Мәтінді есептерді шығару

Ұзақ мерзімді жоспар бөлімі:

6.2В Алгебрлық өрнектер

Мектеп:

Күні:

Мұғалімнің аты-жөні:

Сынып: 6

Қатысқандар саны:

Қатыспағандар саны:

Сабақ тақырыбы

Мәтінді есептерді шығару

Осы сабақта қол жеткізілетін оқу мақсаттары (оқу бағдарламасына сілтеме)

6.5.2.4

мәтінді есептер шығаруда айнымалысы бар өрнектер мен формулалар құрастыру;

6.2.1.10

теңдіктерден бір айнымалыны екінші айнымалы арқылы өрнектеу;

Сабақ

мақсаттары

Оқушылар:

• мәтінді есептерде есеп шартын оқып түсіну;

• есеп шарты бойынша айнымалысы бар өрнектерді құрастыру;

• құрылған өрнектегі бір айнымалыны екінші айнымалы арқылы өрнектеу;

• құрылған өрнектің сандық мәнін табу.

Бағалау

критерийлері

Оқушылар:

• мәтінді есептерде есеп шартын оқып түсінеді;

• есеп шарты бойынша айнымалысы бар өрнектерді құрастыра алады;

• құрылған өрнектегі бір айнымалыны екінші айнымалы арқылы өрнектейді;

• құрылған өрнектің сандық мәнін дұрыс табады.

Тілдік мақсаттар

Оқушылар:

• бұл бөлімдегі математикалық терминологияны қолданады;

• алгебралық өрнектерің тепе-тең түрлендірулерінің орындауын түсіндіреді;

Пәнге қатысты лексика мен терминология:

- - айнымалы;

- алгебралық өрнек;

- тепе-теңдік;

- айнымалының мәні;

- айнымалының мүмкін мәндері;

- коэффициент;

- әріпті бөлігі;

- ұқсас мүшелер;

- әріпті өрнектің мәні;

- өрнектерді тепе-тең түрлендірулері;

- өрнектерді ықшамдау.

Диалогқа/жазылымға қажетті тіркестер:

• алгебралық өрнек деп …;

_{алгебралық өрнектің мәнін табу үшін … керек.}

Құндылықтарды

дарыту

Құндылықтарды дарыту жеке жұмыс, өз ойымен бөлісу, пікірін көпшілік алдындаматематикалық тілде жеткізе алу, диалог барысында өзімен бірге басқалардың да пікірін тыңдап, құрметтеу, өзара көмек көрсету сияқты әрекеттер арқылы іске асады.

Пәнаралық

байланыстар

Формулаларды алуы, формулалармен жұмыс істеуі, физика, химия және биология есептерін шығарғанда бір айнымалысы бар өрнек құра білуі.

АКТ қолдану

дағдылары

Интербелсенді тақтаны пайдалану қабілеттерін дамыту.

Бастапқы білім

Әріпті өрнек туралы түсінігі бар. Есептің шарты бойынша әріпті өрнекті құрастыра алады. Әріпті өрнектердің мәндерін таба алады. Бүтін өрнектерді түрлендірулерді орындай алады.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

0 – 4 мин

Оқушылар келгенге дейін алдын ала дайындалған үлестірмелерді сынып бөлмесінің әр жеріне бекітіңіз.

Ұйымдастыру кезеңі.

Үй тапсырмасы бойынша:

• шығармашылық жұмыс туралы пікір;

• мәтін ойлап, одан есеп құрастыру туралы ойлары;

• бір, екі оқушының (өз қалауымен) жұмысын тыңдау.

Бүгін де мәтінді есептерді шығаруға жұмыстанау; сабақ мақсаты мен бағалау критерийлерін бірігіп еске түсіру.

Сабақтың ортасы

4 – 6 мин

6 – 16 мин

16 – 18 мин

18 – 38 мин

Балалар, сабақты бастамас бұрын шағын төрт топқа бөлінейік. Сынып бөлмесіне, айналаға көз салып қараңыздар, жер - жерге үлестірмелер бекітілген, сол үлестірмелерді бір – бірден алып, ондағы есептің мазмұны бойынша топтарға бірігіңіздер.

Үлестірмелер бойынша:

• жылдамдық;

• өзен ағысы;

• қоспалар;

• аралас.

Осындай төрт топқа бірігеді, енді осы топтар қолдарындағы есептерді бірігіп орындайды.

Жылдамдық тобы

№1.

Жүк көлігі бірінші күні барлық жолдың үштен бір бөлігін жүрді, екінші күні бірінші күнгі жолдың 90 % жүрді, ал үшінші күні қалған 440 км жолды жүрді. Жүк көлігі екінші күні қанша километр жол жүрді?

№2.

Саяхатшылар тобы 1 сағ автобуспен, содан кейін автобус жылдамдығынан 18 км/сағ – қа кем жылдамдықпен 6 сағ жаяу жүрді. Саяхатшылар тобы барлығы 67 км жол жүрген болса, автобус жылдамдығы мен жаяу жүргендегі жылдамдықты табыңыз.

№3.

Ара қашықтығы 256 км екі станцадан бір мезгілде, бір бағытта жүк пойызы мен жолаушылар пойызы жолға шықты. Жолаушылар пойызының жылдамдығы жүк пойызының жылдамдығының 50% - ға артық және 8 сағаттан кейін жолаушылар пойызы жүк пойызын қуып жетсе, онда олардың жылдамдықтары қандай болғаны?

Жауабы: 360 км; 25 км/сағ, 7 км/сағ; 64 км/сағ, 96 км/сағ;

Өзен ағысы тобы

№1.

