Кезектес салалас

САБАҚ: қазақ тілі

Мектеп:

Күні:

Мұғалімнің аты-жөні:

Сынып: 5 сынып (Т1)

Қатысқан оқушылар саны:

Қатыспағандар:

Бөлім атауы

4-бөлім: Жануарлар әлемі мен өсімдіктер дүниесі

Сабақтың тақырыбы

№ 1 сабақ. Жануарлар әлемі.

Сабақтың түрі

Жаңа тақырып

Осы сабақ арқылы жүзеге асатын оқу мақсаттары

Т/А1 Болжау Тірек сөздер мен ұсынылған иллюстрациялар арқылы тақырыпты болжау.

ӘТН 4.2; Грамматикалық норма Зат есімдердің мағыналық түрлерін мәнмәтін аясында жалғаулар арқылы түрлендіріп қолдану.

Сабақтың мақсаттары

Барлық оқушылар: 1) Тақырыпты иллюстрациялар арқылы болжайды;

2) Мәтіннен зат есім сөздерді табады.

Көптеген оқушылар: 1) Болжауда тірек сөздерді қолданады;

2) Зат есімдерді түрлендіре қолданады.

Кейбір оқушылар: 1) Болжауына дәлел келтіреді, түсіндіреді;

2) Зат есімнің түрленуіне түсінік береді, ереже шығарады.

Бағалау критеийлері

Тыңдалым, айтылым мақсаты бойынша:

тақырыпты болжау барысында өз ойын дәлелдейді;

тірек сөздерді түрлендіреді.

Әдеби тілдік норма бойынша:

сөйлемдер құруда зат есімдерді түрлендіре қолданады;

әр жалғау қызметін ажыратады және дұрыс қолданады.

Тілдік міндеттер

Тақырыпқа байланысты тірек сөздер: үй жануарлары, түз тағысы, жыртқыш, төл атаулары - абылай, алан, бөлтірік, марғау, көгілдір, баршын, құралай, еңлік, т.б.

Диалог және жазылым үшін қажетті сөз тіркестер:

менің ойымша..., мен бұл пікірмен келісемін / келіспеймін

Осыған дейін меңгерілген білім

Жануарлардың өмір сүру ортасы

Жоспар

Жоспарланатын уақыт

Жоспар бойынша орындалуы тиіс іс-әрекеттер

Дереккөз дер

Сабақтың басы

5 минут

Қызығушылықты ояту

1. Сәлемдесу, сабаққа дайындық.

2. Бейнематериал тамашалау. (2 мин 30 сек)

3. - Ал сіздер қаншалықты жануарларды жақсы білесіздер? (5-6 жұмбақ шешу)

4. Сабақтың тақырыбын болжау.

5. Сабақтың мақсаттары мен бағалау критетийлерімен танысу.

https://www.youtube.com/watch?v=ToueETPS7ns (2 мин 30 сек) http://balalaralemi.kz/zhumbaktar/view/53

Сабақтың ортасы

35 минут

Мағынаны тану

Тыңдалымалды тапсырмасы:

Берілген жануарлардың, аңдардың, құстардың төлдерінің суреттері, тірек сөздер бойынша тыңдалым тақырыбына болжам жасату.

Топтасу. Ортаға үш оқушы шығады. Тілімше қағаз суыру арқылы топ аты анықталады. (Мысалы: «Қонжық», «Бота», «Мөлдір»). Олар кезекпен бір-бірден өз тобына «төл» жинайды.

Топтық жұмыс. Оқушыларға топтық жұмыс тапсырмалары таратылады.

Қалыптастырушы бағалау жұмысы

Тапсырма. Суреттерде берілген жануарлар мен аңдар, құстар туралы зерттеу кестесін толтырыңыздар. Берілген тірек сөздерді пайдаланыңыздар: үй жануарлары, түз тағысы, жыртқыш, төл атаулары - абылай, алан, бөлтірік, марғау, көгілдір, баршын, құралай, еңлік.

