"Жас математиктер" сайыс сабағы

«Кішішыған орта мектебі мектепке дейінгі шағын орталығымен» коммуналдық мемлекеттік мекемесі

(Тәуелсіздіктің 25 жылдығына орай өткізілген сайыс сабағының жоспары)

Математика пәнінің мұғалімі Т.Ш. Шалимбаева

«Жас Энштейндер» атты

9-10 сынып оқушылары арасында өткізілетін сайыс жоспары

Мақсаты: Оқушылардың ой-танымын арттыру, сөйлеу мәнерін жетілдіру, пікір ұстанымын қалыптастыру. Пәнге қызығушылығын, оқуға ынтасын арттыру. Математика пәнінен алған білімдерін тереңдету.. Тәуелсіздігіміздің баянды болуына, еліміздің өркендеп, өсуіне үлес қосатын, болашақ иегерлері өздері екендігін түсіндіру. Бір-бірімен достық, ынтымақтастықта болуға, білімді, озық болуға, білімді азамат болуға тәрбиелеу.

Түрі: сайыс

Көрнекіліктер: презентация, таратпа материалдар, тапсырмалар

Сабақтың барысы:

Математика ғылымы тек математик болу үшін ғана емес, экономист, техника мен электроника маманы болуға, физика мен химияны жете меңгеруге, ұшқыш пен ғарышкерге, емші мен кеншіге де керек. Өйткені машинасыз, техникасыз өндіріс жоқ. Біздің келекшектегі мақсатымыз – дайын машинаны ғана пайдалана білмей, керек машинаны тіпті зауыт пен фабрикаларды өздеріміз сала білуіміз керек. Сонда ғана біз егеменді ел, ел силайтын азамат бола аламыз.

1-жүргізуші: Армысыздар, құрметті оқушылар, ұстаздар! Бүгінгі 9-10 сыныптар арсында өткелі отырған «Жас Энштейндер» атты математикалық сайысқа қош келіпсіздер!

2 -жүргізуші: Басталық ақыл – ойдың дара кешін,

Халайық сендер бізге жақын келші

Математика ғылымына ұмтылғандар,

Сен егер кім екенін білгің келсе.

1- жүргізуші: Бүгінгі сайысқа әр сыныптан бес оқушыдан төрт топ өз білімдерімен сайысқа түседі. Ендеше ойынға қатысушы топтарды қарсы алыңыздар.

2 -жүргізуші:

10 «А» «Тапқырлар» тобы

10 «Ә» «Білгіштер» тобы

9 «А» «Алғырлар» тобы

9 «Ә» «Заряд» тобы

1. жүргізуші:

Шын жүйрік шабысымен танылады,

Нақты білім, терең ой сыналады.

Баға берер әділқазы ортамызда,

Сіздерге құрметпен қол соғылады – дей келе әділқазылармен таныстырып өтейін:

1. Директордың тәрбие ісі-жөніндегі орынбасары Кальшаева Ә.А.

2.Физика пәнінің мұғалімі Қымызбеков М.Ә.

3. Ағылшын тілі пәнінің мұғалімі Касенова К.Е.

Есепші: математтика пәнінің мұғалімі Актанова Ұ.Е.

2- жүргізуші: Жақсылық адамдардың тілегі екен,

Тілейтін жақсылықты жүрегі екен.

Дәстүрі қазағымның сарқылмаған,

Жобасын сайыскерлер біле ме екен? –дей келе сайысымыздың жобасымен таныстырып өтейік.

Мұғалім:

1) «Таныс болайық» топтардың таныстыруы

2) “Қас – қағым сәт” әр топқа 10 сұрақтан беріледі

3) Мақалды жалғастыр. Кезектесіп мақалдағы жасырын сөзді тауып, қазақша, орысша, ағылшынша жазылуын тақтаға жазады.