Кемежайдан өзен ағысымен 4 км/сағ жылдамдықпен сал жіберілді. 3 сағаттан кейін салдың соңынан қайық шығады. Егер қайықтың меншікті жылдамдығы

9 км/сағ болса, ол салды кемежайдан қанша километр қашықтықта қуып жетеді?

№2.

Моторлы қайық су ағысының бойымен 105 км жүргенде, осы жолды ағысқа қарсы жүзгендегіден 2 сағ жылдам жүзді. Моторлы қайықтың тынық судағы жылдамдығы 18 км/сағ болса, су ағысының жылдамдығын табыңыз?

№3.

Моторлы қайық ағыспен жүзіп, А пунктінен В пунктіне 1,3 сағ – та барды. Моторлы қайық ағысқа қарсы жүзіп, осы қашықтықты 1,9 сағ – та жүрді. Ағыс жылдамдығы 2,4 км/сағ. Моторлы қайықтың өз жылдамдығын табыңыз.

Жауабы: км; 3 км/сағ; 12,8 км/сағ.

Қоспалар тобы

№1.

Сироп құрамында 18% қант бар. 40 кг сиропқа қанша килограмм су қосқанда, қанттың мөлшері 15% болады?

№2.

Ылғалдылығы 85% құрайтын 8 кг балғын түймедақ гүлі жиналды. Гүлдер кептірілгеннен кейін олардың ылғалдылығы 20% болды. Кептіргеннен кейін түймедақ гүлінің массасы қандай?

№3.

10 кг салмағы бар мыс пен қалайы қорытпасы 70% калайыдан тұрады. Осы қорытпаға 8 кг мыс қосылды. Қоспадағы қалайының концентрациясы мыстың концентрациясынан үш есе артық болуы үшін қанша килограмм қалайы қосу керек?

Жауабы: 8 кг; 1,5 кг; 26 кг.

Аралас тобы

№1.

Кафеде бірінші күні барлық шырынның бөлігі сатылды, екінші күні қалғанының бөлігі сатылды. Егер екінші күні сатылған шырын 60 л болса, барлығы неше литр?

№2.

Математикадан бақылау жұмысында 8 оқушы «5» алды, 18 оқушы «4» алды, 12 оқушы «3» алды және бірнеше оқушы «2» алды. Егер бақылау жұмысы бойынша орташа балл 3,8 болса, онда «2» алған оқушы саны қанша?

№3.

Қабырғалары 20 см, 30 см болатын тік төртбұрыштың ұзындығын 10% - ке арттырып, ал енін 10% -ға кемітсе, онда тік төртбұрыштың ауданы қанша пайызға өзгереді?

Жауабы: 140; 2; 1% кемиді.

Топтар жұмыстарына слайдта көрсетілген дайын жауап арқылы өзін – өзі бағалау жүргізеді, кемшілік болған жағдайда мұғаліммен пікірлеседі.

Бөлім бойынша жиынтық (ББЖ) бағалау тапсырмалары:

№1. Өрнекті ықшамдаңыз:

a) .

№2. Алгебралық өрнекпен берілген тепе – теңдікті дәлелдеңіз:

.

№3. Катер 5 сағ ағыспен және 6 сағ ағысқа қарсы жүзді. Егер катердің меншікті жылдамдығы км/сағ, ал өзен ағысының жылдамдығы х км/сағ болса:

a) катердің ағыспен жүрген жолын;

b) катердің ағысқа қарсы жүрген жолын;

c) барлық жолды;

d) ағыспен жүрген жолдың ағысқа қарсы жүрген жолға қарағанда қаншаға көп екенін математикалық модель түрінде көрсетіңіз.

Математика. Жалпы білім беретін мектептің 6-сыныбына арналған оқулық, 2- басылымы

Т.А. Алдамуратова,

Т.С, Байшоланов,

Е.С, Байшоланов . – Алматы: Атамұра, 2015.

ISBN 9965-34-442-6

Қосымша 1

Слайд 5

Қосымша 2

Слайд 6

Қосымша 3

Слайд 7

Қосымша 4

Слайд 8

Қосымша 5 – 7

Слайд 9 - 11

Сабақтың соңы

38 – 40 мин

Сабақты қорытындылау:

• мәтінді есептерде есеп шартын оқып түсіну;

• есеп шарты бойынша айнымалысы бар өрнектерді құрастыру;

Үй тапсырмасы:

Сағат 11 – де А қаласынан жүк машинасы 60 км/сағ жылдамдықпен В қаласына шықты. Жүк машинасы 1,5 сағ жүрген соң, оған қарсы В қаласынан 100 км/сағ жылдамдықпен жеңіл машина шықты.Олар сағат 14 – те кездесті. Машиналардың кездескен жері қай қалаға жақын?

Рефлексия

Математика. Жалпы білім беретін мектептің 6-сыныбына арналған оқулық, 2- басылымы

Т.А. Алдамуратова,

Т.С, Байшоланов,

Е.С, Байшоланов . – Алматы: Атамұра, 2015.

ISBN 9965-34-442-6

Слайд 12 - 13

Қосымша 8

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы.

Сабақ үрдісінде оқушының ойлау қабілетін шыңдау, ББЖБ бірігіп дайындалу мақсатында топпен сараланған тапсырмалар ұсыну.

Топтық жұмыста, өзін өзі бағалау, мұғалімнің бағалауы жүзеге асырылады.

Дұрыс отыруын қадағалау, топтық жұмыс кезінде емін еркін қозғалыста болу.