«Информатика кеше, бүгін, ертең.» сайысы
Мақсаты:
Оқушылардың информатика пәнінен алған білімдерін жинақтау.
Оқушылардың ойлауын, компьютерлік сауаттылығы мен іскерлігін, танымдық қабілетін, логикалық сауаттылын арттыра отырып, олардың пәнге деген қызығушылығын, белсенділігін арттыру.
Оқушыларды шапшандыққа, өз ойларын анық жеткізе білуге, жауапкершілікке, ұйымшылдыққа, жан-жақты болуға, ізденімпаздыққа тәрбиелеу.
Көрнекілігі: слайд-шоу, интерактивті тақта, ноутбуктар
Құрметті ұстаздар, оқушылар! Мектебімізде өтіп жатқан «Жас мамандар» апталығына қош келдіңіздер! Міне бүгін сіздердің алдарыңызда 6, 7 сынып оқушылары бүгінгі сайыста білімдерін сынамақ. Олай болса ойыншыларымызды ортаға шақырып, таныстырайық. Әр сыныптан 5 оқушы шығады.
Сайысты бастамас бұрын, алдымен сайысымыздың әділ-қазылар алқасымен таныстырып өтейін.
- Оқу ісінің орынбасары Б.Абыкеева
- Математика пәнінің мұғалімі А.Кыздарбекова
- Музыка пәнінің мұғалімі Қ.Жаниев
- Қазақ тілі мен әдебиет пәнінің мұғалімі А.Шайхудинова
Сайыс 9-кезеңнен тұрады. Кезеңдері:
- кезең: «Таныстыру».
2-кезең: «Дешифратор»
3-кезең: «Қай сөз артық?»
4-кезең: «Қатесін тап»
5-кезең: «Сен білесің бе?»
6-кезең: «Мақал сөздің мәйегі»
7-кезең: «Венгр сөзжұмбағы»
8-кезең: Кім жылдам?
9 – кезең: Егер де мен болсам..
2-кезең. «Дешифратор»
Ойынның шарты: Әр командаға 15 сұрақтан қойылады. Сұраққа «иә» не «жоқ» деп жауап беру керек. Әр дұрыс жауапқа 10 ұпай беріледі.
І-топқа қойылатын сұрақтар:
1. «Ақпарат» сөзі латын тілінен аударғанда түсіндіру, баяндау, мәлімет дегенді білдіреді. (ия)
2. Баспаға шығару құрылғысы пернетақта деп аталады. (жоқ)
3. Адам ақпаратты сақтай алмайды. (жоқ)
4. Ең алғашқы ЭЕМ 1946 жылы АҚШ - та пайда болды.(ия)
5. Ақпараттың ең кіші өлшем бірлігі килобайт деп аталады. (жоқ)
6. Компьютер ақпараттық процестерді жүзеге асыратын құрал.(ия)
7. Тышқан ақпаратты сақтауға арналған құрылғы. (жоқ)
8. Пернетақта компьютерге ақпаратты енгізу құрылғысы. (ия)
9. Қазіргі компьютерлердің пернетақтасында 80 перне болады. (жоқ)
10. Delete алдыңғы символды өшіру пернесі (жоқ)
11. Компьютерде жұмыс жасау үшін операциялық жүйенің қажеті жоқ. (жоқ)
12. 1 Мегабайт 8 байтқа тең. (жоқ)
13. ЭЕМ дамуының І буынында электрондық шамдар пайдаланылды. (ия)
14. Адамға ақпарат дыбыс, мәтін, графикалық түрде берілмейді. (жоқ)
15. Процессор - ол компьютердің миы. (ия)
ІІ-топқа қойылатын сұрақтар:
1. «Информатика» пәні ЭЕМ - нің көмегімен ақпараттарды жинау, сақтау, өңдеу заңдылықтарын зерттейтін ғылым. (ия)
2. 1 Килобайт 1024 байтқа тең. (ия)
3. Дисплей компьютер экранына ақпаратты шығарушы құрылғы (ия)
4. Сканер ақпаратты енгізу құрылғысы. (ия)
5. Электронды есептеуіш техниканың даму тарихы бірнеше буындарға бөлінеді. (ия)
6. ЭЕМ - нің дамуының ІІІ буынында электрондық шамдар пайдаланылды. (жоқ)
7. Бит, байт ақпараттың өлшем бірліктері. (ия)
8. Пернетақта, сканер ДК - дің сыртқы құрылғыларына жатады. (ия)
9. Принтер - ақпаратты қағазға басып шығаратын құрылғы. (ия)
10. 1846 жылы Бэббидж машинасына программа жазған Ада Лавлейс. (ия)
11. 1 Кбайтта 1024 Мбайт бар. (жоқ)
12. Процессор - ол компьютердің миы. (ия)
13. Пернетақта компьютерге ақпаратты енгізу құрылғысы. (ия)
14. 1 Килобайт 8 байтқа тең. (жоқ)
15. ЭЕМ - нің даму тарихы 7 буыннан тұрады. (жоқ)
3-кезең «Қай сөз артық?» (2 минут)
Шарты: Тақтада 4 сөзден анаграмма түрінде берілген. Артық сөзді табу керек. Әр сөзге 2 ұпайдан, тапсырмаға 3 ұпай беріледі.
Марамгроп - программа
Ныштақ- тышқан
Дакротре-редактор
Юнем -меню
Артық сөз: (тышқан)
Такидес-дискета
Ссорецпро-процессор
Кашфле-флешка
Артық сөз: (процессор)
Тамикатема-матиматика
Азикиф-физика
формаинкати –информатика Артық сөз: (компьютер)
Инрпрет-принтер
Ушықо-оқушы
Кәртіш-шәкірт
Артық сөз: (принтер)
4-кезең: «Қатесін тап» ( 5 минут)
- Электронды поштамен келген хатқа вирус кіріп ақпаратты бүлдіріпті. Сіздердің мақсаттарыңыз бүлінген ақпартты қалпына келтіру.
