Кестелер. Кестелер ??ру

Еңбекшіқазақ ауданы

Қаратұрық орта мектебі

Информатика пәнінің мұғалімі

Байрамова Назира Важиповна

Информатика пәні. 6-сынып.

Сабақтың тақырыбы: Кестелер. Кестелер құру.

Сабақтың мақсаты:

Білімділік: Оқушыларды кестелермен таныстыру, кестелерді құру әдістері туралы түсінік беру;

Дамытушылық: Оқушылардың есте сақтау және зейіндік қабілеттерін дамыту, пәнге деген қызығушылығын арттыру.

Тәрбиелік: Алған білімін өмірде қолдана білуге, өз бетімен жұмыс істеуге тәрбиелеу;

Сабақтың түрі: практикум элементтерінің көмегімен демонстрациялау, баяндау арқылы түсіндіру.

Сабақта қолданылатын көрнекті құралдар: компьютер, электрондық оқулық, тест жұмыстары.

Сабақтың өту барысы:

І. Ұйымдастыру кезеңі.

ІІ. Үйге берілген тапсырманы тексеру.

Электрондық оқулықпен жұмыс:

SinKaz оқулығы - Ms Word бағдарламасында жұмыс істеу – тапсырмаларды орындау

ІІІ. Жаңа тақырыпты түсіндіру.

Кестелерді жасау әдістері. «Кесте» түсінігімен сіз төменгі сыныптан таныссыз. Кесте мәтіндік және графикалық хабарламаларды көрнекі етуге мүмкіндік береді. Кесте баған мен жолдан және екеуінің қиылысуында орналасқан ұяшықтан тұрады. Ұяшыққа бірнеше жол немесе абзацтар, сонымен қатар суреттер, т.б. заттар да орналасуы мүмкін. Ұяшықтағы мәтінді кәдімгі ереже бойынша форматтауға болады.

Құжатта кестені даярлаудың екі әдісі бар.

1-әдіс. Бос кестені орналстыру үшін курсорды қажет жерге апарып, Кесте (Таблица) менюіндегі Қою-Кесте (Вставить - Таблица) командасын таңдаңыз. Кестені қою терезесінде бағандар мен жолдардың сәйкес сандарын қойыңыз.

Кесте өлшемдері көрсетілген соң оны Автоформат батырмасын басу арқылы автоматты түрде форматтауға болады. Терезе ішінде көрсетілген пішінді Автоформат терезесінде таңдауға болады.

2-әдіс. Кестені Стандартты аспаптар тақтасындағы Кестені қосу (Добавить таблицу) батырмасын шерту арқылы құруға болады. Ашылған терезеде керекті ұяшық сандарын тышқанның сол жақ батырмасын басулы күйінде ұстап тұрып қоюға болады.

Ұяшықты біріктіру және бөліктерге бөлу. Кестенің жоғарғы жағына оның тақырыбын жазу кезінде бір жолдың бірнеше ұяшықтарын бір ұяшыққа біріктіру қажет болуы мүмкін, осы кезде ұяшықтың мазмұнын Формат менюінің көмегімен форматтауға болады. Олардың ішіндегі мәліметтер де бір ұяшықтың немесе бірнеше ұяшықтың ішіне орналасуы мүмкін.

Бірнеше ұяшықтарды бір ұяшыққа біріктіру үшін оларды белгілеп алып, Кесте менюіндегі Ұяшықтарды біріктіру (Обьединить ячейки) командасын орындаңыз немесе Кесте және шекара (таблица и границы) тақтасындағы батырмасын шертіңіз.

Бір ұяшықты бірнеше ұяшыққа бөлу қажет болса, курсорды сол ұяшыққа апарып, Кесте менюіндегі Ұяшықтарды бөлу (разбить ячейки) бөлімін таңдаңыз.

Ұяшықтарды бөлу командасы экранға Бағандар саны (Число столбцов) және Жолдар саны (Число строк) мәндерін енгізетін диалогтік терезесін шақырады.

Кесте құрылымын өзгерту. Кесте құрылымын өзгерту бастапқы кестенің жолдар мен бағандар санын өзгерту болып табылады.

Кестеге элементтер қою үшін (жол, баған, ұяшық) олардың орнына жаңадан қойылатын элементтердіі белгілеп, Кесте менюіндегі Қосу (Добавить) командасын таңдап, берілген, яғни Бағанның сол жағы, Бағанның оң жағы, Бір жол жоғары, Бір жол төмен ұяшықтар (Столбцы слева, Столбцы справа, Строки выше, Строки ниже, Ячейки) пункттерінің керегін таңдау қажет.

Кесте элементтерін өшіру үшін оларды белгілеп, Кесте менюіндегі Өшіру (Кесте, Баған, Жол, Ұяшық) Удалить (Таблица, Столбцы, Строки, Ячейки) бөлімін таңдаңыз.

ІV. Компьютермен жұмыс: таратпалардағы тапсырмаларды орындау

V. Тест:

1. Мәтіндік редактор - программасы ... үшін берілген.

А) мәтіндік ақпаратты құруға және редакторлеуге;

В) ойын программаларын құру барысында кескінмен жұмыс істеуге;

С) символдық тілді машиналық кодқа айналдыру үшін;

D) тек қана кестемен жұмыс істеуге.

2. Мәтіндік редактордың негізгі функцияларына мыналар ... жатады:

А) көшірмелеу, ауыстыру, мәтін фрагменттерін сұрыптау және жою;

В) мәтінді құру, редакторлеу, сақтау және басу;

С) Мәтінді дұрыс жазуды қатаң сақтау;

тек қана кесте құру

3. Microsoft Word - ты іске қосу үшін келесі әрекеттер тізбегін орындау қажет.

А) Пуск – Программы – Стандартные – Microsoft Office Word

В) Пуск – Программы - Microsoft Office - Microsoft Office Word

С) Пуск – Документы - Microsoft Office Word

D) Пуск – Стандартные – Microsoft Office Word

4. Жаңа құжат құру

А) Создать – Файл
В) Файл – Создать
С) Правка – Создать

D) Вид – Создать

5. Кесте құру жолдарын ата

А) Вставка - Таблица – Вставить таблицу
В) Разметка страницы – Таблица – Вставить таблицу
С) Вид – Таблица – Вставить таблицу

D) Файл – Таблица – Вставить таблицу

ІV. Сабақты қорытындылау сұрақтары:

Кесте дегеніміз не?

Қандай кесте тіктөртбұрышты деп аталады?

Жол, баған, ұяшық дегеніміз не?

Бір ұяшықты бірнеше ұяшыққа қалай бөлуге болады?

Кестедегі қандай қозғалыс әдістерін білесіз?

VІ. Үйге тапсырма: Кестелермен жұмыс тақырыбын оқу.

VІІ. Оқушыларды бағалау.