"Менің атым Қожа" ашық сабақ

Сабақтың тақырыбы: Б. Соқпақбаев. Менің атым Қожа.

Сабақтың мақсаты: Білімділік: Оқушыларды Б.Соқпақбаевтың шығармаларымен таныстыру. Мәтін мазмұны мен идеясы арқылы баланың шындыққа көзқарасын қалыптастыру.

Дамытушылық: Мәтін мазмұны бойынша талдау арқылы шығармашылық қабілеттерін ұштау, әр оқушының өзіндік ой-қиялына ерік бере отырып,

өзінше ой түюге баулу, топпен жұмыс істеуге бағыттау, ізденуге талпын- дыру, шығармашылық қабілеттерін дамыту. Сыни ойлау дағдысын дамыту.

Тәрбиелік: Қожа бейнесі арқылы оқушыларды адамгершілікке, мәдениетті- лікке, әдебиетті сүюге, үлгі-өнеге алуға шақыру. Жағымсыз қасиеттерден аулақ болуға тәрбиелеу. Алған білімдерін өмірде қолдана білуге тәрбиелеу.

Сабақтың көрнекілігі:интерактивті тақта, оқулық, Б.Соқпақбаевтың «Менің атам Қожа» кітабы, Абдулла Қарсақбаевтың «Менің де атым Қожа» фильмінен үзінді, слайдтар, кесте, кері байланыс парағы.

Сабақтың түрі: Жаңа сабақ.

Сабақтың әдісі: Миға шабуыл, ой шақыру, мәнерлеп тізбектей оқу, талдау, шығармашылық жұмыс,СТО, диалогтік оқыту, топтастыру, топтық жұмыс, «Ойлан, тап!» ойыны, «Оқиғалар тізбегі» ойыны, «Теріп алу» стратегиясы, кері байланыс, бағалау.

Сабақтың барысы: І. Ұйымдастыру кезеңі:

* Ынтымақтастық атмосферасын қалыптастыру.

Біздің топта ұл-қыздар,

Тату-тәтті жүреміз.

Күнге созып қолды біз,

Тек жақсылық тілейміз..

ІІ. Топқа бөлу: Геометриялық фигуралар бойынша топқа бөлемін.

1-топ: шаршы. 2-топ: дөңгелек

ІІІ. Үй тапсырмасын тексеру. («Кішкене доп» ойыны) (слайд №1)

Сұрақтар:

• Мәтін тақырыбы қалай аталады? (Оқымысты бала)

• Мәтін кім туралы? (Әлкей)

• Ауыл қайда көшті? (Жайлауға)

• Ауыл қай жерге киіз үй тікті? (Шідерті өзенінің бойына)

• Әлкей қандай бала? (Зерек бала)

• Оқуды неше жасында үйренді? (4-5 жасында)

• Әлкей үлкендерге не айтып берді? (Батырлар жырын)

• Жаз шыға Әлкейдің әкесі қайда кетті? (Баянауылдағы Қоянды жәрмеңкесіне)

• Әкесі Әлкейге не әкеліп берді? (Кітап)

• Әлкейдің қолына тиген кітабы кімдікі болды? (Абайдың өлеңдері)

• Елі Әлкейді кім деп атап кетті? (Оқымысты бала)

ІҮ. Қызығушылықты ояту:

Мұғалім: -Балалар, тақтаға назар аударыңыздар. Біз қазір сіздермен бейнефильм тамашалап көрейік.

(«Менің атым Қожа» фильмінен үзінді көрсетіледі). (слайд №2)

Мұғалім: Балалар, қандай фильмнен үзінді көрдіңіздер?

(оқушылардың жауаптары тыңдалады)

• Қалай ойлайсыздар, бүгінгі сабақ барысында,үй тапсырмасын тексеру кезінде сіздер мен біздер сөйлесудің қандай түрі арқылы сөйлестік? (диалог)

* Диалог дегеніміз не? (екі немесе одан да көп адамдардың сөйлесуі)

- Бүгін біз диалог арқылы сөйлессек, бүгінгі біздің басты кейіпкеріміз бізге қарсы шығып, монолог арқылы сөйлесем дейді.

