Конспект урока на тему Ф.Оңғарсынова "Әже"

Пәні:  Әдебиеттік оқу

Уақыты: 28.01.2016              Сыныбы: 2а                 Мұғалімі: Аронова А.Г

Сабақтың тақырыбы: Ф.Оңғарсынова  «Әже»

Сабақтың мақсаты:

а) білімділігі: Оқушыларды Ф.Оңғарсынова өмірімен, шығармашылығымен таныстыруды жалғастыру. «Әже»өлеңімен таныстыру.

 ә) дамытушылығы: Оқушылардың білімге деген қызығушылығын арттыру, өз бетінше, топпен жұмыс істей білуге баулу. Тіл байлығын, ой-өрісін, шығармашылық қабілеттерін дамыту.

б) тәрбиелігі: Оқушылардың үлкенге-ізет, кішіге-қамқор бола біліп, ата-ананы, әжені сыйлай білуге тәрбиелеу, адамгершілік қасиеттерді бойға сіңіру.

Сабақтың түрі: Жаңа білім беру
Сабақтың әдіс-тәсілдері: Түсіндіру, сұрақ-жауап

Қоданылатын стратегиялар: Топтастыру, бес жолды өлең, мнематикалық схема,

Көрнекіліктер: Ф.Оңғарсынованың суреттері, бейнероликтер, сөзжұмбақ, кесте

Сабақтың өту барысы:

I Ұйымдастыру  бөлімі: (3 мин)

Психологиялық дайындық.

Қол ұстасып бәріміз,

Жылылықты сезейік.

Күндей болып әрқашан,

Күлімсіреп жүрейік!

Оқушыларды үш топқа гүлдерді суыру арқылы бөлінеді.

Үй тапсырмасын тексеру.

• Қандай тарауды өтіп жатырмыз?
• «Қадірлі әкелерім, мейірлі аналарым»
• Қандай өлең, мәтіндермен таныстыңдар?

«Ата ақылы» өлеңі, «Атасы мен немересі» әңгімесі, «Апаның тілін алса егер» өлеңі, «Жылу» өлеңі

- «Жылу» өлеңін жатқа сұрау.

- Ақын ананы не үшін күнге ұқсатады?

- Ана мейірімі туралы не дейсің?

- Ананың алақаны қандай?

Қызығушылықты ояту: (2мин)

Ойқозғау.

Күннің шуағы – жылы,

Ананың құшағы – жылы.

• Осы өлең жолынан не түсіндіңдер? (Ананың құшағы күннің құшағындай жылы екені айтылып тұр)

Мағынаны тану: (15мин)

• Балаларға әже туралы бейнеролик көрсетіледі.
• Бейнеролик ұнады ма?
• Кімге арналған? (әжеге)
• Олай болса, дүниеде ең қымбат ана болса, отбасының амандығын тілейтін, жүрекке жылы сөз айтып еркелететін ол – әже.
• Ендеше бүгін Фариза Оңғарсынованың «Әже» өлеңімен танысатын боламыз.
•    Әже деген кім?

Топтастыру. (саусақтар арқылы)

• Балаларға Фариза Оңғарсынова туралы мәлімет беру.

 Оқулықпен жұмыс: Өлеңді дұрыс түсініп оқы.

             Әже

Тентек болсам ашынып,

Жақсы іс қылсам, асырап,

Маған сақтап жүреді,

Тәттіні де жасырып.

Тосып тәтті дәмдерін,

Ол бар жерде бал жедім.

Мен ұйықтарда айтады,

Ертегісін әндерін.

Біздің үйде осындай,

Әжетайым бар менің.

Жуан және жіңішке сұрақтар:

• Өлең кім туралы айтылған?
• Ақын әжені өлеңде қалай бейнелеген?

Көрініс: «Әжесі мен немересі»

«Дүниеде не қымбат?»

Немере: Әже деймін, әже,

              Сұрағым бар сізге.

              Мен түсінбейтін бір жәйт бар,

              Түсіндірші соны бізге.

              Бірінші сұрағым сізге?

              Дүниеде не қымбат?

Әже: Адам қымбат, қалқам.

Немере: Адамға не қымбат?

Әже: Бала қымбат, қалқам.

Немере: Балаға не қымбат?

Әже: Ана қымбат, қалқам.

Немере: Иә, десеңші әже,

              Түсінбеппін осы жайды.

              Тағы бір сұрағым бар сізге.

              Қатты менен жұмсақ жайлы

Әже: Сұрай ғой қалқам.

Немере: Әже, дүниеде не тәтті?

Әже: Ананың сүті тәтті.

Немере: Дүниеде не қатты?

Әже: Атаның жүрегі қатты.

        Қарағым сауап қойдың көп маған.

        Бір ақыл айтайын саған,

        Тату болса – ағайын жақын,

        Ақылшы болса – апайың жақын.

        Бауырмал болса – інің жақын,

        Алдыңа тартқан адал асың,

        Қимас жақын қарындасың.

Немере: Түсіндім әже дүниеде не қымбат екенін?

              Енді мен айтайын.

Алтын ұяң – Отан қымбат,

Құт – берекең – Атаң қымбат.

Аймалайтын анаң қымбат,

Мейірімді әжең қымбат,

Асқар тауың әкең қымбат.

Бәрінен де ұят пенен ар қымбат.  

Ой толғаныс: (15 мин)

Топпен жұмыс: (5 мин)

1. топ: Сөзжұмбақ шешу.

Сұрақтары:

1. «Қуатты» сөзін басқаша тағы қалай атайды?  (нәрлі)
2. Ананың құшағы қандай? (жылы)
3. Көп нүктенің орнына сөз қой:. – асқар тау.  (әке)

 2-топ:  Сызбаны толтыр:

Ақын қолданған көркем  сөздер                          Мағынасы

ашынып                                                               ренжіп,ашуланып

асырып                                                                 мақтап,шаттанып

3-топ: Өлең жолдарын жалғастыр. (ұйқасқа берілген сызбаны пайдалан.)

                    Әже.

Мен ұйықтарда айтады,

Ертегісін әндерін.

.......

.......

(Аман болсын әрқашан,

Әжетайым ол менің.)

(Топтар бір- бірін шапалақ, бармақ, бағдаршам арқылы бағалайды.)

Сергіту сәті: (3 мин)

Бейнеролик арқылы сергіту сәті орындалады.

Деңгейлік тапсырма:

А деңгейі: Жүрекше арқылы әжеге жылы сөздер айту.

В деңгейі: «Менің әжем» тақырыбында эссе жазу.

С деңгейі: Бес жолды өлең (әже сөзіне)

1. Зат есім: әже
2. Сын есім: сүйкімді, мейірімді
3. Етістік: көмектеседі, сүйеді, бағады.
4. Сөйлем: Әжем менің мерейлі.
5. Мәндес сөз: ана

Үйге тапсырма:

• «Әже» өлеңін  жаттау.
• «Менің әжем» тақырыбында буклет жасау,

Бағалау: (5 мин)

Формативті бағалау (геометриялық пішіндер арқылы)