«Word мәтіндік процессорында практикалық жұмыс»

А.Хұсайынов атындағы орта жалпы білім беретін мектебі

«Word мәтіндік процессорында практикалық жұмыс»

Информатика пәнінің мұғалімі: Абдулкаримова Л.М.

Бекітемін: оқу ісінің меңгерушісі: Ж.М.Калимова

Сабақтың тақырыбы: Word мәтіндік процессорында практикалық жұмыс

Сабақтың мақсаты: білімділік: оқушыларға Microsoft Word мәтіндік процессоры тақырыбы бойынша оқушылардың білімдерін тексеру, редактормен жұмыс жасау ережелерін практикалық сабақта бекіту, тақырыпты қорытындылау

ә) дамытушылық: тақырып бойынша алған білімдерін тапсырмаларды орындау барысында пайдалана білу, қойған мақсатына жете білуге дағдыландыру, қызығушылығын арттыру.

б) тәрбиелік: сабақ барысында оқушыларды алғырлыққа, шапшаңдыққа тәрбиелеу

Сабақтың түрі: практикалық

Сабақтың әдісі: жарыс сабақ, деңгейлеп оқыту

Сабақтың көрнекілігі: карточкалар, сөзжұмбақ, қосымша тапсырмалар

Пән аралық байланыс: қазақ әдебиеті, қазақ тілі, математика

Сабақтың барысы:

І.Ұйымдастыру: оқушыларды түгендеу, оқушылардың назарын сабаққа аудару

Психологиялық тренинг: «Өтінемін»

Оқушылар шеңбер болып тұрады Мұғалім кез-келген бір сөз айтан кезде «өтінемін» сөзін айтса берілген тапсырманы орындайды, ал егер «өтінемін» сөзін қолданбаса мұғалім айтқан қимылды қайталамайды.Мыс.

1. Бір аяғымызды көтереміз +

2. Отырып – тұрамыз +

3. Басымызды шайқаймыз –

4. Екі қолымызды көтереміз +

5. Оңға майысамыз +

6. Қолымызды шапалақтаймыз +

7. Орнымызда тұрып секіреміз –

8. Орнымызда тұрып бір айналамыз +

9. Бір-бірімзге қарап қол алысамыз +

10. Оқушылар бір-біріне сабақтың басталуына тілектерін айтады.

ІІ. Үй тапсырмасын тексеру

Сыныптағы екі топқа бөлемін де, жарыс түрінде өткіземін. Сабақ бірнеші турдан тұрады. І-ші топ «Word», ІІ топ «WordPad»

І тур. «Кім жылдам» қай топ бірінші болып сұраққа жауап береді, сол топ 1 ұпай ие болады.

Сұрақтар. 1. Microsoft Word мәтіндік редакторының қызметі?

2. Microsoft Word мәтіндік редакторын іске қосу жолы?

3. Мәтіндік құжатты пішіндеу дегеніміз не?

4. Microsoft Word мәтіндік редакторында жасалған жұмысты қалай сақтаймыз?

5. Delete пернесі не үшін керек?

ІІ тур. «Мен білімдімін». Microsoft Word терезе элементтерін жазу. Әр топқа бір бетке жазып шығып, нәтижесін тақтадағы дұрыс жауаппен салыстырып, ұпайларын қою. Әр дұрыс элементке 1 ұпай.

ІІІ тур. Мақалдар сайысы: әр топқа мақалдың жартысын беріп, ал оқушылар жартысын тауып Word-та тездетіп жазу керек. Қай топ бірінші мақалдың жартысын тауып қатесіз жазса сол топ өздеріне балл қосқаны

1. Туған елдей ел болмас,

Туған жердей жер болмас

1. Өнер алды – қызыл тіл

2. Ырыс алды – ынтымақ

3. Көз қорқақ – қол батыр

4. Ұрлық түбі – қорлық

5. Денсаулық – зор байлық

6. Көз қорқақ – қол батыр

7. Еңбектің наны тәтті,

Қорқақтың жаны – тәтті.

Практикалық бөлім: Деңгейлік тапсырмалар орындау. 1-деңгей

Менің Отаным – Қазақстан деген мәтінді теріп, «Отан « деген атпен сақтау.

