Сабағымызды бастамас бұрын қауіпсіздік техника ережесін қайталап өтейікші. Әрқайсымыз бір ережеден айтайық.
Жауап жоспарының үлгісі:
Мұғалімнің рұқсатынсыз сыныпқа кіруге болмайды;
Тағайындалған орынға отыру керек;
ДК-дің мониторын қолмен ұстауға болмайды;
Компьютерде жұмыс істеу тек мұғалімнің рұқсатымен;
ДК ақау байқалса, жұмысты дереу тоқтату керек;
Көз бен экранның арақашықтығы 60-70 см болу керек, т.с.с.
Жарайсыңдар!
ІІ. Үй тапсырмасын тексеру
1.Ақпаратты компьютерден қағазға басып шығаруға арналған құрылғы?
2.Беттің өлшемдерін қандай бұйрықтармен баптайды?
3.F7 пернетақтасының қызметі?
4.Құжатты Алдын ала қарау және басып шығару бұйрықтары қайда орналасқан?
5.Алдын ала қарау бұйрығы не үшін керек?
6.Алдын ала қарау режимінен шығу және құжатпен жұмыс істеу режиміне қайта оралу қандай батырманың көмегімен орындалады?
Ребус шешу
Оқушыларға ребус беріледі . Жауабындағы сөз бүгінгі біздің жаңа сабағымыздың негізгі термині болып табылады.
1 2 3 4 5 6
Д и с к е т
Жауабы: Кесте
ІІІ. Жаңа сабақ. (Жаңа материалды түсіндіру және қабылдау кезеңі)
Ал енді жұмыс дәптерін ашамыз.
Бүгінгі күн жадын және сабағымыздың тақырыбын жазамыз. Бұл сабақта кесте құру әдістерін, сондай-ақ кесте безендіруді үйренулеріміз керек.
Біздің өмірімізде мәтінді безендіру немесе құжатты кесте түрінде дайындау жиі кездеседі. Оларға: мектеп журналдары, үлгерім табелі және сіздердің күнделік парақтарың.
Сонымен кесте дегеніміз – жолдар мен бағандарда реттеліп берілген ақпарат. Кесте жолдар мен бағандардың қандай да бір санынан тұруы мүмкін. Жолдар мен бағандар қиылысып ұяшық құрайды.
Мәтіндік редакторында кестелерді 3 түрлі әдіспен құруға болады.
1-әдіс: Бос кестені орналастыру үшін меңзерді қажет жерге апарып Қою – Кесте – Кесте қосу (Вставка – Таблица – Вставить таблицу) командасын орындау арқылы кесте құра аламыз. Экранда Кестені қою (Вставка таблицы) диалогтік терезесі пайда болады. Онда өзімізге қажет бағандар мен жолдар санын қоя аламыз.
2-әдіс:Қою – Кесте – Кесте қосу (Вставка – Таблица – Вставить таблицу) батырмасын шерту арқылы кесте құра аламыз. Мұнда ашылған терезеде керекті ұяшық сандарын тышқанның сол жақ батырмасын басулы күйінде жылжыта отырып таңдаймыз.
3-әдіс:Қою – Кесте – Кесте салу (Вставка – Таблица – Нарисовать таблицу) командасын орындау арқылы кестені қарындашты пайдаланып, қолдан сыза аламыз.
Енді, кестеміздің бірнеше ұяшығын бір ұяшыққа біріктіруді және бір ұяшықты бірнеше ұяшыққа бөлуді үйренейік.
Бірінші жағдайда ұяшықтарды белгілеп алып, Кесте – Ұяшықтарды біріктіру (Таблица – Объединить ячейки) командасын орындаймыз немесе Кесте және шекара (Таблицы и границы) тақтасындағы батырманы шертеміз.
Ал, екінші жағдайда Кесте – Ұяшықтарды бөлу (Таблица – Разбить ячейки) командасын орындаймыз немесе батырмасын шертеміз. Осы кезде Ұяшықтарды бөлу диалогтік терезесі ашылады. Онда бағандар мен жолдар саны мәндерін енгіземіз де, Ок батырмасын шертеміз.
Кестеге элементтер (жол, баған, ұяшық) қосу үшін кез келген ұяшыққа тышқан нұсқағышын апарып, оң жақ батырмасын шертіп, динамикалық мәзірді шақырамыз. Онда бағанның сол жағы, бағанның оң жағы, бір жол жоғары, бір жол төмен ұяшықтар пункттерінен керегін таңдаймыз.
Кесте элементтерін өшіру үшін оларды белгілеп, Макет – Өшіру командасын орындап, кесте, баған, жол, ұяшық пункттерінен керегін таңдаймыз немесе пернелер көмегімен немесе пернелер көмегімен орындалады.
IV. Практикалық жұмыс. Деңгейлік тапсырмаларды орындау. (Жаңа сабақты бекіту мақсатында)
1тапсырма: Сабақ кестесін құру.
2тапсырма:Сабақ үлгерімі туралы кесте құру.
Кімнің сұрағы бар, қолдарыңды көтеріңдер.
Топтық тапсырма:
1.Кестедегі смайликтердің қай ұяшықта орналасқанын табыңдар.
2.Берілген сөздердің әріптері ауысып кеткен. Сол сөздерді қалпына келтіру керек. 1. Красен - сканер
2. Трионом -монитор
3. Россецорп -процессор
4. Абған - баған
5. Камыш -мышка
6. Перринт - принтер
7. Естек -кесте
8.Тмкюпьоер- компьютер
9.Қышяұ - ұяшық
10.Олж - жол
Сонымен, жұмысты аяқтаймыз. Практикалық жұмысты көрсетіп болғандар компьютерді дұрыс өшіріңдер.
Жарайсыңдар, барлықтарың жұмысты дұрыс орындадыңдар.
V. «Ақпараттық диктант»(Қорытындылау мақсатында)
1
Кестені даярлау үшін
Кесте – Кесте қосу
2
Ұяшықтарды біріктіру үшін
Кесте – Ұяшықтарды біріктіру
3
Кесте қай қатарда орналасқан?
Меню қатарында
4
Ұяшық дегеніміз не?
Бағандар мен жолдардың қиылысы
5
Кесте құрудың неше әдісі бар?
3 әдісі
6
Ұяшықтарды бөлу үшін
Кесте – Ұяшықтарды бөлу
7
Кесте дегеніміз
Жолдар мен бағандарда реттеліп берілген ақпарат
VI.Үйге тапсырма
1. Тақырыпты оқып, мазмұндау
2. Шығармашылық тапсырма: «Менің жанұям» тақырыбында кесте құрып келу.
VII. Оқушылардың білімін бағалау
Бағалау парағына қарап , белсенді қатысқан оқушыларды бағалаймын.
Осымен біздің сабағымыз аяқталды. Сабаққа қатысқандарыңызға рақмет!
