Бір өзі-бір әлем.

1-жүргізуші: Ұрпақтарды тамсантқан сымбат, нәрі

Ғұмырыңыз тірліктің түрлі ақпары.

Тәуелсіз ел төрінде жарқыраған

Бұл ғасырдың өзіңіз бір мақтаны.

2-жүргізуші: Қойнауына тарихтың алып кіріп,

Құпия сырларына қанықтырып.

Кеткендей сәулесімен жан сарайды.

«Үркер» мен «Елең – алаң» жарық қылып.

1-жүргізуші: Тізгіндеген шақтарда ой - алыпты ,

Алуан түске сан сурет боялыпты.

Замананың сырлары сұхбат құрып,

Аруымыз ұйқыдан ояныпты.

2-жүргізуші: Айналдырған ұлылық қорғанына,

Талантыңыз орман ба, ордалы ма –

Бірге түлеп заманмен құйылыпты

Құнар қосып жырлардың қорларына.

1-жүргізуші: Бақыт кейде десек те азапты нұр,

Өмір сізге сыйлаған ғажап ғұмыр.

Қаламменен, біліммен, парасатпен,

Көтердіңіз биікке қазақты бір.

2-жүргізуші: Жүректерді жылытса жан шуағы,

Көңіл кірі біліммен аршылады.

Нұр шашсын деп Әлемге сыйға тартқан

Секілдісіз Маңғыстау шамшырағы.

1-жүргізуші: Иә, халқының құрмет сыйын, қадірін қапысыз иеленген тума талант, өткен тарих пен бүгінгі өмірді аражіксіз байланыстырған философиялық, психологиялық өріске еркін ендеп, соны жол, тосын бағдар, кестелі келіс тапқан, ой-түйіні ешкімге ұқсамаған дара тұлға, сұңғыла сөз зергері Ә.Кекілбаевтың 70 жылдық мерейтойы аясында Гуманитарлық пәндер бірлестігінің «Әбіш әлемі» апталығының қорытынды кешіне

« Бір өзі – бір әлем» атты кешке қош келдіңіздер!

2-жүргізуші: Біз бір апта бойына Әбіш әлеміне саяхат жасап, бала Әбіштен дана Әбішке дейінгі өмір жолын көріністер арқылы көмкеріп, бейнетаспа арқылы тамашаладық.

1-жүргізуші: Олай болса, Әбіштің жанкүйерлері, ізбасарларын ортамызға шақырайық!

8а сынып 9а сынып

8б сынып 9б сынып

2-жүргізуші: Сайысымыздың шарттарымен таныстырып өтейін:

1) Таныстыру. ( әр топ өзін таныстырып өтеді)

2) Әбіш шығармаларына байланысты викториналық сұрақтарға жауап беру.

3) Әбіш өлеңдерін мәнерлеп оқу сайысы.

4) Прозалық шығармаларынан монолог оқу.

5) Әр сыныпқа берілген жазушы шығармалары бойынша көрініс көрсету.

Сайысымыздың алғашқы шарты-таныстыру. Олай болса, әр топ өзінің аттарын, мақсатын таныстырып өтсін.

8а 9а

8б 9б

1-жүргізуші: Бала кезің ұлағат, дана кезің,

Тырнап ашқан сен едің сана көзін,

Кәрі дала сан ғасыр толғатқанда,

Тек Маңғыстау туа алған – Дарабозым!..

2-жүргізуші: Иә, Әбіш туған топырақ Маңғыстау, Онды, Мырзайыр.Әбіш қайда жүрсе де, қандай деңгейдегі қызметтер атқармасын өзінің қасиетті мекені – Маңғыстауын ешқашан ұмытқан емес. Облыстың «Маңғыстау» аталып қайтадан құрылуына атсалысуы, қалаға «Ақтау» атын қайтару, Ақтау теңіз портын салу, т.б. Маңғыстаудың өркен жаюына қатысы бар күрделі істерге араласып отыруы Әбіштің елге, жерге, атамекенге деген сүйіспеншілігінен туған.

Келесі кезекті Көптілеуов М. орындауындағы «Ауылым» әніне береміз.

1-жүргізуші: Ойшылдығы, болмаса тереңнен суыртпақтай суырып, қопарып суреттеу машығы әсер етті ме, әлде қалам қарымын таныған әріптес ағалары мен тұрғыластарының « проза жазып көрсейші» деп қолқалауы себеп болды ма екен, Әбіш прозалық шығармалар жаза бастады.Сайысымыздың келесі шартына көшейік.Сайысымыздың бұл шартында әр топ өзіне берілген Әбіш шығармалары бойынша жедел сұрақтарға жауап береді.

