Менің достарым. (жаңа сабақ)

Сабақтың тақырыбы:Менің достарым.

Мақсаты:а) білімділік:балаларға «дос» сөзіне түсінік беру, өзінің досының есімін

                 және досы туралы айта білуге үйрету. Сөйлеу мүшесінің қозғалыс қимылын,

                 саусақ моторикасын жаттықтыру.

                 б) дамытушылық:зейінің, есте сақтау қабілетін, ойлау қабілетін дамыту,

                 ойын дағдыларын қалыптастыру, фонематикалық есту қабілетін, сөйлеу тілін

                 және сөздік қорың дамыту, сабаққа деген қызығушылығын арттыру,

                  ойындар арқылы еркін, дұрыс жауап беруге дағдыландыру.

                  в) тәрбиелік: өзін тануына, достарын бағалауға, бір-біріне көмектесіп

                 қамқор болуға тәрбиелеу.

Әдіс-тәсілдері:көрсету, түсіндіру, сұрақ-жауап алу, әңгімелесу, бой сергіту, ойындар.

Көрнекі-құралдар:достар тақырыбына арналған суреттер, жыл мезгілдерінің суреттері, баулар, сылдырмақ, ұялы телефондар, доп, гүлдер, қоңырау, дабыл, қағаз, кубик, мозайкалар тақтайшасымен

Сабақтың барысы:

1.Ұйымдастыру кезеңі.

Сәлемдесу.

-Балаларды тыныштандырып, назарларын сабаққа аудару.

Таңғы жиын.

-Балалар, бізге бүгін көп қонақтар келді, бәріміз амандасып алайық.

Арайлап таң атты,

Күн нұрын таратты.

Аспанымыз ашық болсын,

Деніміз сау болсын,

Достарымыз көп болсын,

Қайырлы таң қонақтар,

Қайырлы күн достар!

- Жарайсындар балалар, қане барлығымыз орындарымызға отырайық.

- Балалар бүгінгі біздің сабағымызға келген қонақтар, сенің сабаққа қалай жақсы қатысатыныңды бақылап отырады, сондықтан балалар сабаққа белсене қатысып, жақсы жауап беріп отырындар.

– Балалар қазір жылдын қай мезгілі?

- Қазір жылдын қыс мезгілі.

- Қыс мезгілінің алдында қандай мезгіл болды?

- Әрине күз мезгілі.

- Ал қыс мезгілінен кейін қандай мезгіл келеді?

- Көктем мезгілі келеді.

- Қыс мезгілінде қандай өзгерістер болады?

- Қыс мезгілінде күн суық болады, жиі-жиі ақ қар жауады, айналаның барлығы ақ мамыққа оранады, далада аяз қатады.

-Балалар бүгін біз дос жайлы әңгімелесеміз. «Дос» деген сөз екі немесе бірнеше бірге ойнап, бір-біріне кез келген сәтте көмектесе білетін, ренжітпейтін, ойыншықтарың бөллісетін, ұрыспайтын, бірге саябаққа, музейге, асханаға, театрға баратын, бірге би-билеп ән айтатын өзара достығын айтамыз.

- Балалар біз кез келген баламен дос болу үшін, біз мейірімді, ұқыпты, тәртіпті әр сәтте бір-біріне көмектесе білетін, жақсы бала болуымыз керек. Егер біз қасымыздағы баланы ренжітіп, ұрсатын болсақ, ол бала бізбен дос болмайды. Сондықтан балалар сендердің достарын көп болсын десендер, алдымен өздерін жақсы әрі тәртіпті болуларын керек.

- Балалар мына тақтадағы суреттерге қарандаршы?

-Бірінші суретте үш ұл бала бірге бір дастархан жайып, шәй ішіп отыр. Қанекей балалар суреттегі балаларға есім берейікші, шәй құйып отқан баланың есімі Болат, кесе ұстап отырған баланың есімі Тараз, ал қасындағы баланың есімі Сергей. Бұл балалар бір-біріне жақсы достар екен, себебі Тараз бен Сергейді Болат ойыннаң соғ үйіне шақырып шәй беріп отвр.

- Келесі суретте қыздар мен ұлдар бірге қосылып ән айтып, ойыншықтарды бірге бөлісіп, ойнап жүр екен.

- Ал, мына суретте ұлдар мен қыздар бірігіп дос болып, далада серуендеп жүр екен. Мінекей балалар ұлдар ұлдармен, қыздар қыздармен және ұлдар,қыздар болып жақсы дос болып ойнауға болады.

- Балалар сендердің әрқайсыларының өз топтарын бар. Сол топтың ішінде көптеген жақсы балалар бар, бірақ сендердің сол топта немесе басқа топтан достарың барма?

- Жарайсындар балалар, сендердіңдостарын көп екен. Ал, ендеше маған өз достарының есімін және достарынның жақсы жақтарын, қай топтағы дос бала екені жайлы айтып беріндерші?

- Қанекей Анна сенің досынның есімі кім?