Қазақстан – ежелгі ел, бірақ әлемнің қазіргі картасынан ол таяуда ғана, яғни 1991 жылы орын алды. Біздің Отанымыз – егеменді, тәуелсіз Қазақ мемлекеті. Жүз жиырмадан аса ұлт өкілдері тұратын осынау қасиетті мекенде, асқақтаған Алатаулы өлкеде, кеңшілігі керемет, дархан дастарқандай далада, егіні теңіздей толқыған, төрт түлігі мыңғырған, өңдірісі өркендеген мекенде өмір сүрушы әрбір адам өз Отанын жанындай сүйіп, оның көк байрағын көкке көтеруді мақтаныш тұтады!

2-деңгей:

А.Құнанбаевтың «Ғылым таппай мақтанба» өлеңін жатқа жазу

Ғылым таппай мақтанба

Ғылым таппай мақтанба,

Орын таппай баптанба,

Құмарланып шаттанба

Ойнап босқа күлуге,

Бес нәрседен қашық бол,

Бес нәрсеге асық бол,

Адам болам десеңіз

Тілеуің, өмірің алдыңда,

Оған қайғы жесеңіз.

Өсек, өтірік, мақтаншақ,

Еріншек, бекер мал шашпақ –

Бес дұшпаның білсеңіз.

Талап, еңбек, терең ой,

Қанағат, рақым ойлап қой -

Бес асыл іс көрсеңіз.

3-деңгей:

«Менің Отаным», «Менің сыныбым», «Менің ең жақсы көретін пәнім», «Менің досым» тақырыптарының біріне шағын әңгіме жазу.

Сергіту сәті 2 минуттық көз жаттығуы. «видеороллик» көрсету.

Жедел тест:

1. Word қандай редактор

а) операциялық жүйе ә) графикалық редактор б) мәтіндік редактор

2. Қай перне арқылы бос орын ашылады?

а) Enter ә) Shift б) Бос орын пернесі

3. Enter пернесінің атқаратын қызметі?

а) жаңа жолдан бастайды ә) жаңа беттен бастайды б) жолдың соңына апарады

4. Бас әріп теру үшін ...

а) Ctrl ә) Delete б) Shift

5. Сандарды теру үшін қай пернені аламыз

а) Ctrl ә) NumLock б) Shift

6. Word құжатының кеңейтілуі:

а) Txt ә) Doc б) Bmp

Осы тапсырмалардың қорытындысы бойынша жеңген топ анықталады.

Қосымша тапсырмалар:

«Информатика» сөзінің әрбір әріптерінен басталатын информатика пәнімен байланысты сөздер немесе терминдерді тез айтып өту.

«И» - информатика, информация, иілгіш диск, интернет, интерфейс

«Н» - ноутбук, номер, надпись

«Ф» - формат, файл, флешка, фигура, формула

«О» - орналастыру, орау

«Р» - реттеу, редактор, рисунок

«М» - меню, монитор, маус, маркер, модем

«А» - ақпарат, архивтеу, антивирус, абзац

«Т» - тақырыптық жол, тізім, термин, түс

«И» - информатика сабағының мұғалімі

«К» - компьютер, көшіру, клавиша, клавиатура

«А» - ақпараттандыру, айналдыру жолағы, адаптер, ашу, алмастыру

Сөз жұмбақ шешу: «Ақпарат»

1. Дербес компьютердің бір түрі? ( алақан)

2. Компьютерге ақпарат енгізу құрылғысы? (пернетақта)

3. Жүйелік блоктың «миы»? (процессор)

4. Жүйелік блоктың ішінде орналасқан құрылғы? (видеокарта)

5. Ақпараттың 81% не істеу арқылы аламыз? ( көру)

6. Қандай дискі ақпаратты ұзақ уақыт сақтауға арналған құрылғы? ( қатты)

7. Компьютерді орнынан қозғатпай жүргізетін т маус? (тышқан)

Үйге тапсырма: Word бағдарламасы бойынша ребус құрап келеу

Сабақты қорытындылау. Бағалау

Сабақтың басында оқушыларға бағалау бетшесі таратылып беріледі. Сондағы ұпай сандары арқылы бағалау.