8а – «Бір шөкім бұлт» 9а – «Күй»

8б – «Құс қанаты» 9б – «Шыңырау»

1-жүргізуші: Бітпейді адам барда жалған дауы

Шығады келер күннің алдан жауы

Ақынға өлең жазу дегеніңіз –

Жандардың суға кеткен тал қармауы.

2-жүргізуші: Иә, Әбіш алланың құдіреті мен адамның қабілетіне шәк келтірмейді. Өз сөзінде Ә.Кекілбаев жалғыз – ақ айтарым: мен бұлардың қай – қайсысын да түсіме енген тұспалмен немесе құлағыма сыбырлаған нұсқаумен жазғам жоқ. Бәріміз бастан кешірген кептердің, бәріміздің көкірегіміздегі дерттердің айтуымен жаздым.Келесі кезекті Әбіш өлеңдерінен мәнерлеп оқу сайысына береміз.

Ән: «Маңғыстау» (Орындайтын: Қобдабай Қ.)

1-жүргізуші: Ә.Кекілбаев қарымды қаламгер, сарабдал суреткер. «Сарабдал» деген жалғыз ауыз сөздің өзінде қаншалықты шалқар мағына бар.Ол өз бойына тегіннен – тегін лақ ете қоймайтын сөзге сараңдықты, ұғымтал мен ұтымталды қапысыз танитынқырағы, ақылды, санап айтып, қадап тигізетін мірдің оғындай өтімді пікірді , рухани қайсарлықты, кемел парасатты сыйғыза алады. Осы сөз ақиқаттың тілін тапқан кеел суреткер Әбіш талантына анықтама болуға әбден жарайды.

2-жүргізуші: Иә, шын суреткерді ең алдымен, халықтың ғасырлар бойы бастан кешкендері мен көңілге түйгендерін бүгінгі уақыт елегінен өткізіп, келесі ұрпақтар сарабына ұсына алатын сарабдал ойға, сара парасатқа деген зәрулігі туғызады. Әбіш шығармаларындағы көркем образдар – шеберлікпен сомдалған ақиқаттың жемісі. Әбіш сол көркем образдың ішкі дүниесіне, сезім сарайына үңіліп, жан тебіренісін суреткерлік бояу, көркем тілмен көмкере білген.

Олай болса, сайысымыздың келесі бөлімі «прозалық шығармалардан монолог оқу» кезеңіне көшейік. Әбіш кейіпкерлерін ортаға шақырайық.

8а 9а

8б 9б

1-жүргізуші: Төккен шақта әуелі жыр көпір ғып,

Құдіретті тәңірім күрт өкім ғып,

Ұлы жолдың басына айналыпты

«Алтын шуақ» көмкерген «Бір шөкім бұлт».

2-жүргізуші: Теңсіздікті – адамға дұшпан аты,-

Теже, - дейтін ұрпаққа нұсқа хаты-

«Шыңыраудың» тұңғиық тереңдері,-

Елжіреткен жүректі «Құс қанаты».

1-жүргізуші: Қаламгердің «Шыңырау», «Құс қанаты», «Автомобиль» повестерінің қай – қайсысы да шынайы шеберлікпен шыңдаған дүниелер.

2-жүргізуші: Сайысымыздың соңғы бөлімі әр сыныпқа берілген шығармалардан көрініс көрсету кезеңіне келіп жеттік.Олай болса, сахна майталмандарын ортаға шақырайық!

8а 9а

8б 9б

1-жүргізуші: Міне, бүгінгі сайысымызда биік белестерді артқа салып, өз мәресіне де келіп жетті.Сайыскерлер топтарын тамаша таныстырды, сұрақтарға ұтымды жауап берді, мәнерлеп нақышына келтіріп өлең оқыды, кейіпкердің ішкі сарайына терең бойлап, көркем де шебер көрініс көрсете білді.

2-жүргізуші: Дарындылықты, даралықты бағалап, әр топтың өнерін саралап, әділ баға беретін әділ қазылар алқасы қас жүйрікті, жеңімпаз топты анықтағанша келесі кезекті ән – шашуға береміз.

Ән «Маңғыстау-көздің қарасы». Орындайтын: Ізғалиев Ж.

1-жүргізуші: Тәуелсіз сөзді ту қылып,

Төріне байрақ байлаған,

Беркініп садақ асынған

Бедерін асып заманның

Беделді сөзден таймаған,

Жасай бер, жаса ел үшін

Ортаға біткен ойлы адам.

2-жүргізуші: Үкілі аспан төрінде

Үмбеті қазақ жерінде

Үркерін сөздің туғызған

Төле би десем келісер

Қазыбек десем келісер

Әйтеке десем келісер

Жасай бер, жаса ел үшін

Халықтың ашық маңдайы,

Қазақ елінің таңдайы.

Бүгінгі «Бір өзі – бір әлем» атты Ә.Кекілбаев шығармашылығына арналған кешімізді жабық жариялаймыз!