Үшбұрыштың тамаша нүктелері

Сынып: 8

Күні:

Мұғалімнің аты-жөні:

Сабақ тақырыбы

Үшбұрыштың тамаша нүктелері

Сабақтың түрі

Жаңа материалды меңгеру

Осы сабақта қол

жеткізілетін оқу

мақсаттары (оқу

бағдарламасына сілтеме)

8.1.3.1 үшбұрыштың қабырғаларына жүргізілген медианалар, биссектрисалар, биіктіктер және орта перпендикулярлар қасиеттерін білу және қолдану

Сабақтың мақсаты

Оқушылар үшбұрыштың қабырғаларына жүргізілген медиана, биссектриса, биіктік пен орта перпендикулярдың қасиеттерін біледі және есеп шығару барысында оларды қолдана алады.

Бағалау критерийлері

Құндылықтарды дарыту

Құндылықтарды дарыту топпен, жұппен жұмыс жасау арқылы жүзеге асады. Сыныптастардың бірлесіп проблема шешу, басқалардың ойын тыңдау, санасу, қадірлеу сияқты дағдыларының қалыптасуына ықпал ету.

Пәнаралық байланыс

Физика, сызу

Бастапқы білім

Үшбұрыштың биіктігі, медианасы, биссектрисасы және үшбұрыш қабырғаларына жүргізілген орта перпендикулярлар

Сабақ барысы

Сабақтың кезеңдері

Сабақтағы жоспарланған іс-әрекет

Ресурстар

Сабақтың басы

1 минут

2 минут

7 минут

Ұйымдастыру кезеңі

Амандасу, сабаққа дайындықтарын тексеру.

Үй тапсырмасын тексеру

Көршілерімен дәптерлерін алмасып, өзара тексеру жүргізеді.

Қызығушылықтарын ояту

Жағымды атмосфералық ахуалды қалыптастыру. Мұғалім оқушылардан өздеріне ұнайтын төрт үшбұрыштың біреуін таңдауды сұрайды. Оқушылар өз таңдауларын жасағаннан кейін, таңдалған фигураларда жазылған адамдарға берілген

сипаттамаларды оқиды.

Үшбұрыш элементтерін еске түсіреміз (төбелері, қабырғасы)

Үшбұрышта тағыда қандай кесінділерді білесіздер?

Оқушылар келесі кесінділерді еске алады:

медиана, биіктік, биссектриса

• Үшбұрыш медианасы — төбесі мен оған қарама-қарсы жатқан қабырғасының ортасын қосатын кесінді.

-Үшбұрыш биссектрисасы— бір төбесінен шығып, шыққан төбедегі бұрышты қақ бөліп, оған қарама-қарсы жатқан қабырғаны қосатын кесінді.

-Үшбұрыш биіктігі — төбесінен қарам-қарсы жатқан қабырғасына түсірілген  перпендикуляр.

Үшбұрыштың тамаша нүктелері туралы не білесіздер?

Үшбұрыштың неше тамаша нүктелері бар?

Үшбұрыштың тамаша нүктелерін қалай табуға болады?

Сабақтың ортасы

5 мин

5 мин

7 мин

10 мин.

5 мин

1 тапсырма.

АВС үшбұрышын салып,АN, ВK,СM медианаларын жүргізіңіздер.

АN, ВK,СM медианалардың қиылысу нүктесін D деп белгілеңіз. Медианалардың қиылысу нүктесі тірек нүктесі деп аталады. Медианалардың дұрыс салынғандығын тексеріңіз.

2 тапсырма.

АВС үшбұрышын салып, АN, ВM,СK биссектрисаларын жүргізіңіздер.

АN, ВK,СM биссектрисаларының қиылысу нүктесін О деп белгілеңіз. О нүктесі АВС үшбұрышына іштей сызылған шеңбердің центрі болады.

Биссектрисалардың дұрыс салынғандығын тексеріңіз.

3 тапсырма.

АВС үшбұрышын салып, АG, ВH,СE биіктіктерін тұрғызыңыздар.

АG, ВH,СE биіктіктерінің қиылысу нүктелерін F деп белгілеңіз. F нүктесі АВС үшбұрышының ортоцентрі болады.

Биіктіктердің дұрыс салынғандығын тексеріңіз.

4 тапсырма.

АВС үшбұрышын салып, орта перпендикулярлар жүргізіңіздер. Орта перпендикуляр  (орта перпендикуляр немесе медиатриса) —берілген кесіндіге перпендикуляр және кесіндінің ортсы арқылы өтетін түзу;

Орта перпендикулярлардың қиылысу нүктесін О әрпімен белгілеңіз.

Орта перпендикулярлардың дұрыс салынғандығын тексеріңіз.

Практикалық жұмыстарды орындап болған соң оқушылар bilim lend тегі видеоматериалдың көмегімен дұрыстығын тексере алады

Бағалау критерийлері:

Үшбұрыш медианаларын дұрыс жүргізеді

Үшбұрыштың тірек нүктесі (үшбұрыштың тамаша нүктелері) дұрыс анықталған

Үшбұрыш биссектрисаларын дұрыс жүргізеді

Үшбұрышқа іштей сызылған шеңбердің центрін дұрыс анықтаған (тамаша нүкте)

Үшбұрыш биіктігін дұрыс тұрғызады

Үшбұрыш биіктіктерінің қиылысу нүктесін дұрыс анықтайды (үшбұрыштың тамаша нүктелері)

Үшбұрыштың орта перпендикулярларын дұрыс тұрғызады

Үшбұрыштың орта перпендикулярларының қиылысу нүктесін дұрыс анықтайды (үшбұрыштың тамаша нүктелері)

Сабақтың соңы

3 мин

Рефлексия

Үй тапсырмасы

Оқулықтан тапсырма (8 сынып Геометрия, Шыныбеков Ә.Н.)