Ашық сабақ тәрбие сағат;Ұлт мақтанышы

«Ұлт мақтанышы»

(Ғабиден Мұстафиннің 115 жылдығына орай әдеби сазды кеш)

Адамның адамдық, ұлттың ұлттық

ең жоғары қасиеті – тіл өткірлігі мойымасын,

тіл сұлулығы кемімесін!

(Ғ. Мұстафин)

Мақсаты:Ғ . Мұстафиннің өмірі мен шығармашылығын насихаттау, оны жас ұрпаққа таныту.

Көрнекілігі: Ғ. Мұстафиннің суреті, кітаптар көрмесі.

Мұғалім: - Кеш жарық, Құрметті қонақтар меноқушылар! Көркем сөздің хас шебері атанған Ғабиден Мұстафин атамыз биыл 115 жасқа толып отыр. Жазушының шығармашылығына арналған «Ұлт мақтанышы» атты әдеби кешімізді бастауға рұқсат етіңіздер.

1- жүргізуші:

- Иә, Қазақ әдебиетінің классик жазушысы, көркем сөздің хас шебері атанған Ғ. Мұстафин 1902 ж 29 қарашада Қарағанда облысындағы осы күнгі Теміртау қаласына жақын Жауыртау – Нұра өзені бойындағы Сартөбе деген ауылында кедей отбасында туған.

2 – жүргізуші:

1953 – 57 жылдары және 1961 – 1964 жылдары қазақстан Жазушылары одағы басқармасының төрағасы болып қызмет атқарды. Депутат болып сайланды.

1 – жүргізуші

Ғ. Мұстафин әдебиет майданына ХХ ғасырдың басында келген жазушы. Ол алғаш рет шағын очерк, фельетон, қысқа әңгімелер жазды. Ауыл сахналарына арналған пьесалар жазды. «Айғақ», «Тұтқын», «Күлмеген адам», «Керуен», «Құлаған күз» тәрізді әңгімелер жазды.

2 – жүргізуші:

Шығармаларының негізгі тақырыбы: өндіріс өмірі мен ауыл тіршілігінің тынысы. «Қарағанда романын» , 1952 жылы жазды. Қазақ халқының совет үкіметі жылдарында бастан кешкен өзгерісті өмір жолдарын суреттеді.

Ән: «Ұстазым» әнін орындайтын Сейдахметова А

1 – жүргізуші:

«Шығанақ» романы 1945 ж жарық көреді. Шығанақ романының бас қаһарманы – Шығанақтың өмір жолы, Шығанақ – бұл күнде табан тіреп қарсы тұрар, адалдық үшін жанын қияр азамат.

2 – жүргізуші:

Мұстафин сүттен ақ кейіпкер емес, қиын – қыстау сәтте де адамгер тіршілік өреден табылатын адал жандарды үлгі тұтады. «Шығанақ» романының заңды жалғасындай: тақырып - біреу, кейіпкердің – әке мен бала ғұмыры іспетті.

1 – жүргізуші:

Шығармадағы басты – басты оқиғалар мен кейіпкерлер – араласқан тарихи шындық. Романда өмірдің талай бел – белесін басынан кешірген шығарманың бас кейіпкері Олжасбек бейнесі өзінің типтік өзінің орта шаруаның жол айырықтағы әуре – сарсаңын шыншылдықпен әйгілейді.

2 – жүргізуші:

Аз сөзге көп мағына сыйдырып айтылған бұл жолдарда тарихи баға, терең тұжырым жатыр. Ұлы ақынды өсірген құнарлы топырақ, қасиетті орта зерделенеді.

1 – жүргізуші:

1925 -1964 жылы Қарағанды шахтасында темір жонушы, «Қарағанды пролетариаты» (қазіргі Орталық Қазақстан) газетінің жауапты хатшысы, Новосібірде шыққан «Қызыл ту» газетінің, Әдебиет майданы (қазіргі Жұлдыз) журналының қызметкері, редакторы, ҚР Жазушылар одағы басқармасының тқрағасы (1953 – 1956, 1962 – 1964) қызметтерін атқарды. Алғашқы әңгімесі «Сәрсен мен Боқаш» (1927) «Жыл құсы» альманағында жарияланса, тұңғыш жинағы «Ер шойын» (1929) деген атпен шықты

Ән: «Жаса Қазақстан» әнін орындайтын Ноғайбек Д

2- жүргізуші:

Мұстафа Ғабиден шығармашылықпен қатар қоғамдық – саяси өмірге де белсене араласты. Ол 5- ші сайланған КСРО Жоғарғы Кеңесінің (1954), 6-9 сайланған Қазақ КСР Жоғарғы Кеңесінің депутаты (1962 – 1978) болды. Мемлекеттік Сыйлық лауреаты (1978). Ол 2 мәрте Ленин, 2 – дәрежелі Отан соғысы , Еңбек қызыл ту ордендерімен және көптеген медальдарымен марапатталған.

1 – жүргізуші:

Мұстафин Ұлы ақын дәстүрін, Абай өнегесін бірнеше түрлі сипатта сабақтастыра алды.Мұстафин өзіндік стилін Халықтың бейнелі, қанатты сөздерін орынды пайдалана отырып, өз тарапынан да өткір ықшам сөз тіркестерін жасай білген. Абай өлеңіндегі көптеген жолдардын мақал мәтелге айналып кеткені секілді.

2 – жүргізуші:

Белгілі сыншы ғалым З. С. Кедрина жазушының өмір жолын саралай келіп, оны тың тақырыптарға алдымен баратын батылдығын, жаңашылдығын «творчествалық барлауда» деп басып айтты. Жазушының мақсаты айқын, мүддесі ашық – кімді жақтайтыны, кімді даттайтыны түсінікті.

1 – жүргізуші :

«Өлді деуге болама айтыңдаршы, Өлмейтұғын артында сөз қалдырған» дей отырып Ғабиден Мұстафиннің 115 жылдығына орай арналған әдеби кешімізді тамашалағандарыңызға рахмет.