Мәтіндік және графикалық ақпараттарды өңдеу

Жамбыл облысы

Сарысу ауданы

Сарысу орта мектебі

Информатика пәнінің мұғалімі

Рустамова Нарсұлу Ишанқұлқызы

Сыныбы: 5

Cабақтың тақырыбы: Мәтіндік және графикалық ақпараттарды өңдеу

Сабақтың мақсаты:

Білімділік: оқушыларға Paint бағдарламасындаағы суреттерді көшіру, көлемін өзгерту, үзінділермен жүргізілетін әрекеттерді оқыту және мәтінге файылдан сурет қою тәсілдерін үйрету

Дамытушылық: компьютер арқылы мәтінге Paint бағдарламасындағы сурет немесе белгілі бір бейне салу және оларды бұру, көбейту, жою, жылжыту және созу амалдарын қолдану арқылы баланың ой өрісін дамыту, теориялық білімін практикамен ұштастыра білу қабілетін дамыту

Тәрбиелік: оқушының сабаққа деген қызығушылығын арттыру, өз ойын сурет және мәтін арқылы жеткізе білуге, жылдамдыққа және ұқыптылыққа, тәрбиелеу

Сабақтың түрі: аралас сабақ

Сабақтың әдісі: сұрақ жауап, баяндау, компьютерде практикалық жұмыс жасау

Сабақтың көрнекілігі: компьютер құрылғылары, интерактивті тақта, қима қағаздағы тапсырмалар №1, №2, №3, №4

Сабақтың барысы:

І. Ұйымдастыру кезеңі

А) Амандасу Ә) Түгелдеу Б) Оқушының назарын сабаққа аудару

ІІ. Үй тапсырмасын сұрау

Сәйкестендіру тест оқушыларға таратылады. Жауабын оқушылар біріне – бірі ауыстырып тексереді.

«Жоғалған компьютер құрылғылары». Оқушылар компьютерде жұмыс жасау үшін оның құрылғыларын жинап құрастырады.

1. Төртбұрышты әйнек,
Тұнып тұрған әлек. (монитор Монитор; Screen)

2. Ұзын тұра Жалқаубек,
Тұрмай ылғи жатады.
Қозғала қалса артынан,
Ешбір белгі қалмайды. (бос орын пернесі - пробел - blank)

3. Бұта қорнында мың бір инесі,
Компьютер жаны мекені (кактус - cactus - тікенекгүл)

4. Тетігін бассаң алаңсыз,
Жазады қалам, қағазсыз (пернетақта - клавиатура - keyboard)

5. Батырмасын басасың
Қажетті файлды ашасың (тышқан - мышка - maus)

6. Жоқ өзінде бас та, қас та, мойын да,
Ұзындығы жазулы тұр бойында.  (сызғыш, линейка, a ruler)

7. Қағаз бетінен алады,
Бірден компьютерге салады. (Мәтіналғы, Сканер, Scanner.)

8. Компьютермен енеді,
Қағазға басып береді. (Басып шығарғыш, принтер, printer.)

9. Бес атаның балалары
Қыдырмашы біреуі.
Бір күн бар да, бір күн жоқ.
Соны есепке алсақ,
Ұзын саны жүз жеті. (Пернетақта, тінтуір, Клавиатура, Keybord.)

10. Өзі темір, жаны жоқ.
Ақпаратты сақтап таратқан,
Жұртты өзіне қаратқан. (Жүйелік блок Системный блок, System unit)

ІІІ. Өткен сабақпен жаңа сабақты байланыстыру

Жұмбақтың шешуін тауып суретін салу.

№1 жұмбақ. Жұмыс істем ұзақ,

Ол құрды тұзақ .

Болмады бірақ күткені,

Оған ешкім түспеді.

№2 жұмбақ

Ішінде – су,

Үстінде – бу.

Тоймай жұпар исіне,

Ішесің сүйсіне

Шешуі: №1 Өрмекші №2 Самаурын

ІҮ. Жаңа сабақ

Word Pad – та суреттерменжұмыс істеудің бірнеше мүмкіндігі бар.

1 – тәсіл

Мәтінге дайын суреттердің фрагменттерін қосу үшін алмасу буферін қолдануға болады.

2 – тәсіл

Егер иллюстрациялар дайындап, оларды файылдарда сақтасақ, онда кірістіру  кескін бұйрығы пайдаланылады.

Менің арманым дәрігер болу.

Мәтіннің ерекшеленген фрагментімен орындалатын жылжыту, көшіріу, жою, көбейту сияқты амалдарды қолдануға болады.

Бірақ, сурет – ол символ емес! Оны тышқанмен жай шерту арқылы ерекшелеуге, ал мөлшерін ерекшелеу маркерін тышқанмен жылжыту арқылы өзгертуге болады.

3 – тәсіл

Мәтінмен жұмыс әстеу барысында кішкене сурет қосуды шешсеңдер, онда кірістіру  Paint суретті бұйрығын пайдаланамыз. Графикалық редактордың терезесі ашылған соң, суретті саламыз.

V. Сергіту сәті

Экраннан бірдей екі сурет көрсетіледі. Оқушылар екі суреттің бір-бірінен 10 айырмашылығын табулары керек.

Ү. Жаңа сабақ бойынша тапсырма орындау

№ 1. Тапсырма

Үзінділерді жылжыту және көшіру арқылы киінген қарақшылардың киімдерін және қалпақтарын ауыстырып киіндіріп Word Pad редакторындағы өлең жолдарынан кейін орналастырамыз.

Қарақшы

- Қарақшы, Қарақшы,

Қызық екен қалпағың.

Жидеңде бүгін өзгеше,

Киіп алдың сен неге?

№2. Тапсырма

Автофигураларды жылжыту және көшіру арқылы Word редакторына шырша мен бақаның суретін салып 5 жолдық өлең жолдарын құрастыру.

№3. Тапсырма

1 жапырақты пайдалана отырып оны көбейту және бұру арқылы талдың бұтағы мен жапырақтарын бейнелеу. Дайын болған суретімізді Word редакторына алмастыра отырып суретіміздің төменгі жағына ағашқа сипаттаманы мәтін теру арқылы береміз.

№4. Тапсырма

Оқушылар өздері еркін тақырыпта суретке мәтін жазады және құжатты өз аттарымен сақтайды.

ҮІ. Оқушыларды бағалау

Кампьютерде тапсырманы дұрыс орындаған және сабаққа жақсы қатысқан оқушыларды бағалау.

ҮІІ. Үйге тапсырма

Тақырып бойынша өлең жолдары мен жұмбақтар құрастыру