Химиялы? жарыс

• Жүргізуші: Қымбатты, оқушылар мен ұстаздар! Химияның кереметіне көз салып, құдіретін ұғыну үшін бүгін біз жоғарғы сыныптар арасында химиядан «ЖАРЫС» кешін өткізгелі отырмыз.

• Ғали Ормановтың химия кереметтерін суреттейтін мына өлең жолдарымен кешті бастауға рұқсат етіңіздер.

• Ғажайып нәрсе химия,

• Тұңғиық сыры әр алуан.

• Жоғалып бір зат зым-зия

• Жаңалып бірі жаралған.

• Өмірдің бірақ керегін,

• Осылар тауып берер ме?

• Табар ма ешкім дерегін,

• Телмірмей, сірә, тереңге

• Кештің жоспары

• 1.Сәлемдесу, таныстыру.

• 2.Формула жаза білесің бе?

• 3. Сұрақтарға жауап беру.

• 4. Топ басшыларының сайысы

• 5. Жұмбақтар жасыру

• 6. Ғажайып шеңбер

• Болсын дейміз жарысымыз жемісті,

• Озып шықсын кім білімді, кім күшті.

• Әділ қазы, ақ қазыға жүгінсек

• Берер дейміз әділдікпен жеңісті.

Әділ қазылар алқасы таныстырылады

• Жақсылық әр кез тілейік,

• Химияны оқып білейік.

• Осы тілде құттықтап

• Аман-есен жүрейік.

• Алтындай ардақты, күмістей салмақты, қарсыластар! Бүгінгі кеште өздеріңізді суда жүзген балықтай жақсы сезініңіздер.Көңілдеріңіз алюминийден жасалған ұшақтың ішіндей кең болсын, темірдей қатты, болаттай мықты денсаулық тілейміз.Көмірдей қара көздеріңізбен, алмаздай өткір сөздеріңізбен жан жадыратып, өмір ағысымен сынаптай сырғып жүре беріңіздер демекпіз.

• «Сәлем сөздің анасы»

• Дейтін қазақ данасы.

• Сәлемдесіп, танысып,

• Кеш бастайық жарысып./Әр топ өздерін таныстырып өтеді/

• Білмейтінін білем деп олжа қуар

• Кейбіреудің әр заттан болжамы бар

• Химияны болжаммен ұға алмайсың

• Формуланың оң жағы, сол жағы бар.

Күміс тобына

1.Дұрыс формуланы сәйкестендір

• Сутегі - Ba

• Оттегі - H

• Барий - Al

• Сынап - O

• Темір - Ag

• Мыс - Cr

• Магний - Al

• Күміс - Cu

Формулаларын жаз

• Тұз қышқылы -

• Күкірт қышқылы -

• Кальций хлориді -

• Натрий гидроксиді -

• Калий оксиді -

• Мыс (ІІ ) сульфаты –

• Темір (ІІІ) гидроксиді -

• Алтын тобына

• 1.Дұрыс формуланы сәйкестендір

• Натрий - К

• Калий - В

• Алтын - С

• Бор - Li

• Күкірт - Si

• Көміртек -Au

• Кремний -Na

• Литий - S

Формулаларын жаз

• Көмір қышқылы -

• Азот қышқылы -

• Мыс хлориді -

• Калий гидроксиді -

Натрий оксиді -

• Темір (ІІ ) сульфаты –

• Хром(ІІІ) гидроксиді -

• «Білекті бірді жығар,

Білімді мыңды жығар» дегендей ендігі кезекті сұрақтарға берейік.

Күміс тобына

• 1.Бірінші бөлігі көп емес, екінші бөлігі «тілсіз жау» деген мағынада, бірақ өзі химиялық элемент.Ол не?

• 2.Химия нені зерттейді?

• 3.Периодтық жүйені жасаған ғалым ?

• 4. .Өзі химиялық элемент, егер «ан» қосымшасын жалғасаң қыстың қаһарлы күндерін есіңе түсіреді.Бұл қай элемент?.

• 5.Оксид деген не? Мысал айт.

• 6.Тұрақты валентті элементтер

• 7. «Бөлінбейтін» кішкентай бөлшек.

• 8. «Арпа бидай ас екен .....» мақалды жалғастыр.

• 9.Кең әлемді кернейді,

• Көзің бірақ көрмейді.

• 10. Электрхимиялық кернеу қатарын ашқан кім?

• Алтын тобына

• 1..Периодтық жүйеде неше химиялық элемент бар ?

• 2.Диссоциация деген не?

• 3.Реакцияның белгілері қандай?

• 4.Тұздар деген не?

• 5.Қышқылдар дегеніміз не?

• 6.Бірінші бөлігі тасқын су, екінші бөлігі мал құлағына салынатын белгі,ал өзі химиялық элемент.Бұл қай элемент?

• 7.Сұйық металл?

• 8. Магниттік қасиеті бар металл?

• 9.Галогендер деп қандай элементтерді атайды ?.

• 10. Құрғақ жерде сақтайсың,

• Онсыз тамақ татпайсың. Бүл не ?.

• Топ басшыларының сайысы

• Бұл заттың 0,9% - дық ертіндісі физиологиялық ерітінді деп аталады да, адам ағзасы көп қан жоғалтқан жағдайда қан тамырына құйылады. Ол затты адамдар тұрмыста тағам дайындауға қолданады. Бұл заттың химиялық атауы қандай?

• / Натрий хлориді/

• Сүйекті қаптайтын элемент/кальций/

• Қарын сөлінің құрамындағы қышқыл./тұз қышқылы/

Натрий гидро карбонатының тұрмыстық атауы?/ас содасы/

Қоршаған орта ластануын зерттейтін ғылым?/экология/

Бұл затты тамақпен уланған жағдайда таблетка түрінде қолданылады. Оны қайыңды
ауасыз жерде қыздыру арқылы алып,одан әрі өңдейді.
Бұл қандай дәрі? /активтелген көмір/

Жұмбақтар жасыру
1.Өзім газбын, менімен

дем аласың,

Жоқ болсам ауа жетпей

қиналасың. /оттек/

2.Ол болмаса асыңның дәмі кірмес,

Кім бар екен ортада оны білмес. /ас тұзы/

3. Өзі ауыр металға жатады,

Балалар осы металл

құйған сақамен атады./ қорғасын/

4. Шыдасаң да алты күн

ассыз мүлде,

Шыдау қиын бұл затсыз екі күнге./су/

5. Адам мен жануардан

бөлінеді,

Өсімдіктің торына ілігеді. /көмірқышқыл газы/

6. Аспандағы айды осы элементпен теңестіреді ,

Салмақты адамды мақтауда да келістіреді. /күміс/

Ғажайып шеңбер

Шеңбердегі әріптерді пайдаланып химиялық элементтердің аттарын құрастыру керек

Қорытынды.Сөз кезегі әділ қазылар алқасына беріледі