Абайдың қарасөздері

Сабақтың тақырыбы: Абайдың қара сөздері 1-6

Сабақтың мақсаты: білімділік: Абай аудармаларын қайталата отырып,

ақын қарасөздерінің мазмұны мен идеясы жайлы

түсінігін кеңейту;

дамытушылық - әр оқушының өзіндік ой-қиялына ерік

беріп,өзінше ой қорытуға,ой түюге баулу,

шығармашылық жұмысқа жұмылдыру арқылы

таным-түсініктерін дамыту;

тәрбиелік – ақын қарасөздері арқылы оқушыларды

адами қасиеттерге баулу, ақын көтерген

проблемалар тағылымынан үлгі-өнеге алып

оқушының азаматтық, бейнесін қалыптастыру.

Көрнекілігі: тақтада «Даналықты іздесең, Абайды оқы,ерінбе» деген эпиграф және Абайдың портреті,қанатты сөздер жазылған

жеміс ағашы үлестірме жемістер,стикер,сәлемдеме,

3+3+1стратегиясы

Сабақтың өту әдісі: сұрақ-жауап,талдау,шығармашылық жұмыс.

Сабақтың барысы. І. Ұйымдастыру кезеңі.

Оқушыларды стикер қағазы арқылы топқа бөлу.(оқушылар өздеріне берілген қағаздан ұшақ жасап оның бір қанатына тілек жазып, екінші жағына аттарын жазып бір-біріне ұшырады)үш топ болып орындарына отырады.Бір оқушы топ жетекшісі ретінде топты бағалап отырады.Топқа жеміс ағашын ұсынамын әр топтың оқушысы дұрыс жауап берсе жеміс ағашына жеміс іледі.Бүгінгі сабақта нені оқып білгенін қағаз бетіндегі көлшікке жазып отырады.(сабақ соңында әр топ өз көлшіктері мен жеміс ағашын тақтаға іледі соған қарап топ бағаланады)

Бірінші тақтадағы эпиграфты «Даналықты іздесең, Абайды оқы,ерінбе» оқып,бүгінгі сабақтың ерекшелігі туралы, яғни Абай өлеңдері, аудармалары мен қарасөздерінен даналықты тере отырып талдау жүргізілетіні айтылады.Ол үшін өтілген материалды қайталай отырып еске түсіру керектігі айтылады.

ІІ.Өтілген материалды қайталау. Үйге берілген тапсырма бойынша ақын аудармалары жайлы әңгімелету.

Абай ауылынан келген сәлемдемені үлестіремін (осы бойынша өздеріне берілген тақырыптардың кімнен аударылған аударма екенін айтып сұрақтарға жауап береді)

1. Абай аудармалары жайлы не білеміз ортаға салайық.

2. Абай кімнің шығармаларына аударма жасады?(А.С.Пушкин шығармасы) «Евгений Онегин» романын «Онегиннің сипаты», «Татьянаның Онегинге жазған хаты», «Онегиннің Татьянаға жауабы», «Онегин сөзі», «Онегиннің Татьянаға жазған хаты», «Татьяна сөзі», «Ленский сөзі»

3. М.Лермонтовтан аударма жасаған «Теректің сыйы», «Ой», «Жолға шықтым бір жым-жырт түнде жалғыз», «Жалау», «Дұға», «Жартас», «Бородино», «Менің сырым , жігіттер, емес оңай»

4. Лермонтовтың Байроннан және Гетеден аударған өлеңдеріне аударма жасады. «Еврей әуені», «Көңілім менің қараңғы», Гетеден аударған әйгілі «Қараңғы түнде тау қалғып» атты өлеңдерін қазақ даласына таныстырды.

5. Сондай-ақ атақты орыс мысалшысы И.А.Крыловтан «Шегіртке мен құмырсқа», «Қарға мен түлкі», «Есек пен бұлбұл», «Піл мен қанден», «Қарға мен бүркіт»

ІІІ. Жаңа сабақ

Ақын жайлы не білдік? Өмірі, шығармашылығы,»өлеңдері, аудармасы) енді біз оқымаған қандай шығармасы қалды?(қара сөздері)

Ендеше біз бүгінгі жаңа сабағымызда ақынның қара сөздерімен танысамыз.

Ақынның көркемдік, әлеуметтік, гуманистік және діни көзқарастары терең көрінген еңбегі – қара сөздері – ұлы ақынның сөз өнеріндегі көркемдік қуатын, философиялық дүниетанымын даралап көрсететін прозалық шығармасы. Тақырыбы мен мазмұны жағынан әр алуан адамзатқа ортақ асыл сөз деп айтуға болады. Олай болса біз қазір ақынның қара сөзді жазудағы мақсаты жайлы айтқан бірінші сөзін тыңдап көрелік. (тыңдату)

Тыңдалым –

1.Бүгінгі сабақ тапсырмасы бойынша Абайдың 1-6 қара сөздерімен танысамыз. Мен қазір алдыларыңа топқа 2,3,4,5,6 қарасөздерін беремін сол берген қарасөздерді оқып ақынның айтпақ ойы жайлы әңгімелеп беріңдер. Оқып танысамыз ойымызды кесте ге жазу арқылы оқып береміз. (уақыт беремін)

Оқылым –

Айтылым –

Кестемен жұмыс:

Қарасөзді оқу барысында 3+3+1 стратегиясын қосымша орындату

1.Қарасөз ішінен өздеріңе ұнаған түйінді ойды білдіретін үш сөйлем жазыңдар

2. Осы үш сөйлем ішінен үш сөзді шығарып жазамыз.

3. Үш сөздің ішінен бір сөз шығарып жаз. Енді ойыңды дәлелде не үшін бұл сөзді таңдадың? Ол сөз несімен ұнады?Ол арқылы нені айтқың келеді?

Қорытынды: Бүгінгі сабағымызда жеміс ағашымыз жемісті болу үшін (тапсырмалар орындау арқылы) көлшіктегі сумен суарамыз, ендеше көлшікте қанша су бар екен көрелік (әр топтан тақтаға көлшіктерін алып шығып оқып қорғайды) Міне көлшігіміз суға толы екен. Жеміс ағашына су жеткілікті ме ? жемістері қандай екен? Жеміс ағашын тақтаға ілдіріп топты бағалау.Жауап берген оқушының жемістерін санату арқылы бағалау.

Үйге тапсырма:Абайдың жазған қара сөзіне қарай отырып өзіміз де Абайға еліктеп қарасөз жазып көрейік