Қозғалыс белсенділігі арқылы денсаулықты нығайту

Ұзақ мерзімді жоспар бөлімі:
7.8. бөлім Жеңіл атлетика арқылы белсенді өмір салты

Мектеп: Туркістан облысы. Ордабасы ауданы. С. Сейфуллин атындағы жалпы орта мектебі

Сынып: 7

Күні:

Қатысқандар саны:

Қатыспағандар саны:

Сабақ тақырыбы

Қозғалыс белсенділігі арқылы денсаулықты нығайту

Осы сабақта қол жеткізілетін оқу мақсаттары (оқу бағдарламасына сілтеме)

7.3.1.1 - салауатты өмір салтының өзінің денсаулығына әсер етуін түсіну және түсіндіру

Сабақ мақсаттары

Салауатты өмір салтының денсаулыққа әсер етуін түсіну
Дене жаттығуларының сауықтырудағы пайдасын түсіндіру

Бағалау критерийлері

Дене жаттығуларының сауықтырудағы пайдасын талқылайды және баяндайды
Салауатты өмір салтының өзінің денсаулығына әсер етуін түсінеді

Тілдік мақсаттар

Оқудың тілдік мақсаты:
Оқушылар: атлетикадағы қозғалыс белсенділігіне қатысты өз түсініктерін сипаттай, талқылай және көрсете алады.
Пәндік лексика және терминология:
-екпін алу, итерілу, ұшу, қону
- физикалық қасиеттер: күш, жылдамдық, төзімділік
- лақтырулар: итеріп лақтыру, итеру, жоғары лақтыру
-ұшу сатысы
- қауіпсіздік, қауіп-қатер
- сөрелік екпін алу, қашықтық бойымен жүгіру, мәреге жету Диалогқа/жазуға арналған пайдалы сөз:
Талқылауға арналған сұрақтар:
-Секіру біздің жүрек соғысымызға қалай әсер етеді?
- Сабақтарда қандай қауіпсіздік ережелеру болуы тиіс?
- Оқушылар лақтыруларды орындайтын жаттығуларда қауіп-қатерлерді қалай қысқарта аласыңдар?

Құндылықтарға баулу

Жеке жауапкершілік, көшбасшылық қасиеттері, бір-біріне көмектесу.

Бәсекелік қабілет.

Пәнаралық

байланыстар

Ғылыммен байланыс – денсаулық және тән, қауіпсіздік, салмақ динамикасы. Информатикамен (ғаламтордан ақпарат іздеу және өңдеу), математикамен (айналу осі, кеңістік, бағыт пен бұрыштар), психологиямен (кіші топта жұмыс жасау дағдылары), биологиямен (ағзадағы биохимиялық өзгерістер), физикамен ( жылдамдық, салмақ, энергия) байланысы.

Негізгі дағдылар

Оқушылардың әлеуметтік дағдылары дене жаттығуларының сауықтырудағы пайдасын топтарда бірлесе талқылау арқылы дамытылады.

Алдын ала білімі

Оқушылардың алдыңғы сабақтардан және сабақтан тыс қызметтерден алған жеңіл атлетика мен денсаулықты нығайту бойынша білімдері мен түсініктері, сондай-ақ дағдылары бар.

Сабақтың барысы

Жоспарланған сабақ кезеңі

Сабақта жоспарланған қызмет

Құралдар

Сабақтың басы

10 минут

Ұйымдастыру кезеңі. Мұғалім оқушылармен сәлемдеседі, оқушыларды түгелдейді

Сабақтың басында оқушылардың зейінін шоғырландыру үшін «Миға шабуыл» әдісі бойынша «Салауатты өмір салты» дегенді қалай түсінесің?- деген сұрақ қойылады. Оқушылар жауабын саралай келе оқушылармен бірге сабақтың мақсаты мен тақырыбын анықтаймыз. Одан кейін мұғалім оқушыларды сабақтың тақырыбымен және оқу мақсатымен таныстырады.
(С) Оқушылар, бір орында, қозғалыста және жүгіру кезінде ЖДДЖ орындайды
(ЖЖ) Оқушылар арнайы жаттығулар орындайды.

Үлкен бос кеңістік.

