"Озық ойлы оқушы"

«Озық ойлы оқушы»

сайыс

Сайыстың жоспары:

1.Тапқырлық сайыс (логикалық есептер)

2.Ойымды жалғастыр (мақал-мәтелдер)

3.Математикалық сұрақтар.

4. «Кім жылдам»

І-топ: 9-класс

ІІ –топ 10-класс

ІІІ –топ: 11-класс

1.Бір баланың жасы үш жылдан соң бұрынғы жасынан 2 есе артық болады. Ол қанша жаста?

2. Үш ат жегілген шана бір сағатта 15 км жүріп өткен.

Әрбір аттың жылдамдығы қандай еді?

3. Бес адам кездесіп қалып бір – бірімен қол алысып амандасты. Барлығы, қол алысу саны қанша болды?

4. Ұшақ Семейден Алматыға дейін 1 сағ,20 минут ұшады, ал кері 80 минут ұшады .Бұл айырмашылықты қалай түсінесің?

5.Алты метрлік бөренені 5 рет кесіп, тең бөліктерге бөлген,

әр бөліктің ұзындығы қандай?

6.Егер тырна бір аяғымен тұрса 3 кг болады, ал екі аяғымен тұрса, онда салмағы қанша?

1.Бес бұтақты ағашта ,Бұтақ сайын бес алма.

Біреуін бер алашқа, Қалады сонда қанша алма.

2. Төрт пен бестің арасына қандай таңба қойылғанда

4-тен артық , 5-тен кем сан шығады?

3. Үш пар ат 30 км-ге шапса, әр ат қанша км-ге шапқан?

4. 1 тонна мақта ауыр ма, 1 тонна темір ауыр ма?

5.Столдың төрт бұрышы бар.Егер бір бұрышын кесіп тастаса, неше бұрыш қалады?

6.Екі бөлмеде 76 адам болған, олардың біреуінен 30 адам , екіншісінен 40 адам шығып кеткенде бөлмелердегі адамдардың саны тең болды. Алғашқыда әр бөлмеде неше адам болған?

1.Ағаш үстінде 100 торғай отырды. Аңшы 10 торғайды атып алды. Торғайдың қаншасы қалды?

2.Үш әке мен алты бала серуенге шықты. Олар 42 алма сатып алды. Бұлардың әрқайсысына 6-дан алма тиді. Бұл қалай болғаны?

3.Бір топ қаз ұшып келіп қонады, сол жерде бір қазбен кезігеді.

Көп қаздың бастаушысы Ассалаумағалейкум жалғыз қаз дейді.

Сонда жалғыз қаз : Салаумағалейкум, сіздер нешеусіздер?-дейді.

Бастаушы қаз: біз бір топ, тағы бір топ, оған жарты топты,

жартысының жартысын, оған өзіңді қоссақ, бәріміз 100 боламыз.

Өзің есептеп шығар депті. Қаз нешеу?

4.Шахмат турниріне 7 адам қатысқан, әрбіреуі әрқайсысымен бір партиядан ойнайды. Барлық ойналған партиялардың саны қандай?

5.Жанұяда 5 ұл және әр ұлдың бір әкесі бар, жанұяда барлығы неше бала бар?

6.Қайрат Жанардан кіші, бірақ Талғаттан үлкен . Ал Ажар Жанардан үлкен болса , ең үлкені қайсы?

Ойымды жалғастыр

1. Жеті жұрттың тілін біл,....

2. Екі жақсы қас болмас,..

3. Досыңды үш күн сынама,...

4. Бір елі ауызға,..

5. Отыз тістен шыққан сөз,..

6. Білгенің бір тоғыз,...

7. Бір кісі қазған құдықтан ,..

8. Алтау ала болса ауыздағы кетеді,..

9. Айдағаны бес ешкі,...

10. Жүз есе тырыссаң да, ..

11. Отыз күн ойын,..

12. Мың досың болса да,..

13. Қырықта қылаң,..

14. Он мың сөздің түйінін,..

15. Отызыңда орда бұзбасаң,...

16. Болар бала,..

17. Бір жылы сөз,..

18. Жерді екі рет жыртқан ,...

19. Дос егіз болса,..

20. Отыз күн оразаның,..

Математикалық сұрақтар

1. Қорада тауықтар және қояндар бар. Олардың барлығы

15 бас, 50 аяқ болса қорада неше тауық , неше қоян бар?

2. Асханаға 100 кг пияз және одан 3 есе артық картоп әкелінді.

Асханаға неше кг картоп әкелінді?

3. Жыл он екі айдың ішінде 30 және 31 сандары ауысып

отырады. Ал 28 саны қай айда кездеседі?

4.Мектепте «Геометрия» пәнінің негізін салушы кім?

5.Геометрия сөзі грекшеден аударғанда қандай ұғымды

білдіреді?

6.Қандай түзулердің ортақ нүктесі жоқ?

7.«Ақыл-ойды тәртіпке келтіретін – математика»кімнің сөзі?

8.Кім алгебра оқулығын қазақ тілінде жазып, бірақ баспаға

шығарған жоқ?

9.Дүниеде бүтін сан бола бермейді,

Көңілге армандаған қона бермейді.

Бүтін нәрсе бөлігін көрсететін

Қандай сан бар, оқушылар айтып көрші.

10. Нәрселерді санағанда

Керек ол бізге ауадай.

Айтыңдаршы бұл қандай сан

Жан-жағыңа қарамай

«Кім жылдам»

1.Қандай сан барлық санға қалдықсыз бөлінеді?

2.Бұрышты өлшейтін құрал?

3.Геометрияда жаңа жаңалық ашқаны үшін Зевс құдайына

100 өгіз сойып құрбан еткен кім?

4. 378 саны 3-ке бөліне ме?

5.Ең кіші жай сан

6. 420 минут шамамен неше сағатқа тең?

7.Шеңбер ұзындығы диаметрге қатынасы неге тең?

8.Бойы екі қарыс , сиып тұр 25 арыс

9.Пропорция дегеніміз не?

10.Үшбұрыштың ішкі бұрыштарының қосындысы неге тең?

11. 56 санының 25 % -ін тап

12.Ұзындықтың өлшем бірлігі?

13.Табақтағы жемісті

Былай ғана бөлісті

Екі анасы, қос баласы

Әжесі мен немере

Бір-бірден тиді алмасы

Айтшы, қанша жан басы

14.Бір қариядан неше балаңыз бар деп сұрағанда,Ұл мен қызымның саны бірдей , әр ұлымның 3 қарындасы бар.

Сонда бұл қарияның қанша баласы болды екен?

15.Егіз туған қос жүйрік,

Жарыса шауып терлейді,

Бірін-бірі көрмейді

Дамылсыз қанша шапсада

Бір мәреге келмейді.

16.Алғашқы есептеу құрылғысы

17.Шеңбер бойындағы екі нүктені қосатын және центр арқылы өтетін кесінді?

18.Алымы бөлімінен кіші бөлшек

19.Әрі қиылыспайтын, әрі параллель түзулер