Сабақтың тақырыбы: Excel диаграммалары

Информатика пәні мұғалімнің сабақты өзіндік талдауы

Мен Лахай Ақбота 8 «А» сыныбында «Excel диаграммалары» тақырыбында ашық сабақ өткіздім. Мұндағы алдыма қойған мақсатым оқушыларды Excel кестелік процессорындағы диаграммалар жүйесімен таныстыру және әртүрлі типтегі диаграммалар құруды үйренеді. Диаграммаларды тұрғызу және оларды өңдеу мен безендірудің негізгі әдістерін компьютерлік технология көмегімен меңгертіп, танымдық қызығушылықтары мен белсенділіктерін дамыту болды. Мен өз мақсатыма жеттім деп ойлаймын. Сабақта ДК, PowerPoint презентация, интерактивті тақта, проектор, карточкалар пайдаландым, биология және тарих пәндерімен пәнаралық байланыс жасадым. Үй жұмысы өткен тақырып бойынша жасалған тест жұмысы арқылы тексердім. Тестің кілтін соңынан ілдім. Оқушылар қателерін өздері тексеріп, бағалау парағына бағаларын жазды.

Жаңа тақырыпты PowerPoint программасында жасалған слайдтар бойынша түсіндіріп,оқушылар интерактивті тақтадан көре отырып, қажетті жерлерін дәптерге жазды.

Практик бөлімінде оқушылар өткен тақырыпты меңгергендері бойынша тапсырмалар жасады, яғни диаграммалар құрды. Деңгейлік тапсырмалар орындату арқылы қорытындыладым. Бұл сабақ жоғары деңгейде өтті. Оқушылар тақырыпты толықтай түсінді.

Сабақтың тақырыбы: Excel диаграммалары

Сабақтың мақсаты:

Білімділік: Оқушыларды Excel кестелік процессорындағы диаграммалар жүйесімен таныстыру және әртүрлі типтегі диаграммалар құруды үйрету

Дамытушылық: Диаграммаларды тұрғызу және оларды өңдеу мен безендірудің негізгі әдістерін компьютерлік технология көмегімен меңгертіп, танымдық қызығушылықтары мен белсенділіктерін дамыту

Тәрбиелік: Компьютерлік сауаттылық пен өз бетінше еңбектенуге тәрбиелеу

Сабақтың түрі: аралас сабақ

Сабақтың формасы: жекелей жұмыс

Сабақтың көрнекілігі: ДК, PowerPoint презентация,интерактивті тақта, проектор,карточкалар.

Программалық қамсыздандыру: MS Excel, MS PowerPoint

Пәнаралық байланыс: биология және тарих пәні

Сабақтың барысы:

І. Ұйымдастырушылық кезеңі.

• оқушылармен сәлемдесу;

• оқушылардың зейінін сабаққа аудару;

• сабақтың мақсатымен таныстыру;

• бағалау парағы таратылады.

ІІ. Үй тапсырмасын тексеру.

Үй жұмысы өткен тақырып бойынша жасалған тест жұмысы арқылы тексеріледі. Тестің кілті соңынан ілінеді. Оқушылар қателерін өздері тексереді де, бағалау парағына бағаларын жазады.

1. Excel-97 кестесіндегі бағаналар саны қанша болады?

А) 255; Б) 256; В) 65536.

2. Excel-97 кестесіндегі қатарлар саны қанша болады?

А) 255; Б) 256; В) 65536.

3. Электрондық кесте ұяшығына қандай мәліметтер енгізуге болады? (қате жауабын көрсетіңіз)

А) графикалық объект; Б) формула; В) мәтін.

4. Электрондық кестеге формулалар қандай белгішемен басталып жазылуы керек?

А) бөлу белгісінен кейін; Б) = теңдік белгісінен кейін ; В) бос орыннан кейін.

5. А1 мен С3 аралығындағы мәндердің қосындысын есептеуге арналған функцияны көрсетіңіз:

А) СУММА ( А1, С3); Б) СУММА (А1:С3); В) СУММ (А1:С3).

6. Электронды кестенің бағаналары әдетте қалай белгіленеді?

А) латын әріптерімен; Б) араб цифрларымен; В) В1, А2, W314 түрінде.

7. Электронды кестенің қатарлары әдетте қалай белгіленеді?

А) рим сандарымен; Б) латын әріптерімен; В) сандармен.

8. Мына мәліметтердің қайсысын кестелік процессор мәтін ретінде қабылданады?

А) =СУММ (А1:С3); Б) А2+В2; В) =А2+В2.