Сабақтың ортасы

1. минут

(ЖЖ, С, Тәж) Оқушыларды бір сызықтың бойымен бір-біріне қарама-қарсы екі сапқа тұрғызу Ойыншылар әрбір саптағы – командадағы рет нөмірлері бойынша есептеледі. Топтың көшбасшысы тапсырма береді, мысалы, 2+2, есептің шешімі нөмірі болған ойыншы бағаннан жүгіріп шығады да, белгілі бір қашықтықты жүгіріп өтіп, сапқа қайта оралады. Жүргізуші өз қалауы бойынша араластырып, әр түрлі тапсырмалар береді. Барынша көп жеңімпаз ұпайларын жинаған команда жеңіске жетеді.
Дескриптор: Оқушылар
-бұл ойында қандай дағдылар дамитытын түсінеді,
-қандай қабілеттер көрінентінін және белсенді өмір салты көңіл күйді жақсартуға қалай жәрдемдесетінін түсінеді

Қалыптастырушы бағалау:
Оқушылар бірін –бірі «Бас бармақ» арқылы бағалайды

Мұғалім оқушылармен бірге топтада ұсынылған кешендердің сауықтыру пайдасын талқылайды

(С, К) «Сөреге!» әдісі. Сынып екі командаға бөлінеді – лақтырушылар және жүгірушілер. Кең алаңда лақтырушылар сөре сызығынан 3-4 м-де, бір-бірінен 6-5 м-де қойылған жалаушалардың бүйірінен сапқа тұрады. Оларға қарама-қарсы, мәре сызығында, бірінші сөре сызығынан 15-20 м-де екі жалауша қойылады. Жүгірушілер екінші сөре сызығында сапқа тұрады. Жалаушалар арасындағы сөре сызығында – екі шағын доп. лақтырушылар мен жүгірушілер «Марш!» командасы бойынша бір уақытта алға жүгіріп шығады. Лақтыру және жүгіру екі 10-15 м дәліз бойынша орындалады. Лақтырғаннан кейін лақтырушылар мәре сызығындағы жалаушадан айналып өтуі тиіс, керісінше жағдайда олар ұсталған болып есептеледі.

«Сөреге!» командасы бойынша екі лақтырушы (ретімен) өз доптарын алып, лақтыру үшін бастапқы күйге тұрады. Бір уақытта екі жүгіруші жоғарғы (немесе төменгі) сөре қалпын алады. «Назар аудар!» командасы бойынша лақтырушылар допты лақтырады, ал одан кейінгі «Марш!» командасы бойынша жүгірушілер алға қарай ұмтылады. Лақтырушылар мәре сызығына дейін жүгіреді, әрбір жалаушаны айналып өтіп, кері қайтады. Жүгірушілер лақтырушылардың доптарын теріп алып, оларға тигізу үшін лақтырады. Тигізгені үшін жүгірушілер командасы бір ұпай алады. Доптар қайта жалаушалардың арасына қойылады және кезекті екі лақтырушы мен екі жүгіруші шығады. Осылай барлық лақтырушылар лақтыру мен жүгіру орындағанға дейін жалғасады (әр ретте жүгірушілер командасы алған ұпайлар саналады). Содан кейін командалар рөлдерімен ауысады. Көбірек ұпай жинаған команда жеңеді.
Дескриптор: Оқушылар
- бұл ойында белсенділік және ептілік дағдылар дамитытын түсінеді
-жылдамдық қабілеттер көрінентінін және белсенді өмір салты көңіл күйді жақсартуға қалай жәрдемдесетінін түсінеді.

ҚБ. Оқушылар бірін –бірі «Бағдаршам» арқылы бағалайды

(С, Тәж, ҚБ) Оқушылар шағын топтарда ширату жаттығуларының кешенін және белгілі бір бұлшық еттер топтары үшін қалпына келтіруге арналған жаттығуларды пысықтайды. Мысалы, орнынан тұрып ұзындыққа секіргеннен кейін қалпына келу жаттығуы мен ширату жаттығуын әзірлеу.

Оқушыларға кешендерді әзірлеу кезінде интернет ресурстарын пайдалануға, жаттуғылар кешенін құру кезінде оларға әдістемелік қолдау көрсетуге рұқсат беріледі. Топтада ұсынылған кешендердің сауықтыру пайдасын талқылайды.
Талқылауға арналған сұрақ: Бұл ойында жылдамдық тәрізді физикалық қасиеттер қалай дамитынын айта аласыздар ма?

