Талдыкөл мектеп-балабақша кешені
Сыныбы: 5
Пәні: Информатика
Тақырыбы: Графиктік ақпаратты өңдеу (бейнелерді масштабтау,
трансформациялау), баспаға дайындау, баспадан шығару
Өткізген: Информатика пәнінің мұғалімі
Нарымбаева А.А
2015-2016 оқу жылы
Сабақтың тақырыбы: Графиктік ақпаратты өңдеу (бейнелерді
масштабтау, трансформациялау),
баспаға дайындау, баспадан шығару.
Сабақтың мақсаты:
Білімділік: Сурет трансформациясын орындауды үйрету, суретті
принтерде басып шығаруды үйрену.
Дамытушылық: Масштаб құралы қай кезде пайдаланылатынын,
трансформацияның не екенін үйрену арқылы
дамытушылық қабілетін арттыру.
Тәрбиелік: Суреттің масштабын әртүрлі тәсілдермен өзгертуді,
көлбеуді, суретті бұруды және сурет бөліктерін
өзгертуді үйрену.
Сабақтың жүру барысы:
І. Ұйымдастыру бөлімі
а) оқушылармен сәлемдесу
ә) қатысын түгендеу
ІІ. Үй тапсырмасын сұрау:
1. Paint дегеніміз не?
2. Суретті тұтастай ерекшелеу үшін қандай бұйрықтар орындалады?
3. Мәтін енгізу үшін қандай сайман пайдаланылады?
ІІІ. Жаңа тақырыпты түсіндіру
Кескіннің детальдарын дәлдеу масштабтың көмегімен жасалады. Windows –тегі барлық амалдар сияқты, масштабты әртүрлі тәсілдермен өзгертуге болады. Мыналарды пайдаланыңдар :
- Түр (Вид) тіркеме бетінің саймандарын ;
- Негізгі тіркеме бетіндегі Масштаб сайманын ;
- Жай –күй жолындағы Масштаб жүгірткішін.
«Трансформация» сөзі латын тілінен түрлену, алмасу деп аударылады.
Қане, Кескін тобындағы Қырқу, Мөлшерді өзгерту, Бұру бұйрықтарының қалай жұмыс істейтінін қарастырайық. Бұл бұйрықтар амалдарды тұтас суретпен және ерекшеленген фрагментпен орындайды.
Қырқу – суреттің тек ерекшеленген бөлігін қалдыратын бұйрық. Ол өте қолайлы, мәселен, өрнектердің суретін салғанда – алдымен элементтерін салып, одан кейін оларды көшіріп, өрнекті құрып, оны ерекшелеп, енді керек емес детальдарын қырқамыз. Сол сияқты, бұл бұйрық фотосуреттегі артық бейнелерді қырқуға мүмкіндік береді.
Оқушылардың дайындаған суреттерін ашып көремін. Тапсырманы принтерге жібермей тұрып, суреттің біз ойлаған түрде көрінетіндей екеніне көз жеткізейік. Беттің параметрлері терезесін шақырыңдар: Paint Басып шығару батырмасы Беттің параметрлері. Беттің толтырылу бағытын, ортаға түзеуді, масштабты өзгертіңдер. Сендердің суреттерің көлденең сызылған тікбұрыш сияқты болып көрінеді. Қарап шығу терезесінде беттің өзгертулерін қадағалаңдар!
Бетті баптағаннан кейін келесі қадамға – Алдын ала қарауға көшуге болады. Бұл терезеде сендер таңдаған параметрлермен суреттің бетте қалай орналасатынын көруге болады.
Бәрі сендер ойлағандай болса- тапсырманы печать батырмасын шертіп, сенімді түрде басып шығаруға жөнелтіңдер. Егер бір нәрсе өзгерту керек болса, онда Беттің параметрлері терезесіне қайта оралуға тура келеді.
ІV. Жаңа сабақты бекіту:
1. Компьютермен жұмыс.
Мына тақырыптардың біріне салынған суретті басуға дайындаңдар:
1. Сүйікті пән бойынша оқулық мұқабасы;
2. Сүйікті кітабыңды безендіру;
3. Мектеп (немесе үйірменің, секцияның) эмблемасы;
4. Мерекеге арналған ашық хат;
5. Плакат (мысалы, “Менің қалам”, “Ғарыш”, “Компьютерлер тарихы”);
6. Армандаған бөлмемнің дизайні.
2. Тест тапсырмалары.
1. Компьютермен жұмыс істегенде көзге шамадан тыс күш түсірмеу үшін не істеу керек?
А) Көзге арналған гимнастиканы әрбір 10-15 минут сайын жасап отыру
В) Төрт сағаттан артық үздіксіз жұмыс істемеу
С) Қолға арналған гимнастиканы әрбір 2 сағат сайын жасау
Д) Арасында мониторды өшіріп отыру
2.Компьютердегі жұмысты аяқтаған оқушы не істеу керек?
А) Мұғалімнің нұсқауы бойынша жұмысты аяқтап, жұмыс орнын ретке келтіру
В) Компьютерді ажырату батырмасын басу
С) Тұрып, кабинеттен шығу
Д) Бөлмені ылғалдап сүртіп шығу және жеделдету
3.Көзден экранға дейінгі арақашықтық қанша болу керек?
А) 10-15 см В) 20-30 см С) 40-50 см Д) 55-65 см
4.Графикалық ақпаратты (суреттер, сызбалар және т.б.) қағаздан компьютерге енгізу құралы:
А) Сканер В) Принтер С) Монитор Д) Пернетақта
5. Дыбыстық ақпаратты не арқылы жеткіземіз?
А) кітап В) радио С) журнал Д) плакат
6. Ақпаратты енгізу құрылғысы?
А) Процессор В) Принтер С) Пернетақта Д) Компьютерлің жады
7. Бас әріптер режимін қосу үшін қолданылатын перне:
А) Alt В) Tab С) NumLock Д) CapsLock
8. Мәтін тергенде сөздердің арасында қандай пернені басады?
А) Бос орын (пробел) В) Alt С) Tab Д) Ctrl
9. Ақпаратты компьютерден қағазға басып шығару құрылғысы:
А) Сканер В) Принтер С) Тышқан Д) Пернетақта
10. «Paint» сөзі ағылшын тілінен қалай аударылады?
А) Жобалау В) Оқу, кітап С) Сурет, сурет салу Д) Музыка, ән салу
V. Қорытындылау тестісі:
1. Басып шығаруда суреттің масштабын қаншалықты өзгертуге болады?
2. Суреттің мөлшері қандай ? Ол қанша бет болады ?
3. Қандай пернемен алдын ала қарау терезесін жабуға болады ?
VІ. Үйге тапсырма: §17. Графиктік ақпаратты өңдеу (бейнелерді масштабтау, трансформациялау), баспаға дайындау, баспадан шығару.
VІІ. Бағалау.
