Ашы? саба? мейірімділік

Қош

келдіңіздер!

Мейірімділік-асыл қасиет

Эпиграф Жақсы болсаң, жердей бол Бәрін шыдап көтерген. Таза болсаң судай бол Бәрін жуып, кетірген. Біреуге жақсылық етсең – Ол жақсылықты міндет етпе!

(М. Әуезов)

Психологиялық тренинг «Күннің нұры»

• Сұрақ-жауап

Сендер жақсы баласыңдарма? Сендердің жақсы бала екендеріңді сынап, тексеріп көрейік.

«Жақсылық жасау үшін не істеу керек?» деген сұрақтар 1 тапсырма Отбасы мүшелеріне қалай жақсылық жасаймыз? 2 тапсырма Достарымызға қалай жақсылық жасаймыз? 3 тапсырма Отанға қалай жақсылық жасаймыз? 4 тапсырма Табиғатқа қалай жақсылық жасаймыз?

2.Мақал-мәтел

• Ата - анаңның мейірім шуағын сезініп қадірлей біл.

«Жақсылыққа жақсылық - әр кісінің ісі, Жамандыққа жақсылық - ер кісінің ісі»

• Жақсылық жүрген жерде, таршылық болмайды

• Жақсы тәртіп әдетке айналса - ырыс, Жаман тәртіп әдетке айналса – қырсық.
• Бала болсаң болғандай бол, Ағайынға қорғандай бол.

Үлкенді ізетте, Кішіні құрметте.

• Мейірімділіктің жолы - жарық күн.

3.Сергіту сәті.(орнынан тұрады)

Күннің шыққаны жақсы ма?/Күнді бейнелейді/ Жақсы /алақандарын соғады/ Желдің соққаны жақсы ма?/желді бейнелейді/ Жақсы /алақандарын соғады/ Достарыңмен жүрген жақсы ма?/адымдайды/

Жақсы /алақандарын соғады/ Анаңды құшақтаған жақсы ма?/өздерін құшақтайды/ Жақсы /алақандарын соғады/ Туған өлкеде жақсы ма?/құшақтарын жаяды Жақсы /алақандарын соғады/ Үйіміз бар жерде жақсы ма? /рахаттанады/ Жақсы /алақандарын соғады/ Биде айналған жақсы ма?/(айналады) Жақсы /алақандарын соғады/ Қазақстан азаматы болған жақсы ма?

/бас бармақтарын көрсетеді/ Жақсы /алақандарын соғады/

4.«Иә, жоқ» ойыны Мен бәріне әрқашан, Көмектесуге дайынмын Осындай іс болғанда Мен әрқашан деймін иә - иә - иә! Үлкендерді сыйлаймыз ба? Ағаш отырғызамыз ба? Анамызға көмектесеміз бе? Балаларды ұрамыз ба? Інімізді киіндіреміз бе? Жақсы оқыймыз ба? Құсқа жем саламыз ба? Ауаны ластаймыз ба?

Үйді шашамыз ба? Гүлге су құямыз ба? Ұяны бұзамыз ба?

Тәртіпті боламыз ба? Жақсылық жасаймыз ба?

5.Ойын «Мейірімділік жібі»

Шарты: сендер дөңгелене жайғасып отырыңдар. Мен мына қолымдағы жіп орамын қасымда отырғанға беремін, жәй бермеймін, Кімнің немесе ненің мейірімді екендігінің сіздер айтып беру керексіңдер. Сосын дәл осылай келесі балаға бересіңдер.

- Күлімдеген- күн мейірімді! - Кіршіксіз ақ қар мейірімді - Таза мөлдір су – мейірімді! - Бәрімізіді көтеріп тұрған жер мейірімді! - Аяулы анам мейірімді! - Қадірлі әкем мейірімді! - Әлпештеген әжем мейірімді! - Еркелеткен атам мейірімді! - Жылы жүзді ұстазым мейірімді! - Тату-тәтті достарым мейірімді! - Егіні мол жер мейірімді! - Қамқор апам мен ағам мейірімді!

- Балалар кәнекей, қолымызды жоғары көтерейік. Жіп орамы арқылы біз тілегіміз бір болып, бір тұтас болғанын көріп отырмыз.

Біз әрқашанда біргеміз. Жақсы істер жасауға дайынбыз.