-Менің достарымның есімдері Ұлбала және Кристина. Ұлбала 2-ші топтан, ал Кристина 5-ші топтан. Олармен мен ойнаймын, бірге сабаққа, асханаға, саябаққа, музейге барамын. Ертеңгіліктерде бірге ән салып, би-билеиміз. Ойыншықтарды бөлісіп ойнаймыз.

-Жарайсын Анна.

-Ал, енді Болат өзінің достарын жайлы айтып берші?

- Менің достарымның есімдері Тараз және Женя. Тараз 4-ші топтан, ал Женя 3-ші топтан болады. Біз бірге доппен футбол ойының ойнаймыз, бірге асханаға, саябаққа, серуенге, музейге, театрға барамыз. Ертеңгіліктерде бірге би-билеп тақпақтар айтамыз. Біз бір-бірімізді және басқаларды ренжітпейміз, кез келген сәтте көмектесуге дайын тұрамыз.

- Жарайсын Болат сендер мықты айырылмас нағыз достар екенсіндер.

- Балалар жалпы біз бір шаңырақтың астында тұрғандықтан, бір-бірімізге әрқашанда дос болып, бір-бірімізге көмектесіп жүрейік.

-Қанекей балалар орнымыздан тұрып бойымызды бір сергітіп алайық.

2. Сергіту сәті:

Қане достар орнымыздан тұрайық,

Қолымызды созайық.

Алақанды ашайық,

Саусақтарымызды атап шығайық,

Басбармағым- ағасы.

Балаң үйрек-нағашы,

Ортан терек-атасы.

Шылдыр шүмек-анасы,

Шынашағым-қарлығаш.

Барлығына қарындас,

Бесеуі де бауырлас.

Ағайын, дос, бауырлас!

• Жарайсындар балалар, қане орнымызға отырамыз.

3. «Ақ тілек» ойыны.

Ойын шарты: балалардың қолына гүл шоқтары беріледі, балалар шеңбер құрып гүлді бір-біріне беру кезінде жақсы ақ тілек сөздер айтады.

Мақсаты: бір-біріне деген мейірімділігін, достық сезімдерін ояту, ойлау қабілеті мен сөздік қорың дамыту.

Достық туралы лебіздер айту. (мен сенің досын болғым келеді, Мен сенімен барлық жерде бірге болғым келеді. Мен сендермен саябаққа барғым келеді. Менің достарым көп болсын. Достарым ешқашан ауырмасын. Біздің ойыншықтарымыз көп болсын. Достарымды мен ренжітпеймін, оларға көмектесемін. Достарымды мен жақсы көремін. Барлығымыз бақытты тәртіпті бала боламыз).

4. Ұсақ қол моторикасына арналағн ойындар.

а) Мозайкамен жұмыс, мозайканың түймешелерінен кез келген пішіндер (гүл, үй, көлік) жасап досына сыйлау.

б) тесіктері бар ағаш және балық пішінге бауды өткізу.

5. «Қайсы заттан дыбыс шығардым?» ойыны.

Ойынға керекті құралдар: қоңырау, дабыл, қағаз, сылдырмақ, ұялы телефондар, кубиктер.

Ойын шарты: айтылған заттардың атауын атап үстел үстіне қоямын және қайсысынан қандай дыбыс шығатының, дыбыстар шығарып көрсетемін. Сосын ойыншықтарды жерге қойып, үстел астынан шылдырлатып дыбыстар шығарамын, ал балалар қай ойыншық екенін тауып айтады.

6. «Қателеспей қайтала?» ойыны.

Ойын шарты:табиғат аясында шығатын шулы дыбыстарды және жәндіктер мен жануарлардың дыбыстауларын дыбыстап айтқызу.

Жаңбыр жауды –тырс-тырс-тырс;

Жел тұрды- уууу- ууууу –уууууу;

Ағаштар шуылдады – ышшш-ышшш-ышшш;

Көліктер жүрді –вуу-вууу-вуууу;

Есікті біреу соқты – тук-тук-тук;

Сағат тықылдап жүреді- тик-так-тик-так;

Маса ызыңдады- ыззз-ызззз-ыззззз;

Қоңыз ыжыңдады- ыжж-ыжж-ыжжж;

Мысық мияулайды –мияу-мияу-мияу;

Ит ырылдайды- ырр-ыррр-ыррррр;

7. «Сөз ойла, тез ойла» ойыны.

Ойын шарты:қолымдағы допты кез келген балаға бір сөз айтып беремін, ал допты тосып алған бала қайта өзіме кері доты беру кезінде, кез келген бір сөз айту керек. Мысалы: орындық, кілем, бала, қыз, жақсы, жаман, доп, ойыншық.

8. Сабақты қорыту.

• Сонымен балалар сендердің достарың барма?
• Жақсы дос болу үшін, сендер қандай болуларын қажет?
• Жарайсындар балалар, бүгінгі ойындар сендерге ұнады ма?

Бағалау: сабаққа жақсы қатысқандары үшін мадақтау және бағалау.