Тәрбие сағаты: "Сен де бір кірпіш дүниеге."

«Сен де бір кірпіш дүниеге...»

Мақсаты: Мамандық туралы алған білімдерін тереңдетіп, жақсы адам болу үшін жақсы қасиеттерді бойларына сіңіру.

Міндеті: 1.Жақсы қасиеттерді бойларына жинауға жетелеу.

2.Отаны үшін қызмет ететін азамат болуға баулу.

3.Әдемі сөйлеуге тәрбиелеу.

Барысы.

«Әсемпаз болма әрнеге,

Өнерпаз болсаң арқалан.

Сен де бір кірпіш дүниеге

Кетігін тап та бар қалан» - деп Абай атамыз айтқандай әр адам өмірден өз орнын тауып, өзінің қалауымен бір мамандықты таңдап, сол мамандық иесі болу керек.

• Сендер жақсы маман иесі болуға дайынсыңдар ма?

• Белгілі бір мамандықты таңдадыңдар ма?

Өмірде мамандық түрлері көп. Әр қайсысының өзіне тән қасиеттері бар. Мамандықтардың бәріне ортақ қасиет жақсы адам болу қажет. Ол үшін қандай адам болу керек? Ойларыңды ортаға салсаңдар.

( дені сау, жан-жақты, Отанын сүйетін, білімді, еңбекқор, адамгершілігі мол)

Қандай маман иесі болмасын адам осындай қасиеттерге ие болса, ол нағыз жақсы адам.

• Өзіңнің болашақ мамандығыңды таңдадың ба?

• Сен ол мамандық жайлы не білесің?

• Мамандақ таңдамауыңның себебі не?

• Сенің мамандық таңдауыңа кім әсер болды?

• Адамның мамандық таңдауына оның әлеуметтік жағдайы әсер ете ме?

• Жақсы маман болу үшін не істеу керек?

• Қазіргі заман талабына сай дамыған елдің маманы болу үшін не қажет деп ойлайсың?

«Сөз маржаны – мақал- -мәтелдер» демекші, мына мақал – мәтелдердің мағынасын түсіндіріп айтыңдар.

1. Жақсы болар жігіттің жұмыссыз жүрген күні жоқ,

Жаман болар жігіттің еш жұмысқа қыры жоқ.

1. Сүйіп істеген іс шаршатпайды.

1. Жақсы жұмыстан жан рахат алады, жаман жұмыстан көңіл қалады.

1. Құрыш қайрат құрылыста шынығар,

Ісін сүйген, істей жүріп тынығар.

Осы мақал – мәтелдерді естеріңде сақтай отырып, болашақта жақсы адам болу үшін, жақсы маман болу үшін қандай болуларың керек?

Заманның табысты және ауыл балалары таңдай бермейтін мамандықтарды атап өтейік.

1. Аниматор – суретке жан бітіруші. Мультипрликатор мульфильмді және арнайы телевидениеге арналған заставкаларды жасайды. Қазір бұл мамандық өте қажет екен.

2. Витражист – көрмедегі және дүкендердегі заттарды тартымды етіп орналастыра білетін мамандар. Олар сөрелердің бөлшектерінің дизайнын жасап, көрме кешендерін әрлендіреді.

3. Декоратор – түрлі мекемелерді, ғимараттарды арнайы әсемдеуші.

4. Интерьер дизайнері – үйіміздегі және кеңселердегі жиһаздарды талғаммен орналастыра білетін мамандар.

Бұл да қазіргі заманның таптырмайтын мамандары.

Адам өз арманындағы, мамандыққа жету үшін тек армандап қою керек пе? Не істеу керек?

Сабағымызға келген қонақтардың пікірін білсек. Сіздер өз мамандықтарыңыз жайлы не айтасыздар?

«Бұл кім?» кәсіби бағдар ойыны.

Қазір сендерге әртүрлі мамандақтар айтамын, ал сендер секунл ішінде жолдастарыңызға қарап, аталған мамандақ кімге көбірек үйлесетінін іштей анықтайсыңдар. Сосын не себепті сол адамды таңдағаныңды және не себепті сол мамандыққа сәйкес келетіндігі туралы өз ойларыңды жеткізесіңдер.

