Жеңіс күні

«Жеңіс күні!»

Сабақтың мақсаттары:

1) Оқушылардың Ұлы Отан соғысымен, қазақстандықтардың ерлік істерімен таныстырып, ой-өрісін дамыту.

2) Оқушыларды адамгершілікке, Отанын сүюге, оны қорғауға баулу, Отанға деген сүйіспеншілікті арттыру, патриоттық сезімге баулу.

3) Оқушыларды үлкен адамдарды сыйлауға, оларды құрметтеуге тәрбиелеу.

Көрнекілігі: Музыка, кітап көрмесі, Ұлы Отан соғысына арналған, ерлік туралы жазылған нақыл сөздер, газеттер, үнтаспа.

Мұғалімнің кіріспе сөзі.

Тарих кеші үнемі жаңаланып отырады. Десе де ұмытылмайтын, ескірмейтін тарихи оқиғалар болады. Соның бірі әлемді дүр сілкіндірген екінші дүниежүзілік соғыстың қасіреті мен Ұлы Жеңістің қасиетін,батыр ағаларымыз бен апаларымыздың ерлігін ешкім де ешқашан ұмытпақ емес. Әлемді дүр сілкіндірген оқиға 1941 жылы маусымның 22 де болған еді. Бірақ сол кездегі Кеңес елінің бірлігі мен достығының арқасында 1945 жылы 9 мамырда бұл оқиға Ұлы Жеңіспен аяқталды.

Үнтаспадан тыңдау. Тыңдаңыздар, тыңдаңыздар! 1941 жылы 22 –маусымда таң шапағы жаңа ғанан арайланып келе жатқан кезде елімізге қауіп төнді. Халқымыз адам айтқысыз қиын-қыстау кезеңге душар болды. Фашистік Германия елімізге опасыздықпен басып кірді.

1-оқушы: Соғыстың алғашқы күнінен бастап-ақ Кеңес халқы жан тәнімен Отанын қорғады. Әрбір село, әрбір қала үшін кескілескен ұрыс болды. Қанішер неміс басқыншыларымен Кеңес азаматтары аянбай шайқасты.

2- оқушы: Соғыс жалмап аға-іні бауырды,

Зар жылатты тыныш жатқан ауыл.

Жалғызынан айырыпты ананы,

Әкесінен айырыпты баланы.

3-оқушы: Осы соғыста Кеңес одағынан басқа республикамен бірге біздің Қазақстан Республикасы да жан аямай шайқасты. Даңқты қарулы күштердің және еңбек армиясының құрамында 1млн 870 мың қазақстандықтар болған. Радиодан музыка ойнап тұрады.

4-оқушы: Туған жер, өскен орта, байтақ дала,

Махаббат, ыстық жүрек, құмарланып,

Сүйеді Төлегендей ер баласын,

Баулыған батырлыққа отан Ана.

5- оқушы: Ат ауыздығымен су ішкен, етегімен су кешкен сұрапыл соғыс ерлермен бірге қолдарына қару алып Отанын қорғауға біздің батыр апаларымыз бар.

Мұғалім. Иә, кеудесін оққа төсеген қазақтың қарапайым қызы Мәншүк қас дұшпанын елін қорғаған еді. Ол анасын, туған жерін қатты сағынғанда, қолы қалт босағанда анасына жазған сағыныш хаттары бір толастаан емес. Бұл 1943 жылдың күз айы болатын.

Мәншүктің хатын оқу. Қымбатты ана! Көптен күткен хат пен посылканы тура алғы шепте жүргелі сәтте алдым. Бұл 1943 жылдың 10 –қыркүйегі еді. Өзіме бірақ алма тисе де мен қатты қуандым. Кішкене сыйлықты мен сияқты күткен жауынгерлер мен әскери қолбасшылар талап етті. Үлкен рахмет жолымыз сәтті болды. Ал, қазір алғы шетте пулеметыммен фашистерді мықтап аңдудамын. Міне қалт еткен сәтті пайдаланып, сізге жауап жазып отырмын.

6-оқушы: Соғыс жылдары-ақ қазақстандық бас әскери құрамға гвардиялық деген құрметті атақ беріліп, олардың туларына әлденеше ордендер қадалды. Олардың жауынгерлерінің ерлігі аңызға айналды. Соның ішінде атақты 28 гвардиялық Панфилов дивизиясы бар. Оның құрамынан шыққан 28 батырдың батальон, кейіннен дивизия әскери қолбасшы болған Бауыржан Момышұлының, Мәлік Ғабдуллиннің есімдері соғыс тарихынан мәңгілік орын алды. Музыка ойнап тұрады.

Мұғалім. Ұлы Отан соғысына қатысқандар.

7-оқушы: Қасым Қайсенов, Талғат Бигелдинов, Нұркен Әбдіров, Мәлік Ғабдуллин, Мәншүк Мәметова, Әлия Молдағұлова, Бауыржан Момышұлы, Төлеген Тоқтаров, Рақымжан Қошқарбаев сияқты аты аңызға айналған ағаларымыз бен апаларымызды тарих бетінде «Батыр» деп жазды. Осы аталған батыр аталарымызды, бейбіт өмірге жете алмаған, ерлікпен қаза тапқан ағаларымыз бен апаларымыздың рузына бас иіп, еске алайық (1мин еске алу).

8-оқушы: Отанымыздың байтақ жерін қорғады.

Ақ сүт берген анасын қорғады.

Пәк жүзді баласын қорғады,

Самал ескен даласын қорғады.

9-оқушы:М.Мақатаевтың өлеңі. 1941 жыл «Ақпан».

Мұғалім: Иә, сұрапыл соғыс ешкімді аямады. Ана жарынан айырылды, бала әкесінен айырылды. Бірақ үміт оты еш өшкен жоқ. Бала әкесін күте берді, күте берді.

Ән «Соғыстан қайтқан солдаттар».

Мұғалім: Соғыс бітті. Ауыр жылдар артта қалды. Жеңіс туы желбіреді.

10-оқушы: Естідім-ау Жеңіс күнін

Дүрілдейді көк пен жер

Қуанышпен қағып гүлім

Ойнақтайды қуанған ел.

11-оқушы: Жеңіс деген жақсылықтың сыңары

Жігерленген құштарлықтың құралы.

Күрескердің арманы мен ұраны

Қуаныш пен мерекенің бұоаны.

Хор: «Ақ көгершін».

Мұғалім: Ешқашан соғыс болмай, әлемде тек бейбітшілік болсын.

Қорытынды. Сынып сағатын аяқтау.