Бағалау критерийі:

Сөйлемдер құруда зат есімдерді түрлендіре қолданады.

Зерттеу кестесі

1-топ

2-топ

3-топ

«2 жұлдыз, 1 тілек» стратегиясы арқылы топ арасында бағалау.

Тыңдалым тапсырмасы

«Жануарлар мен аңдардың төл атаулары» видеомәтінін тыңдай отырып, зерттеу кестесіне өзгеріс енгізіңіздер. Жұмыс барысында екі түсті қалам қолданыңыздар.

Тыңдалымнан кейінгі тапсырма

Құстардың біріне төлқұжат дайындаңыздар. Таңдаған аң мен жануарға немесе құсқа ат қойып, шағын сипаттама беріңіздер.

Үлгі:

Грамматикалық тапсырмаға келесі жұмыс ұсынылады:

1. Тыңдалымнан кейінгі тапсырмаға сүйеніп, зат есімнің мағыналық түрлері және олардың жалғаулар арқылы түрленуіне түсінік беріңіздер. /тірек кестелерді қолдану арқылы/

2. Тыңдалған мәтіннен заттардың атауы болатын зат есім сөздерді табыңыздар.

3. Заттарды жаппай атаудан бөліп, жеке атаулармен атаңыздар.

4. Әр төлге бір есім беріп, осыдан жалқы есім туралы ереже қорытып шығарыңыздар.

Жазылым тапсырмасы (жеке жұмыс)

Жануарлардың төлдеріне ат беріп, «Менің құралайым» немесе «Бөлтірік пен Аланның достығы» деген тақырыпта шағын мәтін құрастырып жазыңыз.

Бағалау критерийлері

1. Тәуелдік, септік жалғауларын дұрыс қолданады;

2. Жалпы және жалқы есімдерді ажыратады;

3. Сөйлемдер құруда зат есімдерді түрлендіреді.

Оқушылар жұптық жұмыс арқылы бірін-бірі тыңдап, сөйлемдер құруда зат есімдерді түрлендіре қолдануын бағалайды.

https://www.youtube.com/watch?v=oBEDcJ7x76w Мәтін тақырыбы: «Жануарлар мен аңдардың төл атаулары»

Сабақтың соңы

5 минут

Рефлекторлық экран

Менде бәрі сәтті шықты ...

Мен үйрендім ...

Сабақта мен орындай алдым ...

Бәрінен маған ұнағаны ...

Бәрінен маған қиын болғаны ...

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Жұмыстың барлық түрінде оқушылардың қабілеті мен тілдік деңгейлері ескерілді.

Бағалау – Оқушылардың ақпаратты қаншалықты меңгергенін қалай тексересіз?

Формативтік бағалау, жұптық бағалау

Пәнаралық байланыс: табиғаттану, дүниетану, экология

Қауіпсіздік ережелері:

АКТ-мен байланыс: интерактивтік тақтадан таныстырылым, бейнематериал, кесте
Құндылықтармен байланыс: қоршаған ортаны қорғау, қамқорлық көрсету.

Ойлану

Сабақ мақсаттары/оқу мақсаттары жүзеге асырымды болды ма?

Бүгін оқушылар нені үйренді? Сыныптағы оқу атмосферасы қандай болды? Дифференциацияны жүзеге асыру қолымнан келді ме? Мен жоспарланған уақытымды ұстандым ба? Мен жоспарыма қандай өзгерістер енгіздім және неліктен?

Төменде берілген бөлімді осы сабақ туралы ойларыңызды жазу үшін пайдаланыңыз. Сол жақ бағанда берілген сабағыңызға қатысты ең маңызды сұрақтарға жауап беріңіз.

Жалпы баға

Сәтті өткен екі нәрсені атап көрсетіңіз (сабақ беру және оқытуға қатысты)?

1:

2:

Қандай екі нәрсе сабақтың одан да жақсы өтуіне ықпалын тигізер еді (сабақ беру және оқытуға қатысты)?

1:

2: