Сызықтық алгоритмді программалау

7 сынып 
Сабақтың тақырыбы: Сызықтық алгоритмдерді программалау. 
Сабақтың мақсаты: 
1.Оқушыларға Pascal программалау тіліндегі енгізу және шығару операторла.ры туралы мағлұматтар қалыптастыру. Өтілген тақырыпты қайталату барысында білімдерін қалыптастыру.
2.Оқушылардың есеп шығару барысында логикалық ойлау қабілеттерін дамыту. 
3. Оқушыларды еңбексүйгіштікке баулу, тапқырлыққа, белсенділікке тәрбиелеу. 
Сабақтың түрі: бекіту сабағы 
Сабақтың барысы: 
1.Ұйымдастыру бөлімі. 
2.Үй тапсырмасын сұрақ-жауап арқылы тексеру. 
 1.Алгоритм дегеніміз не? 
Алгоритм-берілген мақсатқа жету үшін реттелген әрекеттер тізбегі 
2. Алгоритм берілу формаларын атаңдар? 
Сөздік, графикалық, алгоритмдік тілде, программалық тілде. 
3. Блок-сызбаның элементтерін сипаттаңдар? 
Эллипс – басы, соңы; параллелограмм – енгізу, шығару; тіктөртбұрыш – іс-әрекет, ромб – шарт; алтыбұрыш – цикл. 
4. Паскаль программалау тілінің операторлары? 
Program, var, begin, readln(x), writeln(x), end. 
5. Алгоритм түрлері? 
Сызықтық, тармақталған, циклдік. 
3. Сызықтық алгоритмдерді программалауға арналған есептер. 
(Бір есеп тақтада шығарылады. Қалған есептерді оқушылар компьютерде отырып шығарады. Орындаған тапсырмалар санына қарай бағаланады.) 
1.Енгізілген санды өзінің квадратымен ауыстыр. 
Program esep1; 
Var x:integer; 
Begin 
Readln(x); 
Writeln(sqr(x)); 
End. 
2. Екі санның қосындысының жартысын белгіле. 
3. Ұзындығы S жолды жылдамдығы V машина неше сағатта жүріп өтеді. 
4. Электр энергиясының тарифын сұрап, жұмсалған энергия бағасын табу. 
5. Бір бақшадан х кг алма, екіншісінен одан у есе көп алма жиналды. Барлық алмалар қанша кг? 
6. Саяжайдан түске дейін 20 кг картоп, 28 кг орамжапырақ жиналды, ал түстен кейін одан 2 есе көп картоп жиналды, 15 кг орамжапырақ әкетілді. Картоп пен орамжапырақты белгіле. 
7. Бағдарлама фрагментінің қатесін тап. 
Var 
X,Y:real; 
Z:integer; 
Begin 
Z:=x/y; 
4. Бағалау. 
5. Үй тапсырмасы. Есептер шығару. 
1. Дүкен әр автомашинаның бағасын 1,5 мың доллармен сатады. У автомашинаның бағасын тап. Теңгемен қанша болады? 
2. Сүт фермасы күн сайын 1842 литр сүт сауады. Мамыр, маусым айларындағы сауылған сүт мөлшерін тап. 
6. Сабақты қорытындылау.