Уа, жараңдар, жараңдар! Көңілің бар алаңдар. Ата менен анаң бар Наурыз тойы басталды Бәрің бері қараңдар.
2-жүргізуші:
Әнім де саған, білім де, Құт қонақ өзің үйім де Қуаныш сыйлап еліме Күлімде, Наурыз, күлімде
Наурыз жылы Доңыз жылы, Құтты болсын халайық, – дей келе, сөз кезегі мектебіміздің директоры Такиров Бакыткан Тұрғанбекұлына беріледі.
1-жүргізуші:
Ұлы халқым есептескен Ата салтын ешкім теппеген, аттап кетпеген Мың пәледен құтқарады бір бата Адам болмас бата естіп өспеген.
Ұлы күнде, халайық, Қалай қарап қалайық Сәйгүліктей ағайық Жасын болып жанайық! Ортамызға апамызды шақырып Ақ батасын алайық!
(Ортаға бата беру үшін әжемізді шақырамыз).
Ұлыс бақты болсын. Әр күніміз жақсы болсын Достығымыз берік болсын. Ұлыс оң болсын, Ақ мол болсын. Қайда барсаң, жол болсын.
Ұлыс бақты болсын Төрт түлік ақты болсын! Ұлыс береке берсін. Пәле-жала жерге енсін. Қайғы-уайым жоқ болсын. Ұлыстың ұлы күні құтты болсын!
2-жүргізуші:
Кешіміздің арнайы қонағы «Асыл әжелер ансамблін» ортамызға шақырайық.
Ән: «Ақ тілек» Асыл әжелер ансамблі
Наурыз тойын әдемі Әжем еске түсірді Біздерге арнап әдейі Наурыз көже пісірді. Ашылды да кебеже Дәм әзірлеу басталды. Әжем наурыз көжеге Жеті түрлі ас салды. (Ортаға ата-аналар шығып, Наурыз көже әкеледі).
Мадинаның мамасы: Бейтаныс та, таныс та Бүгін төрде бас қонақ
Арпа, бидай, тары бар Қатық, малта тағы бар Ішілетін, жейтінің Бұл көжеде бәрі бар
Шырынның мамасы:
Ау, аталар, аналар! Айналайын балалар! Жеп-ішсін деп тамсанып Жеті түрлі дәм салып Наурыз көже пісірдім Құйдым алтын табаққа Құлшыныңдар тамаққа Бұл көжеден татыңдар Бар қызыққа батыңдар.
1-жүргізуші:
Наурызым – салтым, жоғалып қайта табылған Шырағым болып алдымнан бүгін жағылған. Бабамның үні ақ бата беріп жеткізген Әр қадамыңнан жаныма мейірім табылған.
2-жүргізуші:
Нұр шуағы халқымның Ашық болсын аспаның, Аман болсын жас-нәрің!
О, халайық! Жараңдар! Қане, бері қараңдар! Доңыз жылы баршаңды Кенелтсін зор бақытқа Білмеңдер бір шаршауды Бөлеңіздер шаттыққа.
Ән: «Мерекем» Шыңғыс
Көрініс: «Баланы бесікке салу»
Би: «Ерке» би тобы «Қазақ биі»
Қол күрес: ұстаздар, оқушылар
1-жүргізуші:
Көктем тойы – әнніміз, Көркем өнер сәніміз Өлең-әнмен той сәнін Өрнектейміз бәріміз. Жарқыраған жас нұрлы, Жаса, наурыз, дәстүрлі.
2-жүргізуші: Халқының әдеп-салтына Ойлана қарап түйін түй. Шаттығын сыйлап жалпыға
Жалғаса берсін ән-күй, би!
Би: «Ерке» би тобы «Қазақ биі»
Көрініс: «Тұсау кесер»
Ән: «Айналайын» Шыңғыс
Ойын: «Дауыста, атыңда айтамын»
Көрініс: 10-сынып оқушылары
1-жүргізуші:
Сахна төріне мектебіміздің жас ұстаздарын шақырып, қонақ кәде сұрайық.