6.Сергіту сәті Мынау – менің жүрегім, Бәрі осыдан басталады, Мынау – басым ақылды, Бәрін осы атқарады. Мынау – менің оң қолым, Мынау менің – сол қолым Барлық істі атқарады. Мынау - менің оң аяғым, Мынау - менің сол аяғым Жақсылыққа апарады.

7.Мәтінмен жұмыс . Күздің бір күні сары тауық балапандарын ертіп, ауылдан ұзап кеткен. Аяқ астынан жаңбыр құйып кетті. Суық жаңбырдың астында қалған сары тауық балапандарын қанша асықса да мекеніне жеткізе алатын емес. Өйткені балапандарының жылы жүні әлі шықпаған балғын жас еді. Сары тауық қатты састы. Шөжелерін қос қанатының астына алып, бауырына басты. Бір балапаны сыймай сыртта қалды. Ана айла жасап, балапандарын кезектестіріп бір-бірден тыста ұстап, тоңа бастаған кезде бауырына алып отырды. Кезек ең кенжесіне келгенде ана оны сыртқа шығармады. - Оны неге шығармайсыз? – деп сұрады бір ақ балапан - Ол тым жас. - Жас болса қайтеді? Кезегі келгенде ол да шықсын. - Сырқаттанып қалады. Кішімізге өзгеміз қамқоршы болуымыз керек емес пе? Кәне, мұның орнына кім барады?- деп сұрады анасы. - мен- деді тұңғышы. - Мен барайын! - деді оған тетелесі. - Кезекті маған беріңіз! – деді ең кішісі. - Мен қалам ба сонда?- деді алғашқы қарсылық білдірген ақ балапан. - Қатесін түсінген сен барғаның жөн! –деді сары тауық балапанды тысқа қарай ысырып. - Сары тауық су өтіп қатты жаурады. Бірақ балапандарын тондырған жоқ. Балаға деген ыстық махаббатымен жылытып, сақтап қалды.  Күн ашылып, ана жүрегіндей жадырады.

- Сары тауық өз аналық мейірімін қалай көрсете білді? - «Күн ашылып, ана жүрегіндей жадырады» дегенді қалай түсінесіңдер? - Ал сендер мейірімділікті, қайырымыдылықты кімдерден үйреніп жүрсіңдер? - Сендер мейірімділік танытқан кезде қандай сезімге бөлендіңдер?

8. Видео «Ана мейірімі»

9 . « Табиғаттың даналық асыл сөздері»

(Сыйлыққа беру)

Әркімге сүйіспеншілік сыйлап, Күндей бол!

Лотос гүліндей бол: Жүрегің әрқашан ашық болсын!

Ағашқа ұқса - Жақсы істер жаса, жасаған ісіңе мақтау күтпе!

Теңіздей бол: - Сенің ойларың таза болсын!

Аққудай бол: Өмірден тек жақсысын таңда, жақсыға ғана қара, жақсыны тыңда және тек жақсылық жаса! Құмырсқадай бол - Басқалармен бөлісе біл!

9.Алтын ақыл 1.Үйде, мектепте, «Сәлем», «Сәлеметсіз бе», «Қайырлы түн» деген сияқты ізгі сөздерді ұмытпа. 2.Жасы кішілер үлкендерге сәлем беріп, ал үлкендер кішілерге қамқор болуы тиіс. 3.Әр күніңді жақсы ойлар ойлаумен бастап, бос өткізбе. 4.Күні бойы өзіңді қоршаған адамдардың бәрі туралы тек сүйіспеншілікпен және ізгілікпен ойлай жүр. 5.Тыныштық сақтай білуге, нәзік үнмен биязы, мәдениетті сөйлеуге үйрен. 6.Ұйықтар алдында бүгін қанша адамды қуанттым, жұбатқаныңды, қайырым жасағаныңды есіңе түсір.

7.Сүйіспеншілікпен және ізгілікпен ойлап жүр 8. Басқалардың қажетіне жарай білуге талпын.

9.  Ата-анаңның мейірім шуағын сезініп , қадірлей біл..

10.Тілек. - Мейірімді анама ұзақ ғұмыр тілеймін. - Кең пейіл далама тыныштық тілеймін. - Өнерлі балаларға талмас қанат тілеймін. - Талапты достарыма табыс тілеймін. - Сыныптастарыма амандық тілеймін. - Отбасыма бақыт тілеймін.