Бастауыш сынып мұғалімі
Дүйсен Мираш Мұсаханқызы
Пәні: сауат ашу
Сабақтың тақырыбы: Ю дыбысы мен әрпі.
Сабақтың мақсаты: 1 Ю дыбысы мен әрпін таныту, ол арқылы берілген сөздерді оқу мен жазуды
үйрету.
2.Оқушылардың есте сақтау, С.Т.О. қабілетін, сөйлеу тілін дамыту.
3.Ұқыптылыққа баулу, ұлттық қолөнерге бейімділік қасиеттерін,
туған елге сүйіспеншілікке тәрбиелеу.
Сабақтың түрі: аралас
Сабақтың көрнекілігі: суреттер, «Әліппе» электронды оқулығы, интерактивті тақта.
Оқыту әдісі: репродуктивті, С.Т.О. элементтері, ақпараттық- коммуникативтік технология
Оқыту формасы: топтық, жеке
Сабақтың мазмұны:
І. Ұйымдастыру кезеңі
Жалқаулықты тастайық,
Сабақты біз бастайық.
Білім жолымен жүрейік,
Қиындықтан қашпайық
-Жарайсыңдар, балалар, олай болса сабағымызды бастайық.
ІІ. Өткен сабақтан алған білімін тексеру.
1. Кубизм әдісі бойынша өткен тақырыпты еске түсіру.
1. -Балалар, біз өткен сабақта қандай дыбыспен таныстық?
2. -Я қандай дыбыс?
3. -Я дыбысы қандай дыбыстардың қосарлануынан жасалады? Қалай естіледі?
4. Бағандағы сөздерді оқы.
5. Кісі аттары, жер -су аттары қалай жазылады? Жер-су аттарын тауып оқы.
6.«Сұр қоян» өлеңін жатқа айтқызу.
ІII. Жаңа сабақ
Қызығушылықты ояту.
Электронды оқулықпен жұмыс.
1. Жұмбақ шешу.
Орманнан, жалпақ даладан
Бал іздеп бір аң жортады.
Кіп- кішкентай арадан
Үп- үлкен боп қорқады. (Аю)
2. Аю сөзінің соңғы дыбысын бөліп алып айтқызу.
А ю. Айу. Й+У=Ю АЮ
-Бізге таныс емес қандай дыбыстарды естіп тұрсыңдар? -ю (бірнеше рет қайталап дыбыстау)
Ю дыбысы екі дыбыстың қосарлануынан жасалады, бір әріппен жазылатындығы.туралы
түсінік беру.
3. Ю- дауысты дыбыс. Қызыл бояумен бояймыз.Созылып айтылады. Жеке буын құрайды.
4. Сөздер тыңдау: ою, аю. (айтып жаттығу)
5. Сурет бойынша жұмыс. (ою суреті бойынша)
-Мынау не?
-Ою.
-Ою- өрнек туралы не білеміз?
-Ою- өрнектер нелерде бейнеленеді?
Ою- өрнектер көбінесе қазақ халқының ұлттық белгісі іспеттес. Себебі, бұлар киіздерде, төсеніш
бұйымдарда, киімдерде (қазақы шапанда, жаға жеңде, бас киімде), домбыра бетінде, тағы неде болады?
-Тудың жиегінде болады.
IV Мағынаны тану.
1. Оқулықпен жұмыс. Бағандағы сөздерді оқу, буынға бөліп хормен оқыту.
Қою, құю, сүю, есею, азаю, Қию, түю, күю, үлкею, көбею
2. Жеке тапсырма беріп, жеке оқушыға оқыту.
Дауысты дыбыстан басталған, дауыссыз дыбыстан басталған сөздерді тауып оқы.
Үш буынды сөздерді тауып оқы.
.
3. Мәтінді оқу, түсіндіру, оқушыларға оқыту.
«Ою» мәтінін оқу
Сөздік жұмысы: сырмақ сөзінің мағынасын түсіндіру.Сырмақ түрлі- түсті киізден, қалың маталардан оюлап жасалған әшекейлі ұлттық үй жиһазы.
Сұрақ-жауап.
- Әжесі не сырды?
-Сырмаққа не ойып салды?
-Оюы қандай болды?
4. Өлең жаттауға жаттығу
«Жақсы көрем» өлеңін мәнерлеп оқу, оқыту, мазмұнын айту.
-Кім шайды қоюлап ішеді?
-Кім сырмақты оюлап сырады?
-Атасы мен апасын кім жақсы көреді?
-Сендер ше? Апаларың мен аталарыңды қалай жақсы көресіңдер?
Оқулықтағы жазу жолындағы сөз, сөйлемдерді оқыту.
5. Сергіту сәті
Мен әжемді жақсы көрем (қол шапалақтау)
Мен әжемнің бетінен сүйем ( қимылмен)
Мен атамды ( қол шапалақтау )
Мен әжемді ( қол шапалақтау)
құрметтеп өтем ( кеудеге басу )
6. Электронды оқулықпен жұмыс.
1- тапсырма
Дәптермен жұмыс
Ю әрпін әдемі жазып үйрену, жазғызу.
Ү. Ой- толғаныс.
1. -Сонымен, Ю қандай дыбыс?
-Сөздің қай жерінде жазылады?
2. Электронды оқулықтағы 2- тапсырма.
Ю әрпі бар сөздерді естігенде қоңырауды басу: аю, ақ, ою, орындық, қою, мысық, азаю,көбею
3. Электрондық оқулықтағы 5- тапсырма.
Ю әрпін киіз үйдің тиістісіне (қызыл үйге – дауысты дыбыс) апару.
Ою - өрнекті екі бөліп, ортасынан Қ.Р.Президенті Н.Ә.Назарбаев, Қ.Р. мемлекеттік рәміздерінің суреттерін, топтастыруды шығару. (қысқаша мәлімет беру)
Жаңа айтқандай, ою-өрнек біздің туымызда да бар екен. Туымыз еліміздің тәуелсіздігінің ұлттық нышандарының бірі. Биыл 21 жыл толды.
Елтаңба Гимн
Президент
Төл теңге Ту
Ата Заң
Мемлекеттік рәміздерді құрметтеуіміз керек.
4. - Біз бүгінгі сабақта қандай дыбыспен таныстық?
Қарғалы №1 орта мектебінің 1«б» сынып оқушылары ұстазы
Дүйсен Мираш Мұсаханқызымен
Әліппе – білім баспалдағы