9. Microsoft Excel кестелік процессоры қалай іске қосылады?

А) Программаы – Microsoft Excel ; Б) Пуск – Стандартные – Microsoft Excel ;

В) Пуск – Программы – Microsoft Excel.

10. Ең бірінші электрондық кестелер қай жылы пайда болды?

А) 1980; Б) 1981; В) 1989.

Жауабы

ІІІ. Жаңа сабақ.

Теориялық бөлім. Бұл бөлімде жаңа тақырыпты демонстрациялаудан тұрады, жаңа тақырыпты PowerPoint программасында жасалған слайдтар бойынша түсіндіремін. Оқушылар интерактивті тақтадан көріп, оқып, қажетті жерлерін дәптерге жазып отырады.

Практикалық бөлім. Бұл бөлімде оқушылардың жаңа тақырыпты компьютерлік технология көмегімен қалай меңгергендерін тексеруге арналған тапсырма беремін.

Тапсырма.

Адам массасының 65 %-і, жануарлар массасының 50%-і, үй жануарлары массасының 59%-і, үйректер массасының 70%-і, балықтар массасының 75%-і және медуза массасының 99%-і су. Аталған организмдердегі судың проценттік мөлшерін мынадай диаграмма типтерінде көрсетіңіз:

1) діңгектік (гистограмма);

2) пирамидалық.

IV. Сабақты бекіту.

Жаңа сабақты бекітуге деңгейлік тапсырмалар беріледі. Әр оқушы сол тапсырмалрға байланысты диаграммалар тұрғызады.

1-деңгей.

Абылай ханның өмірі туралы деректерді енгізіп келесі диаграммаларды тұрғызыңыз:

Жалпыға бірдей діңгектік (гистограмма) диаграмма тұрғызыңыз.

Жалпыға бірдей пирамидалық диаграмма тұрғызыңыз.

Туған жылы

Таққа отырган жылы

Қайтыс болған жылы

• 1711

• 1771

• 1781

2-деңгей

1997-2000 жылдардағы экономикалық тұтыну секторындағы баға өзгерісі төмендегі кестеде сипатталады. Осы кестедегі мәліметтер бойынша диаграммалар құрыңыздар.

1. Жалпыға бірдей конустық диаграмма тұрғыз;

2. Азық-түлік тауарларына дөңгелек диаграмма тұрғызыңыз

3. Азық-түлік емес тауарларға пирамидалық диаграмма тұрғызыңыз

1997 1998 1999 2000

Азык-тулік тауарлары 102,4 98,7 123,3 112,3

Азык-тулік емес тауарлары 102,1 98,7 121,4 102,7

3-деңгей

Кестеге мәліметтерді пайдалана отырып келесі диаграммаларды тұрғызыңыз:

Тек қазақтар үшін дөңгелек диаграмма тұрғызыңыз.

Тек орыстар, украиндар, белорустар үшін дөңгелек.

Тек басқалары үшін дөңгелек секторды құрыңыз;

Диаграммадағы мәліметтерді форматтаңыз

1939 1959 1970 1979 1989 1997

Казактар

38 30 32,6 36 39,4 50,7

Орыстар, украиндар, белорустар 51,5 52,5 51,1 48,1 43,3 37,7

Баскалары 10,5 17,9 16,3 15,9 16,3 11,6

V. Сабақты қорытындылау. Ақпараттық диктант алынады.

Мәлiметтердi көрнекi түрде бейнелеудiң бiр тәсiлi (диаграмма).

Диаграмма түрлері (стандартты, стандартты емес)

Диаграмманы орналастыру қадамы (4 қадам)

Диаграмма шеберін іске қосу командасы (Вставка – Диаграмма)

Диаграмма аралығын тағайындау қадамы (2 қадам)

Диаграмма типін және түрін таңдау қадамы (1 қадам)

Диаграмма типтерінің саны (14)

Диаграммаға қосымша түсініктемелер мен элементтер енгізу қадамы (3 қадам)

Ақпаратты ұяшыққа енгізу батырмасы (Enter)

Электрондық кестедегі қатар саны (65536)

9-10 жауаптар дұрыс болса – «5»

7-8 жауаптар дұрыс болса – «4»

6-дан төмен болса – «3»

4-тен төмен – «2»

VI. Оқушыларды бағалау.

Өздері қойған бағалау парағындағы бағалары бойынша қорытынды баға шығару

VII. Үйге тапсырма

осы мектептегі тек 8 сыныптардың ер балалар мен қыз балаларын анықтайтын диаграмма жасауға арналған мәліметтер кестесін дайындап келу (дәптерге)