«Менің отбасым»

Маман: Нурбалаева С.К

Тақырыбы: «Менің отбасым»

Сабақтың мақсаты:

1. Отбасы туралы түсінік беру. Өз жанұясы туралы әңгімелесуге үйрету, үйдегі қауіпсіздік ережелер негізімен таныстыру.Отбасы және отбасы мүшелері жайлы түсініктерін қалыптастыру. Балаға жаңа сөздерді меңгертіп, оларды ауызекі сөйлеуде дұрыс пайдалана білуге үйрету.

2. Отбасы мүшелері және отбасындағы сыйластық туралы әңгімелету арқылы есте сақтау қабілеттерін дамыту. Баланың сөйлеу әрекетін,ойлауын, қиялын дамыту. Сурет ойынша сөйлемдер құрап айтуға машықтандыру.

3. Үлкенге ізеттілік көрсетуге, кішіге қамқор болуға тәрбиелеу.Баланың қызығушылығын арттырып, отбасы мүшелерін сыйлауға тәрбиелеу.Өзара сыйластыққа, кішіпейілдікке, отбасы мүшелерін құрметтеп,сыйлауға тәрбиелеу.

Көрнекілігі: отбасы мүшелерінің сюжеттік суреттері.

Сабақтың барысы:

І. Ұйымдастыру кезеңі:

• баланың көңіл – күйін сұрау

• ауа райы, жыл мезгілі туралы сұрау

• баланы ыңғайлы отырғызу

2.Білім-білік дағдысын анықтау.

• Ал сендер үйлеріңде бір-бірлеріңе қандай жақсы сөздер айтасыңдар?

• Қайырлы таң, әкетайым, анашым!

• Қайырлы күн, асыл әжем, аташым!

-Мені үйдегі үлкендер «құлыншағым», «ақылдым менің» деп еркелетеді.

3.Жаңа сабақ.

• Бір үйде қандай адамдар тұрады?

• Бір үйде бір-біріне жақын адамдар тұрады.

• Атасы, әжесі, әкесі, анасы және олардың балалары.

-Дұрыс айтасың, осы адамдар отбасын құрайды. - Әмір, біздің шаттық щеңберіміз киіз үйге ұқсайды.Жоғарыдағы күмбез шаңырақ деп аталады.Шаңырақ- отбасының белгісі. Барлығымыз бірге қайталайық.

Отбасы- ол бақыт,

Отбасы-ол ата-ана,

Отбасы –ол туыстарымыз

• Ғажайып сәт. Әмір, мына жасырынып тұрған тұрған не?

• Кәнекей, олай болса ашып көрейік. Ия,ол үй екен, не үшін керек?

• -Онда адамдар тұрады.

Әр адам, үлкен болсын, кіші болсын өз үйін жақсы көреді, себебі ол үйде оның отбасы тұрады.Отбасы- дегеніміз бір үйде тұратын адамдар тобы.Отбасы мүшелері: әкесі, ана және олардың балалары.Отбасының болуы –үлкен бақыт.

-Әр адамның өз үйі болады. Онд оның отбасы мүшелері тұрады.

4.Білім-дағдысын қалыптастыру.

«Ойлан, тап» тапсырмасын орындау.

-менің айтқандарымды мұқият тыңдап, кім туралы айтып тұрғанымды ойланып тап.

Қатал көрінгенімен өте мейірімді. Кітапты көп оқиды, бау-бақшаны баптайды. Немерелерін жақсы көреді. Ол кім?

• Ата.

• Өзіңнің атаң туралы әңгімеле.

- Өзі мейірімді, әрқашанда қатық-майы, ірімшігі, қант-кәмпиті дайын. Ол кім?

• Әже.

• Ал сенің әжең қандай?

Сергіту сәті

• Атам жылқы бағады. (Бір орында тұрып, шоқырақтап шабу).

• Ағам пішен шабады. (Шалғымен шөп шапқан сияқты қимыл жасау).

• Жеңгем сиыр сауады. (Отырып, сиыр сауғандай қимыл жасау).

• Әжем киіз қағады. (Киіз қаққандай қимыл жасау).

5.Бекіту

1. «Бес саусақ» ойыны.

2. Берілген суреттен заттардың сыңарын тауып сызу.

6.Сабақты қорытындылау.

• Отбасы мүшелерін ата.

• Отбасы мүшелері бір-бірімен қалай тұрады?

7. Үйге тапсырма.

Өз отбасы жайлы әңгімелеп келу