ЭССЕ дене шынықтыру сабағынан

Ұстаздық –ұлы мұрат

Эссе

Ұстаздық еткен жалықпас- үйретуден балаға

/Абай/

Мен Байғалым Аймұрат 1982 жылы 18-ші мамырда Монғолия Республикасында Баян-Өлке аймағында дүниеге келіппін. Алғаш мектеп табалдырыған 1988 жылы Уланхус ауданында 1-ші сыныпты бастап, 1992 жылы ата-қоныс Қазақстанға келгеннен кейін 1999 жылы Ақмола облысы, Есіл ауданы, Қаракөл ауылында, Қаракөл орта мектебінде 11-сыныпты тәмамдап, 1999 жылы Торғай гуманитарлық колледжіне дене шынықтыру бөліміне оқуға түсіп, 2002 жылы тәмәмдадым. 2003 жылдан бастап Қаракөл орта мектебінде денешынықтыру пәнінің мұғалімі болып жұмыс істеудемін. Білімді ары қарай жетілдіруді ойлау мақсатында 2008 жылы Қостанай Педогогикалық институтына осы мамандығымды жоғарлата оқуға түсіп, 2010 жылы жоғарғы дипломмен аяқтадым. Осы уақыт аралығында мектептегі спортшы, дарынды оқушылармен жекелей жұмыс барысында аянбай еңбек етіп келемін. Сонымен қатар өз іс-тәжірибемді, білімімді дамытып, білікті тәжірибелі ұстаздардың қатарына жеттім. Менің негізгі жұмыс істейтін тақырыбым «Ауыл мектептерінде дарынды спортшы оқушылармен жұмыс жүргізу».

«Бұлақ көрсең көзін аш»- деп халқымыз айтқандай ауыл мектептерінде тұншығып жатқан дарынды, спортшы жас өрендерді жоғары биікке ұмтылдыруға, серпін жасауға көптеген іс-шаралар мен жарыстар ұйымдастырамын. Тілге тиек етіп айта кететін болсақ, әр ай сайын мезгілге сай және мерекелік күндерге орай өткізілетін мектептен тыс спорттық іс-шаралардың жоспары әр ай-күнге бөліне өзімнің жылдық бағдарламама сай жоспарланып қойылған. Мысалы: Ұстаздар күніне орай оқушылар мен мұғалімдер арасында шахматтан ойын сайысы өтсе, Республика күніне орай ұлттық спорт түрінен немесе футбол-волейбол сияқты спорт түрінен мерекелік іс-шаралар өткізіліп тұрады. Мектебімізде спорт залдың жоқтығына карамастан оқушылардың танымдық психологиялық қабілетін жоғары дамыта отырып, көптеген үлкен жарыстарға қатыстырып талантын ашып, жеңіс психологиясын сыйлап, әрбір сапалы жетістіктерге қол жеткізудеміз. Осының бәрі талмай-таңбай еңбек етудің арқасында жетіп отырған жетістіктеріміздің бірі. Ауыл мектептеріндегі дарынды спортшы балалар мен жұмысты ұйымдастыру - өте күрделі. Баланың спортшы болып шығуына туа біткен дарын, оқу, үйрену, яғни еңбек ету, жарыс тәжірибесін жинақтау, өзіне сенімділік орнату, психологиясын нығайту сияқты басты қасиеттерді дамыта білу барысында мектептік іс-шаралармен аудандық спартакиада бағдарламасы аясында өтетін спорттық жарыстар аздық етеді. Осы барлық қасиеттерді дамыту барысында біз негізгі көпірді аудандық балалар жасөспірімдер спорт мектебімен тығыз байланысқа ене отырып, республикалық, халықаралық жарыстарға қатысу арқылы тәжірибемізді нығайтып, дарынымызды оята аламыз. Осындай тәжірибелі жарыстарға қатысу барсында мектебімізде спортшы оқушыларымыздың жүрегіне психологиясына «біз мықтымыз», «ең үздікпіз» деген сияқты ұтымды ойлар қалыптасады. Бұған дәлел өзімнің жекелей дайындаған шәкірттерімнің қазіргі күнге дейін жоғарғы орындардан көрініп жүргендері айғақ бола алады. Мысалы:Волейболдан Қаракөл орта мектебінің ұлдар және қыздар құрама командасы қатарынан бірнеше жыл ауданымыздың жеңімпазы атанып облыстық жарыстарда ауданымыздың атын қорғап облыстық біріншіліктерге қатысып жүр. Скрябина Ольга, Хрипкова Вероника ,Толеухан Нурила, Асембек Жұлдыз, Ауғанбай Жайдарман. Көсегемізді көгертетеін, кең ауқымды дәстүрлі жемісті турнирларымыз көп болса, бұқаралық спорттарымыз құлаш ұрып серпінмен дамуына сенімім зор! . «Үш-ақ нәрсе адамның қасиеті,

Ыстық қайрат, нұрлы ақыл, жылы жүрек»-деп Абай атамыз айтқандай барлық шәкірттерімді салауатты өмір салтына тәрбиелеу барысында еліміздің көк туын желбіретер жас өрендерді тәрбиелеуде аянбай еңбек етемін.