміз сәл өзгешелеу болады. Өйткені біз сабағымызды саяхат түрінде өткіземіз. Бірақ немен, қалай барамыз? Балалар, мен білдім. Маған кеше бір қайырымды адам қорап жіберіп еді, мен бірақ ашып көрген жоқпын. Мүмкін бізге көмектесетін зат болуы мүмкін. Бұл қорапты ашу үшін ең алдымен сұрақтарға жауап беруіміз керек. 1. Бір аптада неше күн бар?
2. Бүгін аптаның нешінші күні?
3. жоғарыда-төменде, он жақта сол жақта сөздерін қимылмен көрсет.
4. 1-ден – 10- ға дейін тура санау
5. 1-ден – 10- ға дейін кері санау -Жарайсыңдар, балалар, жауабын дұрыс таптыңдар. Енді қораптың аузы ашылатын болды. Балалар қорапта бізді саяхатқа апаратын таяқша бар екен.
Бұл таяқша, жай таяқша емес, «Сиқырлы таяқша». • Қане барлығымыз енді саяхатқа шығайық. Барлығымыз көзімізді жұмайық. 1, 2, 3 сиқырлы таяқша бізді қасқырдың үйіне апар. Балалар міне қасқырдың үйіне келдік. Қасқыр: Сәлеметсіңдер ме, балалар, келгендерің қандай жақсы болды. Мен дәптердегі 6 беттегі тапсырмаларды орындай алмай отырмын. Сендер маған көмектесіңдерші? - Жарайды, ондай болса саған біздің балалар көмектеседі. №1тапсырма Ең ұзын таспаны қызылмен, ең қысқа таспаны жасылмен, одан да қысқа таспаның суретін көкпен сал.
Қасқыр: Рақмет, балалар! • Ал, енді саяхатымызды әрі қарай жалғастырайық. 1, 2, 3 сиқырлы таяқша бізді аюдың үйіне қонаққа апар. Балалар, міне аюдың үйіне келдік. Аю сәлеметсің бе! Аю: Сәлеметсіңдер ме, балалар! Қандай жақсы болды сендердің келгендерің. Ал сендер менің тапсырмаларымды орындайсыңдар ма?
-ия
- 6 беттегі №2 тапсырманы орындайық - Міне аю, біздің балалар сенің тапсырмаларыңды орындады. Балалар аю туралы біз тақпақ білеміз бе? Ормандағы аюдың Құлпынайы тәтті екен. Теріп-теріп аламыз Қалтамызға саламыз. Аю: Рақмет, балалар, маған көмектескендерің үшін Сау болыңдар!
• Саяхатымызды әрі қарай жалғастырайық. 1, 2, 3 сиқырлы таяқша бізді қоянның үйіне апаршы
-міне қоянға келдік
Қоян: №3,4 тапсырмадағы есепті шығара алмай отырмын,сендердің көмектерін керек?-дейді
Ал енді демалайық, Қоян туралы сергіту сәтін білеміз бе?
Сергіту сәті:
Қоян шықты далаға
Жан-жағына қарады
Жүгірді, секірді
Орнына келіп отырды.
• Сиқырлы қарындаштың көмегімен топқа қайтайық. 1, 2, 3 сиқырлы қарындаш бізді топқа апар. Міне, балалар топқа келдік Біз саяхатқа қайда бардық? Кімдер бізді қарсы алды? - Жақсы, балалар,саяхатымыз ұнады ма?
«Поезд құрастыру» ойыны.Вагондарға сандар жазылады. Сол санның балалар шешуін тауып, поезға вагондарды тіркеу керек.
Мысалы: 0+0, 1+1, 2+1, 3+1, 4+1, 5+1, 6+1, 7+1, 8+1, 9+1 -Жақсы. Ал, енді санамақ айтайық. Кел санайық екеуіміз, Бас бармағым - әкем, Балан үйрек - анам, Ортан терек - ағам, Шылдыр шүмек - мен Кішкене бөбек – сен Бір үйде біз нешеуміз? Бір үйде біз бесеуміз.
Балалар сабақ соңында қолдарына берілген гүлдерді (түймедақ, қызғалдақ) үйшіктің айналасына жапсырып сабақтың қалай болғанын білдіреді. Өте жақсы ұнаса – түймедақты жапсырады. Нені біледі: 1-ден 10-ға дейін сандарды, реттік және кері санауды біледі Қандай түсініктерді игерді: берілген тапсырмаларды нақты орындау керек екенің түсінді. Меңгерген дағдылары мен іскерліктері: Сан құрамын ажыратудың әр түрлі тәсілдерін орындай білуді үйрету, алған білімдерін пысықтау.
