Интеллектуалды? сайыс

Интеллектуалдық сайыс

Сайлаганова Рая.

Бейнеу политехникалық колледжінің

информатика пән мұғалімі

Мақсаты:

1.Студенттер өз ойларын тиянақты жете айта біліп, сахнада өздерін сабырлы, әрі тәртіпті ұстауды ескеріп, қарсыластарын тыңдай білуге тәрбиелеу.

2.Студенттердің тапқырлық, іздемпаздық қасиеттерін қалыптастыру, шығармашылыққа баулу, пәнге қызығушылығын арттыру.

1-жүргізуші:

Тынышталып тыңдаңыздар!

Назар салып қараңыздар.

Информатикадан

Басталмақшы кешіміз,

Көргендер де арманда

Көрмегендер де армандар,

Босқа қарап жүргенше,

Қызықтан тыс қалмаңдар!

2-жүргізуші:

Компьютер-сенің көмекшің

Қаламың әрі қағазың!

Керек емес демессің,

Аздаған болса хабардың.

Үйрену керек бәрін де

Ақпараттық заманың!

1-жүргізуші:

Құрметті ұстаздар, студенттер! «Интеллектуалдық сайыс» кешіміздің шымылдығын ашу кезегін әнге берейік.

2-жүргізуші:

Информатика жалауын көтеріп,

Әлемге жар саламыз.

Қарсылық егер болмаса,

Ойынымызды бастаймыз.- дей отырып кешімізді бастайық.

1-жүргізуші:

Ортаға командаларды шақырамыз.

2-жүргізуші:

Компьютер бұл техниканың төресі

Оза алмайды жарыста тар өрісі

Алға озар ең мықтысы осы жолы

Көпшілік өнерлерін қызықтамақ

Сұраймыз жұрт алдына шығуларын
Болсын дейміз жарысымыз жемісті

Озып шықсын кім білімді, кім мықты

Әділ қазы алқасына жүгенсек

Берер дейміз әділдікпен жеңісті

1-жүргізуші:

1. «Өзіміз туралы» топтардың таныстыруы. Әр топ өздерінің эмблемаларын таныстыру керек.

2-жүргізуші:

2.«Ұшқыр ойлар» сайысы

Мұнда әр топ қойған сұрақтарға жылдам жауап беру керек.(Әр дұрыс жауап 1 ұпай)

1-топқа:

1.Баспа құрылғысы

2.Үлкен темір жәшік

3.Ақпарат жинағыш

4.Мәлімет енгізу құрылғысы

5.Графикалық ақпаратты оқуға арналған құрылғы

6.Компьютерлер жиыны

7.Ақпарат өлшеу бірлігі

2-топқа:

1.Компьютердің беті

2.Зиянкес программа

3.Интернетпен байланыс жасайтын құрылғы

4.Оптикалық енгізу құрылғысы

5.Ақпараттың ең кіші бірлігі

6.Дискет «жұтқыш»

7.Экран нүктелерін аралағыш

1-жүргізуші:

Ендігі турда «Кім білгір» атты интеллектуалдық сұраққа кезек береміз. Қане байқайықшы, Кім білгір? Кім білімді? Кім ұшқыр ойлы?

1-команданың сұрақтары:

• Калькулятор ЭЕМ бола ала ма?

• Ежелгі компьютердің «құрметіне» аталған Ресей қаласы?

• Үнемі дұрыс айтылмайтын сөз?

• Excel-де $ белгісі нені білдіреді?

• Windows сөзінің аудармасы?

2-команданың сұрақтары:

• Шамды бұрау үшін қанша программист қажет?

• Информатикада программистер қандай санау жүйесін қолданады?

• Сегізаяқ санай алатын болса, қай санау жүйесін қолданады?

• Информатикада ең кіші өлшем бірлік?

• Адам мен компьютер арасындағы қарым-қатынас қалай аталады?

1-жүргізуші:

3. «Сөздің тұздығын тап» сайысы:

Берілген сөйлем бойынша белгілі мақал - мәтелдерді табу. Топ басшылары тапсырмаларды алады.Ойлануға 1 минут беріледі.

1.Егер бірнеше істі бар уақытта істесең ештеңе шықпайды.

Жауабы: Екі қайықтың басын ұстаған суға кетеді.

2.Егер жұмысты асықпай істесең, тез бітіресің.

Жауабы:Асықпаған арбамен қоянға жетеді.

3.Егер жұмыс істемесең аш қаласың.

Жауабы: Еңбек етсең ерінбей, тояды қарның тіленбей.

2-жүргізуші:

4.«Құпия жәшік»

Бұл құралдың жасы 200-5000 жылдар шамасы.Бұл құралды гректер мен Батыс Еуропалықтар «абак» деп, қытайлықтар «суанпан» деп, жапондықтар «серобян» деп атаған.Бұның қызметі сандарды қосу мен алу. Бұл құрал қалай аталады? Ойлануға 3минут беріледі.

Жауабы: Есепшот.

2-жүргізуші:

1.Топ басшылары сайысы.

Ортаға топ басшыларын шақырамыз. Әр адам өзіне жасырылған әріп таңдайды. Сіздерге 3 минут уақыт беріледі. Таңдаған әріпіңізден басталатын информатика терминдерін жазып шығуыңыз керек.

Әріптер: М, Б.

1-жүргізуші:

Сөз кезегін әділ қазылар алқасына береміз. Осымен интеллектуалдық сайысымыз аяқталды.