Білімділігі: Бала бойына бүгінгі тақырыпты өту барысында білімдерін арттыру.
Тәрбиелігі: Әр оқушыны іскерлікке, нақтылыққа, ынтымақтылыққа тәрбиелеу.
Дамытушылығы: Оқушының әрбір сабаққа ынтасы мен қабілетін біріктіріп, пәнге деген қызуғушылығын арттыру.
Сабақтың көрнекілігі: компьютерлер.
Сабақтың барысы
А) ұйымдастыру кезеңі
ә) сабақ сұрау
б) бағалау
в) жаңа сабақ
г) бекіту
д) үйге тапсырма
е) қорытынды.
Ұйымдастыру кезеңі. Қоңырау соғылып сабақ басталған соң балаларды ұйымдастыра отырып сабақты бастаймын.
Өткен сабақтар бойынша кім үйге берілген сабақты айтады деп? Деп бірнеше оқушыдан үй тапсырмасын сұрап, бағалаймын.
Жаңа сабақ.
Бұл сабақта оқушылар компьютердің неден тұратынын, компьютердің әрбір құрылғысының не үшін керек екенін білетін болады.
Компьютер әмбебап есептеуіш машина. Компьютер күрделі құрылғылардың жиыны. Ол жұмыс жасау үшін программалық жабдықтамалар керек. Компьютердің жұмыс істеуі үшін ең қажетті программа оның жұмыс қабілеті мен басқаруды қамтамасыз ететін операциялық жүйе. Операциялық жүйенің бір мысалы ретінде Windows операциялық жүйесін атасақ болады. Компьютер кез келген есепті шығару үшін қолданылады. Ол деректерді талдау, ақпаратты сандық форматта сақтау, видео және фотоматериалдарды өңдеу, мәтіндік ақпаратты құру және түзету т.б. болуы мүмкін. Барлық есептер арнайы жазылған қосымша программалардың көмегімен шешіледі. Компьютер тек сол программалардың жұмысын, жұмыс жылдамдығын қамтамасыз ету міндетін атқарады.
Барлық компьютерлердің бір бірінен айырмашылығы олардың құрамына кіретін құрылғылар жиынының әртүрлі болуында.
Дербес компьютер 3 бөліктен тұрады.
Ақпаратты шығару құрылғысы - монитордан
Ақпаратты енгізу құрылғысы - пернетақтадан
Жүйелік блокта орналасқан ақпаратты өңдеу және сақтау құрылғыларынан.
Бұл құрылғылар міндетті болып табылады. Пернетақтадан басқа енгізу құрылғыларына тышқан ойын джойстігі және басқалар жатады. Компьютердің жүйелік блогында әр түрлі құрылғылардың негізгі жиыны орналасқан. Мұнда аналық тақша, жедел жады, қатты дискі, процессор, дискжетектер, видеокарталар мен дыбыс карталары және басқалар орналасқан.
Процессор - жүйелік блоктың миы.
Аналық тақша - жүйелік блоктың басқа құрылғылар жалғанған негізгі бөлігі. Қатты дискі - ақпаратты ұзақ уақыт сақтауға арналған құрылғы. Онда тұтынушының программалары мен файлдары сақталады.
Видеокарта - жүйелік блоктың ішінде орналасқан құрылғы. Видеокарта компьютердің жүйелік блогындағы бейнені мониторға шығаруға «дайындайды». Дыбыс картасы компьютерде дыбыспен жұмыс жасау үшін қажет.
Қосымша құрылғылар - компьютердің жүйелік блогына қосымша жалғанатын құрылғылар. Оларды жүйелік блоктың сыртына да ішіне де қосуға болады. Компьютердің қосымша құрылғыларына дыбыс колонкалары, микрофон, принтер, сканер , модем т.б. жатады.
Дыбыс колонкалары - дыбыстық ақпаратты шығару құрылғысы.
Принтер- ақпаратты компьютерден қағазға басып шығаруға арналған.
Принтерлер лазерлік және бүріккіш болып бөлінеді.
Сканер - мәтіндік және графикалық ақпаратты қағаздан компьютерге енгізу құрылғысы.
Модем – компьютерді жай телефон желісіне қосу құрылғысы.
Ақпарат тасығыштарға жататындар: қатты диск(винчестер) жұмсақ диск, лазерлік дискілер (CD,DVD) флеш- жады.
Бекіту
Қорытындылау
Оқушыларға: «Бүгін сабақтан қандай жаңа мәліметтер алдыңдар?» деген сұраққа жауап беру ұсынылады.