Жаттығулар кешені үшін интернет ресурсы, музыкалық сүйемелдеу. Қозғалыс ойындарының интернет ресурсына сілтеме:

https://www.youtube.com/watch?v=K1bg-8SjaO4

https://www.youtube.com/watch?v=B-eGwNWq-D0

Үлкен бос кеңістік, доп, қолда бар құралдар

Таңдалған ойын кеңістігі үшін үлкен бос кеңістік, ысқырық, фишкалар, конустар.

Қозғалыс ойындары бойынша интернет ресурсына сілтеме:

http://lifehacker.ru/2014/11/07/dynamic-warm-up-for-runners/

Сабақтың соңы
4 минут

Рефлексия :
Сабақтың соңында оқушылардан кері байланыс алынады.
-нені білдім, неге үйрендім
-не түсініксіз болып қалды
-тағы немен жұмыс істеу қажет

Стикерлер, маркерлер, қаламдар.

Саралап оқыту:
- көбірек қолдау көрсету үшін не істейсіз?
-Қабілеті жоғары оқушыларға қандай міндеттер қоюды жоспарлайсыз?

Бағалау: – оқушылардың берілген материалды меңгеру деңгейін қалай тексересіз?

Пәнаралық байланыс: - денсаулық және қауіпсіздік ережелері. - АКТ. - құндылықтармен байланыс (тәрбиелік элемент)

Оқушылар дене жаттығуларының сауықтырудағы пайдасын талқылайды .
Қабілеті жоғары оқушылар дене жаттығуларының сауықтырудағы пайдасын талқылайды және баяндайды.

Материалды меңгеруді бағалау формативті бағалау арқылы барлық сабақ бойы жүзеге асады.

Мұғалім келесі сөздерді қолданады:

«Жақсы!», «Тамаша!», «Мұқияттырақ!», «Жинал!», «Сен бұдан да жақсы орындай аласың!»

Келесі сұрақтар қойылады:

Топтада ұсынылған кешендердің сауықтыру пайдасын талқылаңыздар. Бұл ойында жылдамдық тәрізді физикалық қасиеттер қалай дамитынын айта аласыздар ма?

Коллаборативті орта құру, оқушылардың жас ерекшеліктерін ескере отырып тапсырмалар құрастыру, қызмет түрін ауыстыру, кеңес беру.

Сабақ бойынша рефлексия

Сабақ мақсаттары/оқу мақсаттары жүзеге асатындай болды ма?
Барлық оқушылар ОМ жете алды ма?
Егер жете алмаса, неліктен жете алмады?
Сабақта саралап оқыту дұрыс жасалды ма?
Сабақта уақыт кезеңдері бұзылған жоқ па( уақыт жоспарын орындадым ба)?
Жоспарға қандай өзгерістер және неге енгіздім?

Сабақ мақсатына жетті. Ол барлық оқушылар үшін қолжетімді болды. Сабақта орындалған жаттығулар, қозғалыс ойындарына қатысу арқылы әр оқушы белсенді өмір салты көңіл күйді жақсартуға қалай жәрдемдесетінін түсінеді. Сабақта жүргізілген саралау жаттығулары қабілеттері әр түрлі оқушылар үшін тиімді болды. Сабақ уақтылы басталып, жоспарланған уақыт аралығында жүргізілді. Сабақ жоспар бойынша жүргізілді.

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1: Оқушылардың сабаққа белсене қатысуы, сұрақтарға пікірлерін білдіулері
2:Сабақ тақырыбын және мақсатын анықтауға белсене, қызыға қатысуы
Сабақты жақсартуға не ықпал ете алады (оқыту туралы да, оқу туралы да ойланыңыз)?
1: Әр оқушының жеке жұмыс жасауына жағдай жасау
2:Мұғалімнің әр оқушының қабілетіне қарай тапсырмалар беріп бағыттау

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?

№

Мазмұны

Мәлімет

1

Автордың толық аты-жөні

Жаненов Сейтмұрат Сейдахметович

2

Қызметі

Дене шынықтыру пәнінің мұғалімі

3

Жұмыс орны

ҚР. Түркістан облысы. Ордабасы ауданы.
С. Сейфуллин атындағы жалпы орта мектебі

4

Жұмыстың тақырыбы

Қозғалыс белсенділігі арқылы денсаулықты нығайту