Білімді физиктер

«Білімді физиктер»

атты физикалық білім сайысы

Сайыстың мақсаты:

• Білімділік: оқушыларды физика пәніне қызықтырып, олардың логикалық ой-өрісі мен білімділік дағдыларын, шығармашылық қабілеттерін қалыптастыру.
• Дамытушылық: оқушылардың интеллектін, ойын, зейін қоюын, білімін жетілдіру, оны қолдана білу дағдысын, шығармашылық қабілеттерін дамыту.
• Тәрбиелік: адамгершілікке тәрбиелеу, топпен, ұжыммен жұмыс істей білуге баулу, ақыл-ой шабуылы, жағымды орта қалыптастыру.

Көрнекіліктер:

• Ғалым, физиктердің суреті, физикалық құралдар, физикалық құбылыстар суреті, формулалар, табиғат суреттері, интерактивті тақта, компьютер

Сайыс 5 кезеңнен тұрады

• І тур – «Біліміңді сынап көр» - викториналық сұрақтар
• ІІ тур – «Атадан қалған асыл сөз» - ұлы ғалымдар туралы нақыл сөз
• ІІІ тур – «Формулалар адасты»
• IV тур – «Ойға шабуыл»
• V тур – «Ой қорыту»
• «Табиғаттың тылсым сырлары» атты сурет көрмесі

І тур

• 1. Әрбір суретке физикалық заңдылықтың және құбылыстың негізінде түсініктеме беріңдер

• 2,3. Әрбір физикалық құбылысты сипаттайтын негізгі теңдеулерді сәйкестендір

ІІ тур

«Атадан қалған асыл сөз» - ұлы ғалымдар туралы нақыл сөз

Ньютон Ампер Фарадей

Аристотель Ом Джоуль

Гагарин Кулон Торричелли

Ұлықбек Әл Фараби Резерфорд

ІІІ тур

Формулалар адасты

Бұл кезең бойынша үстел үстінде жатқан формулаларды тауып, тақтаға ілу, формуланың атын айту.

IV тур

«Ойға шабуыл»

Ойлаудың алуан түрлі астары бар, бұл күрделі үдеріс. Логика дегеніміз – ойлауды дұрыс құрудың заңдары мен формалары, ережелері туралы ғылым. Логикалық ойлауды қалыптастыру арқылы оқушыны өздігінен білім алуға үйрету

І топқа сұрақ

1. Бір кемпір:

Сапырып-сапырып Сарманға бер,

Құйып-құйып Құрманға бер.

Есіктегі екеуге бер,

Төрдегі төртеуге бер.

Өзін іш те, маған бер – деген екен. Мұны естіген ұрылар «қой, үй толы кісі бізден екі есе артық екен деп кетіп қалыпты. Кемпір тапқырлығымен ұрыларды осылай қорқытыпты. Сонда үйдегі адам нешеу, ұры нешеу?

2. Арыстан қойды екі сағатта, қасқыр үш сағатта, ит алты сағатта жеп бітіре алады. Үшеуі қатар жесе, қанша уақытта жеп бітіреді.

ІІ топқа сұрақ

• Машина үш сағатта жұмыс істегенде 39 литр бензин жұмсайды. Бір сағат ішінде қанша литр бензин жұмсайды?
• Екі ожау бұл бір шелектің жартысы, ал үш кесе бір ожаудың жартысы. Онда екі шелек неше кесе болады?

ІІІ топқа сұрақ

• 5 мысық 5 тышқанды бес минутта ұстаса, онда үш мысық алты тышқанды неше минутта ұстайды?
• Кітаптың бөлімдерінің бірі 465-ші беттен басталып, осы цифрларды кері тәртіппен жазғанда пайда болатын санмен аяқталады. Бөлім неше беттен тұрады?

V тур «Ой қорыту»

Сұрақтар

І топ

• Елеуішпен су әкелуге бола ма?
• Қандай ыдысқа су құйылмайды?
• Суға толы стаканға 100г жүкті батырғанда қандай құбылыс байқалады?
• Жылдың қай айында 28 күн бар?
• Массалары бірдей мақта мен ағаштың қайсысы ауыр?
• Спидометр нені өлшейтін құрал?
• Мұз қай температурада ериді?
• Дүние жүзінде көп тараған сұйық?

ІІ топ

• Сандыққа нені тығып қоюға болмайды?
• Күн күркірегенде ең алдымен найзағайды көремізбе, алде дыбысты естимізбе?
• Атомның құрылысы?
• 2500 жылдай бұрын өмір сүрген молекулалардың бар екендігін дәлелдеген ғалым?
• Жылу берілудің екі түрі?
• Ток күшін өлшейтін құрал?
• Нені тоқтатуға болмайды?
• Нені өлшеу мүмкін емес?

ІІІ топ

• Атом ядросы қандай бөлшектен тұрады?
• Жел болмаса шөптің басы қимылдамайды. Қай заңға сәйкес келеді?
• Рентген сәулелерін кім ашты?
• Протон қалай ашылды?
• Атом ядросы зарядының белгісі қандай?
• Ядро құрамына кіретін заряды жоқ бөлшек?
• Нуклидтер деген не?
• Атом ядросының балама атауы?

Қорытындылау

Осы 5 бөлімнен тұратын сайысымызды аяқтай келе, «Рухы күшті ел – алынбайтын қамал» дейді халқымыз. Ел болашағы , сіздер – білімді ұрпақ. Келешекте білімді ұрпақ қана өмірге нық қадам жасай алады – деп, бүгінгі сайысымызды аяқтаймыз.

Қорытынды сөзді әділқазыларға береміз!!!

Сайыста белсенділік танытқандарыңызға рахмет!