Менің педагогикалық ұстанымым

«Менің педагогикалық ұстанымым» эссе

«Ел есінде бір жыл қалғың келсе-ас бер, он жыл қалғың келсе-ағаш отырғыз ,ал мәңгі қалғың келсе-бала тәрбиеле» дейді халық даналығы. Ең қастерлі де, қасиетті мамандық ол-ұстаздық. «Мектептің жаны-мұғалім. Мұғалім қандай болса ,мектебі һәм сондай болмақшы яғни мұғалім білімді болса, білген білімін басқаға үйрете білетін болса,ол мектептен балалар көбірек білімді болып шығады» Мен ақпаратты жаңалықтар алып, сабақ өту жолдарын біліп, әріптестеріммен бөлісіп , ақыл-кеңес алып отырамын. Ustaz.кz ,sabak. кz т.б көптеген сайттарға кіріп өзіме қажетімді аламын. Өз әдістемелік технологияларым мен сабақ үйрету шеберлігімді жетілдіру үшін төмендегідей жұмыс жүргізу маңызды деп ойлаймын:

• үздіксіз біліктілікті арттыру;

• арнайы әдебиеттер оқу;

• оқытудың жаңа әдістері мен технологияларын пайдаланып отыру;

• өзіндік сараптама жүргізу арқылы ұстаздық шеберлікті жетілдіру;

Жаңа XXI ғасырға сай өзгеше қабілет-қасиетке ие ұрпақ қалыптасып келеді.Осыған орай ұстаздықтың мәні жаңа сипаттарға ие болуда. Демек, ұстаздың білім мен өнердің жеке қиын саласына үйретуге өте мұхият бағыт ұстауы білім-біліктің тармақтылығын жеке үйретуді талап етуде. Өзімнің тәжірибеме сүйене отырып, жаңашыл ұстаз болмысын сомдар болсам, біріншіден мұғалім-үздіксіз ізденуші. Кез-келген тосын сұраққа жауап беріп, кез-келген жағдаяттардан шыға алатын білімдар жан. Ізденіс мен үшін әрқашан теориялық білімді кеңейтіп, методикалық әдіснамамды арттырудың тиімді жолы болмақ. Сол арқылы келешек ұрпақтың сапалы білім алуы қажеттілігін жадынан шығармай кәсіби мәдениеті жоғары білікті маман атану. Білім беру үрдісін ақпараттандыру-жаңа ақпаратты модулдерді пайдалану арқылы дамыта оқыту, дара тұлғаны бағыттап оқыту , дара тұлғаны бағыттап оқыту мақсаттарын жүзеге асыра отырып, оқу-тәрбие үрдісінің барлық деңгейлерінің тиімділігі мен сапасын жоғарылатуды көздейді және оқушылармен қарым-қатынасты күшейту. Сондықтан да педагогикалық процессте инновациялық технологияларды яғни оқыту мен тәрбиенің тәсілдерінде мақсаты мен мазмұнын нақты айқындауда, мұғалім мен оқушының бірлескен қызметінде ұйымдастыруға жаңалық енгізу негізінде қолданады. Инновациялық технология ең алдымен оқушының шығармашылық қабілетін, жаңалық ойлап табуға бағытталған қабілеттер деңгейін дамытады. Шығармашылық-өте күрделі психологиялық процесс. Мұғалімдерге қойылатын талаптардың бірі –шығармашылық. Мұғалім өз шығармашылығы арқылы оқушы шығармашылығын ұйымдастырады. Ал менің мақсатым-оқушыға оқу үрдісін ұйымдастыру барысында мұғалімдерге бағыт беру арқылы шығармашылықтың маңызын білдіру, баланың басқаға ұқсамайтын қабілетін ашу. Білім -барлық уақытта жоғары құндылықтардың бірі болмақ. Тек білімді, сауатты адам ғана келешек тізгінін қолына ала алады. Ал, баланың білімге, оқуға деген қызығушылықтарын оята білу ол біздердің , яғни ұстаздар қауымының басты міндеті деп ойлаймын. Елбасының бұл жолғы «Қазақстан жолы-2050: Бір мақсат.Бір мудде. Бір болашақ» Жолдауында білім саласын басты назарға алды. XXI ғасырдағы дамыған ел дегеніміз: белсенді, білімді және денсаулығы мықты азаматтар болу керектігі даусыз. Ол үшін бірегей білім беру жүйесі мен денсаулық саласының жұмысын жақсарту қажет.«Ұстаз болу-өз уақытыңды аямау, басқалардың бақытын аялау» Жан-Жак Руссо Ұстаздың ұлы міндеті-адам тәрбиелеу. Мектепте оқылатын пәндердің ішінде алар орны ерекше –мен сабақ беретін физика пәні. Ғылым мен техника, интернет жүйесі т.б жаңа технологиялар заманында физика ғылымы олардың негізі болып табылып, бастаушы роль атқарады. Техникадағы жаңалықтың бәрі физика саласының негізінде айқындалады. Ағылшын ағартушысы Уильям Уорд «Жай мұғалім хабарлайды, Жақсы мұғалім түсіндіреді, Керемет мұғалім көрсетеді, Ұлы мұғалім шабыттандырады» деген нақыл сөзі мұғалімге үлкен жауапкершілік артады. Әрбір ұстаз үшін оқу-тәрбие процесін ұйымдастыруда мол білімділікті, ақылдылықты, дұрыс іскерлік пен дағдыны қолдануды талап етеді. Осы ретте кейбір мәселелерді жаңаша көзқараспен қарастыру керек деп есептеймін