4) «Бәйге» есеп жарысы. Әр топ есеп шығарып жарысады. (5 минут уақыт беріледі)

5) “Тәуелсіздік толғауы” Жатқа мәнерлеп өлең оқу жарысы

6) «Ақылдассаң шешерсің» берілген сандардан тура теңдік құру. Қайсы топ бұрын шығарады сол топ жауап береді.

7) “Шахмат” ойынының ұпайлары 10 «А» -15; 10 «Ә» - 9; 9 «А» -12; 9«Ә» - 3 ұпай алды.

2 - жүргізуші:

Мықты болсаң - алдағыны басып оз,

Мықты болсаң –арттағыға жеткізбе.

Мықты болсаң –тайғанама көк мұзда,

Мықты болсаң бөгеттерді бұзып өт.

1-кезең Таныстыруды бастаймыз.

1. - жүргізуші: Әділқазылар сайыстың 1-кезеңнің бағасын берсеңіздер.

1-жүргізуші:

Жарыс заңы ежелден

Жеңімпазды анықтау.

Жеңімпаз болу шарты сол

Еңбектену, жалықпау –дей отырып «“Қас – қағым сәт” кезеңін жалғастырайық.

Әділқазылар сайыстың 2-кезеңнің бағасын берсеңіздер.

2 - жүргізуші: Мақалды жалғастыр.

Білімдіден шығады алғыр шешен

Шешендікпен болған ғой барлық көсем.

Асықпаңдар, ойланыңдар жақсылап

Міндетің үш тілде жауап беру

Әділқазылар сайыстың 3-кезеңнің бағасын берсеңіздер.

1-жүргізуші:

Мектепте алған білім сапасын да,

Көрейік осы сайыс арқасында

Ұялтпай құрбы-құрдас, ұстаздарын,

Өзінің білім күшін байқатсын да- дей келе

келесі «Бәйге» есеп жарысына кезек берейік.

Әділқазылар сайыстың 4-кезеңнің бағасы.

1-жүргізуші:

Дербес, берік мемлекетпіз біз бүгін,

Әнұраным қайрат беріп шырқалған.

Елтаңбам бар төрден орын ол алған,

Тілім алып мемлекеттік мәртебе

Көк туым бар аспаныммен ұштасқан- дей отырып, Тәуелсіздігіміздің 25 жылдық мерей тойы құрметіне «Тәуелсіздік толғауы». Мәнерлеп өлең оқу сайысы.

Әділқазылар сайыстың 5-кезеңнің бағасын берсеңіздер

2-жүргізуші

Сынның да сыны бар ғой, сыналатын,

Әр түрлі білім сырын ұға алатын.

Жылдамдық керек мұнда әрі өткірлік,

Сыналып әр секунтпен жүре алатын –дей келе «Ақылдассаң шешерсің» кезеңіне де келдік.

Әділқазылар сайыстың 6 -кезеңнің бағасын берсеңіздер

1-жүргізуші: Есепші мен әділ қазылар қорытындысын есептегенше «Білгенге маржан» жанкүйерлер сайысын жүргізейін.

1. Ең кіші үш таңбалы сан (100)

2. Төрт санының кубы (64)

3. Бір минут бір сағаттан неше минут кем? (59)

1. Ең үлкен үш таңбалы сан (999) 3) 11 санының квадраты (121)

2. Миллионда неше ноль бар? (6)

2-жүргізуші: Шеберлікті, білімді сараптап сіздер көрдіңіздер,

Әділқазы алқасы әділ баға беріңіздер, сөз кезегін әділқазылар алқасына береміз. Марапаттау.

Қорытындылау. Жеңімпаз топты өз жеңістерімен құттықтаймыз! Білімді, білікті адамның шығар биігі әрқашан биік. Сондықтан жақсы оқып, биіктен көріне беріңіздер! Егемен еліміздің туы мәңгі көкте желбіресін! Еліміздің көркейіп, дамуына өз үлестеріңді қосуға тілектеспін.