Мұғалім мұнайшы

Жүргізуші кеденші

Дәрігер әнші

Тігінші журналист

Банк қызметкері эколог

Дәнекерлеуші заңгер

Мамандық таңдаудың 7 қадамы

1. Байыппен бағдарлай біліңіз.

Жас адамның бір тоқтамға келуіне қиялдың да әсері бар. Біреудің кинодағыдай романтикалық, мамандықтар қызықтыруы мүмкін. Біреулер туғаннан маңдайына жазылған ата-анасының жолын таңдайды. Біреулер жоғары оқу орнына жақын досына немесе құрбысына серік болып барады. Ал енді біреулер үйіне жақын оқу орнына құжат тапсыруға асығады. Мамандық таңдау адам тағдырында көп нәрсені шешетіндіктен оған атүсті қарау – жеңіл ойлылықтың белгісі. Содықтан бұл мәселенің шешімін мүмкіндігінше аса мән беріп, байыппен қабылдаңыз.

1. Дұрыс шешім өз қолыңызда

Ең бірінші бұл таңдауды өз бетіңізше жасау керектігін саналы түрде ұғыныңыз. Ата-аналарыңыздың достарыңыздың ықпалынан шыға алмай қалмаңыз. Олар не айтса да – сіздің таңдауыңыз.

1. Бейімділігіңізді ескеріңіз.

Бастапқыда өз қызығушылығыңызға назар аударыңыз. Немен айналысқанды қалар едіңіз. Қандай пәндер ұнайды? Бос уақытыңызды немен айналысқанды жақсы көресіз? Адамдармен, әсіресе бөгде кісілермен оңай тіл табыса аласыз ба? Көп нәрсе сіздің бейімділігіңізге байланысты.

4.Өзіңізді сынақтан өткізіңіз

Бәрінен бұрын өзіңізді ой елегінен өткізіп көріңіз. Өзімнен және өзімнің жұмысымнан не қалаймын? Бес жылдан кейін өзімді қалай елестетемін? Барлық ақпараттарды пайдалана отырып болашақ мамандығыңыз туралы көп мәлімет алуға тырысыңыз. Өзіңіз таңдаған мамандық иелерінің іс барысын көзіңізбен көру үшін сол кәсіпорын, мекемелермен танысып шығыңыз.

1. Сұранысты да назарда ұстаңыз

Болашақ мамандығыңызды еңбек нарығында қаншалықты бағаланатынын білу де пайдалы. Қарапайым жол: бос орындарға жарияланған байқауларда,интернеттің еңбекке орналастыру сайтында қандай мамандарға сұраныс бар екенін қараңыз. Арнайы агенттіктер жүргізген болжамдардың да маңызы зор. Осы мәліметтерді ескере отырып таңдаған мамандығыңызға қай жұмыс орнында, қалай даярлайтынын анықтаңыз.

1. Мамандар не дейді?

Егер күдік күмәннан арыла алмасаңыз, онда мамандардың көмегін пайдаланыңыз. Мұндай кезде психолог, кеңесші мамандар жәрдемдесе алады. Сондай-ақ қабілетіңіз бен психологиялық анықтауға тестілер бар.

1. Қорытынды шешім

Мәліметтерді жинастыра келіп, өзіңізге ұнаған негізгі 5-10 позициялық тізімін жасаңыз. Одан кейін парағыңызды екіге бөліп, оң және кері жақтарын тізіп, сынақ тәсілін жүргізіңііз. Көңіліңізге қонбайтынын сызып тастаңыз. Тізімде үш пункт қалған кезде тағы да қосымша ой елегінен өткізіп, ең соңғы шешім қабылдаңыз.

«Жүректен жүрекке»

Ортадағы қобдишадағы жүрекшелер суырады. Кімге қай түс ұнайды, соны алады.

Қызыл – адамгершілік

Сары – адалдық

Қызғылт – мейірімділік

Жасыл – әдептілік

Ақ – қайырымдылық

Осы қасиеттер бойларыңа дари берсін.

Осы сабақтан не алдыңыз?

Өзіңіз үшін қандай қорытынды жасадыңыз?

Ойландыратын жағдай болды ма?