(Вируспен зақымданған нұсқасы)
1-хат: Мен компьютермен жұмыс істегенде, міндетті түрде монитор мен сканерді іске қосамын.Тышқанмен әріптерді теріп, сурет шығару керек болса, сканерді пайдаланамын. Компьютерге дайын мәтінді қолдан енгізбеу үшін джойстикті қолданамын. Ал мәтінді басып алу үшін жүйелік блокқа қағаз саламын. Микрофон арқылы әндерді тыңдаймын.
(Вируспен зақымданған нұсқасы)
- Мен компьютерде жұмыс істегенді ұнатамын. Компьютерде мәтін жазу үшін Paint текстік редакторды пайдаланамын. Мәтін жазу үшін сызғыш, өшіргіш құралдарын пайдаланамын. Ал сурет салғым келсе WordPad стандартты программасымен саламын. Өз жұмыстарымды сканерден шығарамын.
- Мен компьютермен жұмыс істегенде, міндетті түрде монитор мен жүйелік блокты іске қосамын. Пернетақтамен әріптерді теріп, сурет шығару керек болса, принтерді пайдаланамын. Компьютерге дайын мәтінді қолдан енгізбеу үшін сканерді қолданамын. Ал мәтінді басып алу үшін принтерге қағаз саламын. Колонка арқылы әндерді тыңдаймын.
- Мен компьютерде жұмыс істегенді ұнатамын. Компьютерде мәтін жазу үшін WordPad текстік редакторды пайдаланамын. Сурет салу үшін сызғыш, өшіргіш құралдарын пайдаланамын. Ал сурет салғым келсе Paint стандартты программасымен саламын. Өз жұмыстарымды принтерден шығарамын.
5-кезең: «Сен білесің бе?»
Шарты: Ұяшықтарға сұрақ жасырылған. Әр топ ұяшықты таңдайды. Ұяшықта қандай сан жазылса сонша ұпай қосылады.
10 ( жоғарыдағы) - 8 байт неден тұрады (8 биттен)
10 (төмендегі) – Жаңа буманы қалай құрамыз? ( Содать – Папку)
20 (жоғарыдағы)-Ең ертедегі есептеу құрылғысы (есепшот)
20 (төмендегі) – Интернет желісіне қосылу үшін қажетті құрылғы (модем)
30 (жоғарыдағы) – Компьютердің атасы деп кімді атаған? (Чарльз Бэббидж)
30 (төмендегі) –BaсkSpace пернесінің қызметі? (курсордың сол жағындағы символды өшіру)
6-кезең: «Мақал-сөз мәйегі!» бұл бөлімде әр топқа 4-4 –тен компьютерге қатысты құрастырылған мақал-мәтелдер беріледі интерактивті тақтада, осы мақал-мәтелдердің күнделікті өмірде қолданылатын нұсқаларын табу қажет. Әрбір дұрыс шешілген мақалға 10 ұпай беріледі.
1. Жігітті компьютеріне қарап, бағала (Жігітті досына қарап, бағала)
2. Байт биттен құралады (Теңге тиыннан құралады)
3. Вирустан қорыққан, Интернетке шықпас (Шегірткеден қорыққан, егін екпес)
4. Компьютердің жұмысы, иесіне мәлім (Аттың сыры, иесіне мәлім)
5. Білмесең, «анықтама»-дан сұра (Білмесең білгеннен сұра)
6. Антивирусы күштіні-Вирус ала алмайды (Досы күштіні – жау алмайды)
7. Күлсең ескірген компьютерлерге күл (Күлсең кәріге күл)
8. Компьютерде бес колонка, дауысы жер жарады (Айдағаны бес ешкі, ысқырығы жер жарады)
7-кезең: «Венгр сөзжұмбағы»
Шарты: Сөзжұмбақтағы әр тапқан сөзге 10 ұпай беріледі. (3 минут)
8-кезең: Кім жылдам?
Шарты: Қай топ 1 минут ішінде информатика пәніне байланысты қанша сөз тереді?
9- кезең: Егер де мен болсам..топ басшылар сайысы
Егер болсаң мамандықтың иесі.
Не істер едің бұл өмірде жүйелі.
Асыл тастан өнер жастан шығар деп
Бабам айтқан баба сөзі киелі – деп соңғы кезең топ басшылар сайысына кезек берейік. Мұнда топ басшыларына бірдей сұрақ беріледі. Топ басшылары шығып заттарды көріп сұраққа жауап беруге тырысады. Қағаз, қалам алып өз ойларын жазады. 1 минут уақыт.
Сұрақ: Тышқанның шаригі кірленіп жүрмей қалса не істер едің?
Ол үшін 8 зат берілген:
1. Табақтағы су.
2. сабын
3. орамал
4. парақ
5. спирт
6. мақта
7. отвертка
8. қайшы
Жауабы: алдымен отверткамен тышқанның болтиктарын шешіп аламыз тышқан шаригін алып, оны табақтағы сабын суға жуып, орамалға сүртіп парақ бетіне әбден кепкенше қоямыз, ал тышқан ішін спиртке малынған мақтамен сүртеміз.
Жетпесіңе жеткізген,
Қызықты уақыт өткізген.
Бар ғылымды сыйдырып,
Білетіні көп бізден.
Жаңалықтың жаршысы,
Жұртты елең еткізген
Информатикаға мың алғыс! – деп әділқазылар алқасына сөз береміз.
топтардың қорытынды ұпайларын санап, жеңімпазды анықтайық.
