Ашық сабақ "Компьютерлік графиканың түрлері"

«СПОРТТА ДАРЫНДЫ БАЛАЛАРҒА АРНАЛҒАН ШЫҒЫС ҚАЗАҚСТАН ОБЛЫСТЫҚ МЕКТЕП - ИНТЕРНАТЫ» КММ

Тақырыбы: «Компьютерлік графиканың түрлері».

Өткізген: Информатика пәні мұғалімі

Қабылшай Б.

2016-2017 оқу жылы

Сыныбы: 7К

Пәні: Информатика

Күні: 02.02.2017

Сабақтың тақырыбы: Компьютерлік графиканың түрлері.

Сабақтың мақсаты:

Оқушыларды компьютерлік графикамен және түрлерімен таныстыру, оқулық пен қосымша деректерді пайдалануға, өз ойларын еркін айтуға, өз пікірлерін қорғап, сөйлеуге дағдыландыру. 
Сабақтың түрі: Жаңа (ашық) сабақ

Пәнаралық байланыс: технология, геометрия, математика.
Көрнекілік: оқулық, таратпа парақтар, флипчарт, интерактивті тақта, слайд.

Сабақтың жоспары:

1. Ұйымдастыру

2. Үй жұмысын тексеру:

3. Жаңа сабақ

4. Бекіту

5. Қорытынды

6. Бағалау.

7. Үйге тапсырма беру.

Сабақ барысы:

І. Ұйымдастыру: Оқушылармен амандасып, түгендеу, сабаққа дайындықтарын тексеру. Оқушыларды 3 топқа бөлу (Растрлық тобы; Векторлық тобы; Фракталдық тобы.).

ІІ. Үй жұмысын тексеру: Презентацияда көрсетілген ұяшықтарды таңдау арқылы сұрақтарға жауап беру. 1-3 ұяшықтар оңай сұрақтар, 4-6 ұяшықтар қин сұрақтар?

1

3

2

3

4

5

6

1. Модельдер берілу тәсілдеріне байланысты неше топқа бөлінеді? Олар қайсылар?

2. Ақпараттық модельді сипаттаудың қандай әдістері бар?

3. Қолдану аймағы бойынша модельдер қандай топтарға жіктеледі?

4. Материалдық модель дегеніміз не? Мысал келтір?

5. Ақпараттық модель дегеніміз не? Мысал келтір?

6. Ақпараттық моделдің қасиеттерін атаңыз?

ІІІ. Жаңа сабақ

Қазіргі кезде компьютерлік графиканың қоғамның инженерлік, ғылым, бизнес, өнер және т.б. барлық саларында атқаратын рөлі зор. Компьютерлік графика мултимедиалық программалар, телевизиялық жарнамада, киноның арнайы эффектілерін, мультфильмдер жасаудан бастап, машина жасау мен іргелі ғылыми-зерттеулерді компьютерлік жобалауға дейін қолданылады.

Компьютерлік графика – программалық – аппараттық құралдардың көмегімен суреттерді өңдеу, салу тәсілдері мен әдістерін оқытатын информатиканың арнайы саласы.

Қазіргі компьютерлік графиканың негізгі мынадай бағыттарын атап көрсетуге болады:

• Іскерлік графика;

• Инженерлік графика;

• Ғылыми графика;

• Көркемдік және жарнамалық графика;

• Web - графика;

Компьютерлік графика бейнелеу тәсіліне байланысты мынадай топтарға бөлінеді:

• Растрлық

• Векторлық

• Фракталдық

Растрлық графика: кескіндер түрлі-түсті нүктелердің жиынтығынан тұрады. Графикалық ақпараттың осындай нүктелер жиыны немесе пиксельдер түрінде ұсынылуы растрлық түрдегі ұсынылу болып табылады. Растрлық кескінді құрайтын әрбір пиксельдің өз орны мен түсі болады және әр пиксельге компьютер жадында бір ұяшық қажет.     

Растрлық графиканың артықшылығы:

• Әр нүкте бір-біріне тәуелсіз;

• Бейнелік ақпаратты енгізудің техникалық түрде іске асырылуы. (мұндай құрылғыларға сканер, бейнекамера, сандық фотокамера және графикалық планшеттер жатады);

• Фото мүмкіндігінің кеңдігі.

• Файлдар пішімі нүктелік бейнелерді сақтауға арналған және басқада әсерлерді шығаруға болады;

• Web – дизайнді қолдануға болады.

Растрлық графиканың кемшілігі:

• Растрлық бейнені бұруға, еңкейтуге болмайды. (егер бейнені кішкене ғана қисайтатын болсақ, онда бейне шеттері түзу сызық емес баспалдақ болып қалады);

• Бейнені үлкейтіп анықтап көруге болмайды. (бейне нүктелерден тұрғандықтан, оны үлкейткенде нүктелер көлемі де үлкейеді, бұдан бейненің сапасы нашарлайды);

• Бейнені үлкейткенде файлдың көлемі үлкейіп кетеді.

Векторлық графика: бұл - сызық, доға, шеңбер және тікбұрыш сияқты геометриялық объектілер жинағынан тұратын кескіндер. Бұл жерде вектор дегеніміз - осы объектілерді сипаттайтын мәліметтер жиынтығы.

  Векторлық графикамен жұмыс істеуге арналған программалық құралдар бірінші кезекте кескіндерді өңдеу үшін емес, оларды жаңадан салу үшін қолданылады

Векторлық графиканың артықшылығы:

• Сурет көлемінің шағын болуы. (векторлық бейнені кодтау барысындаоның координаталары ғана сақталады, сондықтан ол жадта аз орын алады. Векторлық графика – суреттерді кодтаудың ең тиімді түрі);

• Трансформациялау (түрлендіру) еркіндігі. Векторлық бейнені айналдыруға, масштабын өзгертуге (үлкейтуге немесе кішрейтуге) болады, бұдан бейненің сапасы жоғалмайды;

• Аппараттық тәуелсіздігі. Векторлық графика нақты нысандармен жұмыс жасайды және өзгертуге қолайлы.

Векторлық графиканың кемшілігі:

• Программаға тәуелділігі (әр программа безье қисығын өзінің алгоритміне сәйкес салады).

• Суреттің бір элементін өзгерту үшін оның элементтерін жеке-жеке өзгерту қажет.

Фракталды графиканың жасалу әдісі сурет салуға немесе безендіруге емес, програмалауға негізделеді. Егер растрлық графикада растр (пиксель), ал векторлық графикада сызық базалық элемент болып табылса, фракталдық графикада математикалық формуланың өзі базалық элемент болып табылады, бұл компьютердің жадында ешқандай объект сақталмайды, кескін тек қана теңдік бойынша салынады деген сөз.  

  ІҮ. Бекіту: 1-тапсырма:

2-тапсырма:

3-тапсырма:

4-тапсырма:

Ү. Қорытынды: Бүгін сабақта не үйрендіндер? Деген сұрақ қойылады оқушылар бір-екі сөзбен тақырыпты қорытындылайды.

YI. Бағалау: Бағалау парағы

Оқушының аты – жөні	Тапсырмалар
	Үй жұмысы дұрыс жауапқа ұпай	Жаңа сабаққа қатысқаны	Бекіту тапсырмаларын орындағаны	Қорытын-ды	Баға

VII. Үйге тапсырма. 73 - бет:  §5.2 оқып келу.