- Ендеше, назарларыңызды тақтаға аударып, мына бейнефильмді тамашалап көрейік. (Қожаның айна алдында өзімен өзі сөйлесуінен үзінді көрсетіледі) (слайд №3)

- Монолог дегеніміз не екен?

(Монолог- әдеби шығармада кейіпкердің өзіне-өзі қарата айтылған, ішкі сырын білдіретін ойы. Бұл ой кейіпкердің көңіл күйін, қуанышын, ренішін, күдігін байқатады).

• Ендеше, өздеріңіз көрген бейнефильмдегі Қожаның өзімен өзі сөйлеуі монолог деп аталады.

Мұғалім: Сонымен, біздің бүгінгі сабағымыздың тақырыбы: Б.Соқпақбаевтың «Менің атым Қожа» атты әдеби шығармасы. (слайд № 4)

Ү. Мағынаны тану.

• Автор туралы түсінік беру.

(слайд көрсетіледі)

• Мәтінді оқушыларға тізбектей оқыту.

• «Ойлан, тап!» ойыны. Кімнің сөзі екенін айтыңыздар? (слайд)

• Қадыров Қожаның жеке бас құпия кеңесі ашық деп жариялаймын.

Күн тәртібінде бір-ақ мәселе- тәртіпті, үлгілі оқушы болу үшін мен бұдан былай не істеуім керек? – Ал,сөйле, батырым! (Қожаның сөзі)

• Шыбыным, жалғыздан-жалғыз отырып та адам жиналыс өткізе ме екен? Түн болса сарылып көп оқисың. Осы сенің ұйқың қанбай жүр ғой деймін? (әжесінің сөзі). (слайд )

Сергіту сәті: «Кумер-кумер» әні.

* «Оқиғалар тізбегі» ойыны: (ойынның шарты: шатасқан оқиғаларды рет-ретімен қою) (слайд)

1. Қылмыскер Қожамен бетпе-бет отыруы. (4)

2. Жеке бас құпия кеңесі (1)

3. Әжесінің сырқаттанып қалды деп уайымдауы. (3)

4. Қожаның қаулы қабылдауы. (2)

ҮІ. Ой толғаныс: «Теріп алу» стратегиясы. (Қожаның бойындағы мінез-құлықтарды теріп алады) (кестемен жұмыс).(слайд )

(алғыр, пысық, ақылды, сотқар, тентек, мейірімді, әділетті, ақын, әзілқой, тапқыр, қателіктерін түсіне біледі)

• Өмірмен байланыс: (жеке жұмыс, дәптермен жұмыс)

• Өзіңіздің бойыңыздағы бір жағымды, бір жағымсыз қылықтарды жаза

қойыңыздар.

• Кеңестің қаулысы бойынша Қожаның бойындағы басты қандай кемшіліктер аталды?

• Қожа өз сөзінде өзін түзетуге «серт беремін» дей ме, жоқ, «тырысамын» дей ме?

• Оның серт бермеу себебі неліктен? Қалай ойлайсыздар?

• Адамның өзін-өзі сынауы оңай ма? Өз ойыңызды дәлелдеңіз?

• Әңгімеден Қожаның жақсы адам болатынына сенер ме едіңіздер?

Мұғалім: Ендеше, балалар, сіздер Қожаның бойындағы жағымсыз қасиеттерден аулақ болуларыңыз керек екен. Ал жағымды қасиеттерін бойымызға қалыптастыруымыз қажет.

ҮІІ. Кері байланыс: Бүгінгі сабақ саған ұнады ма? Сабақтан кейінгі сезім күйім? (слайд)

( кері байланыс парақшасын толтырады)

(мұғалімнің критерий арқылы бағалауы, бағалау парақшасын толтыруы).

ҮІІІ. Үйге тапсырма: «Менің қиялымдағы Қожа...» қандай болу керек? деген тақырыпта эссе жазып келу. Мәтінді оқып мазмұнын айту.(слайд)