Координаталық жазықтық. Координаталары бойынша нүктені салу.

Уақыты:

05.03.2018

Сынып: 6

Пәні: 

Математика

Сабақтың

тақырыбы

Координаталық жазықтық. Координаталары бойынша нүктені салу.

Сабақтипі

Білімді бекіту және білік пен дағдыны қалыптастыру

Сабақтың мақсаты

1. Координаталық жазықтық туралы білімдерін жүйелеу, нәтижелеу.

2. Bilimland.kz сайтын пайдаланып, нүктенің орнын және координатасын анықтау;

3. Координаталық жазықтық туралы білімдерін пайдаланып есептер шығару.

Бағалау критерийі

1. Координталық жазықтық туралы білімдерін жүйелейді, нәтижелейді;

2. Нүктенің координатасын және орнын анықтайды;

3. Координаталық жазықтық туралы білімдерін пайдаланып есептер шығарады.

Көрнекілік-тер

Презентация, Bilimland.kz сайты, миллиметрлік қағаз, тақта, оқулық.

Оқушы әрекеті

Сабақтың басы

(3 мин)

Салеметсіңдер ме балалар! Бүгін қандай керемет күн, менің бүгін көңіл күйім өте жақсы, себебі сендер секілді ақылды, әдемі, тырысатын, бір сөзбен айтқанда супер балаларды көріп тұрғаныма қуаныштымын!

Сабақтың тақырыбын, мақсатын , жоспарын хабарлаймын.

Амандаса-ды.

Тыңдайды.

Сабақтың ортасы

(33 мин)

І. Үй жұмысын тексеру(4 мин)

Әр қатарға сайланған консультанттар арқылы сұрап шығу.

Кім үй жұмысын орындамады?

Есептерді дұрыс жауабы арқылы тексеремін.

Ал енді келесі сұрақтарға жауап берейік:

1. Координаталық түзу деген не?

2. Координталық түзуде нүктеге неше сан сәйкес келеді?

3. Координаталық жазықтықтың координаталық түзуден айырмашылығы қандай?

4. Координаталық жазықтықта неше ширек бар?

5. Ох осі не деп аталады? Оу осі ше?

6. Координаталық жазықтық не үшін керек бізге?

Координаталық жазықтық туралы біраз мәлімет біледі екенсіңдер. Бағалау парақшасына тиісті баллды жазып қоямыз. Енді сол білімдеріңді пайдаланып есеп шығаруға көшейік. Алдымен келесі жаттығуларды орындайық.

II. «Кім жылдам» (5 минут)

А) Берілген нүктелердің координатасын табу және координатасы бойынша нүктені салу

Ә) Координаталары бойынша нүктенің орнын табу.

Ауызша жауап береді

Дұрыс жауап берген оқушы 1 балл иеленеді

ІІІ. Жұптық жұмыс

1. тапсырма. (8 минут)

№1181

Координаталық жазықтықта АВСD тіктөртбұрышының А(-2; 2),

В(-2;2) және С(4;2) төбелері бойынша оның D төбесінің координаталарын анықтаңдар. Берілген тік төртбұрыштың периметрін есептеп табыңдар. Бірлік кесінді 1 см-ге тең.

№1176

Координаталық жазықтықтағы АВСD квадратының үш төбесінің координаталары: А(-3; -2), В(-3,2); С(1;2) бойынша төртінші төбесі D –ның координаталарын тауып, квадрат салыңдар және оның периметрін табыңдар. Бірлік кесінді 1 см-ге тең.

№1182

EFMN квадратының Е төбесі координаталар басында жатыр, оның F(0;4), M(4;4) төбелерінің координаталары бойынша N төбесінің координатасын табыңдар. EFMN квадратының ауданын табыңдар бірлік кесінді 1см-ге тең.

Берілген уақыт аяқталған соң жұмысты тоқтатып, үш оқушы тақтада есепті шығарады.

Басқа оқушылар кері байланыс жасайды.

Тақтаға қарап қалғандары тексереді

IV.  Сергіту сәті ( 2 минут)

Барлығымыз орнымыздан тұрамыз!

Егер мен дұрыс тұжырым айтсам қолымызды жоғары көтереміз, ал бұрыс болса екі жаққа созамыз:

Мұғалім:

а) (2;2) нүктесі 3-ші ширекте жатады(оқушылар қолын екі жаққа созады); 
б) (0;3) нүктесі ОУ осінің бойында жатады (қолдар жоғары); 
в) (0;0) нүктесі координата басы деп аталады (қолдар жоғары);   
г) (–7; –2) нүктесі бірінші ширекте жатады (қолдарын екі жаққа созады); 
д) х осі абсцисса деп аталады (қолдар жоғары); 
е) (4;–-4) нүктесі 4-ші ширекте жатады( қолдар жоғары)
ж) координаталық ширектер екеу (қолдарын екі жаққа созады).

2 – тапсырма. Жеке жұмыс( 6 минут)

Координаталық жазықтықта М(4;-3), N(3;2) және K(-2;2) нүктелерін белгілеңдер. МN және MK сәулесін жүргізіңдер. Пайда болған MNK бұрышының градустық өлшемін табыңдар. (40⁰)

Сабақтың соңы

4 минут

VI. Шығармашылық тапсырма (8 минут)Берілген нүктелерді координаталық жазықтықта белгілеп, олардың арасын сынық сызықпен қосып, бір заттың бейнесін шығрау қажет

1-қатар: «Көгершін»

2-қатар: «Дельфин»

3-қатар: «Күшік» 

VII. Бағалау

Бағалау парақшасы:

Болған топ

тақтаға жұмыстарын іледі

Рефлексия:

1. Сабақ қалай өтті?

2. Қай тұсы қызықты болды?

3. Сабақта не ұнады?

4. Не ұнамады?

Оқушылардың кері байланысы. «Бағдаршам әдісі»

Егер оқушы:

Мен тақырыпты/сабақты/ түсінбедім, сондықтан сұрақтарға жауап бере аламадым десе онда бағдаршамның қызыл көзін бояйды.

Егер оқушы:

Мен тақырыпты /сабақты/ толық түсіне алмадым, сұрақтарға жауап беру үшін мен қайта оқып шығуым керек десе бағдаршамның сары көзін бояйды.

Егер оқушы:

Мен бәрін түсіндім, сондықтан барлық сұрақтарға дұрыс жауап бердім десе бағдаршамның жасыл көзін бояйды.

Үй тапсырмасын беру: №1173, №1179, №1184

Үй тапсырмасын оқушылар kundekik.kz

сайтынан қарайды