Мұғалімнің шеберлігі екі жағынан бірдей танылады: бірінші, баланы қалай, қалайша оқыту үшін оның психологиясын білу, екінші жағы, оқытып-тәрбиелеудің әдіс-тәсілдерін ,жолдарын терең білу және оны қолдана білу.Осы талаптарға сай мұғалімдер шеберлігі қалыптасып жетіледі.Сабақты тартымды, қызықты етіп өткізу- мұғалімнің шеберлігі, білімдігі, таланты. Мұғалімнің кәсіби шеберлігі алдымен мақсат-міндеттерді дұрыс шешуден басталады. Қазіргі білім мен техниканың дамыған кезеңінде ұлттық құндылықтарымызды шетелден еніп келе жатқан түрлі мәдениет ағымына көміліп қалмас үшін , жеке тұлғаны әлемдік деңгейге шығаруға қабілетті етіп тәрбиелеу-басты мақсат болып табылады. Ал міндетіміз –жеке тұлғаның өзіндік көзқарасын қалыптастыру және оны қорғай білуге уйрету, оқушыларға тілді меңгерте отырып, белсенділіктерін арттыру , ақыл-ой таным қабілеттерін дамыту. Оқушының оқылатын пәнге деген қарым-қатынасын , көзқарасын анықтаушы бірден –бір адам –мұғалім. Жаңаша оқыту технологиясының мазмұнын жаңарту жағдайындағы менің педагогикалық ұстанымым: «Маған айтып берсең –ұмытып қалармын, көрсетсең-есімде сақтармын, өзіме жасатсаң үйреніп алармын» (Конфуций) Мектептегі оқыту үрдісі жаратылыстану- ғылымы және әлеуметтік-экономикалық білімнің жалпы жүйесінен тұратын білім, білік дағдыны қалыптастыратын үрдіс Дамыта оқытудың ең басты жүйесі –оқыту үрдісін оқушының санасына бағыттау. Оқушылардың пәнге деген қызығушылығын дамыту мақсатында сабақтарымда электронды оқулықтарды, интерактивті тақтаны, тірек – сызба нұсқаларды пайдалана отырып, оқушыларды өздіктерінен шығармашылық ізденіске бағыттаймын. Мен- ұлт мұраты мемлекет пен халық мүддесін орындап, қоғамның рухани дамуына сай асыл құндылықтарға қол жеткізген мамандық иесімін . Мен –ұстазбын!

Ойымды жинақтай келе айтарым: Мұғалім шеберлігі-бұл өте жоғары білімді сапалар жиынтығы, әрі ұдайы жетіліп отыратын тәрбиелеу мен оқыту өнері. Қазіргі заман мұғалімнің тұлғалық белгісі-ой өрісінің кеңдігі мен оның ауқымды дүниетанымы. Заман ағымымен теңдей қадам басамын деген әрбір адам көп ақпараттан хабардар болуы қажет.

Қолданылған әдебиеттер:

1. Жүнісова.Ж.А. Педагогикалық шеберлік – Алматы ,2011.-Б.91. 2.Шыныбекова.Э.И. Ұстаздық қызметтегі

педагогикалық этика- Алматы:Білім,1987. Б-38