"Физика - әрбір мамандықта"

Тақырыбы: Физика - әрбір мамандықта

Мақсаты: Мамандық таңдау кезеңінде тұрған оқушыларға бағыт - бағдар беріп, таңдау мүмкіндіктерін шешуіне ықпал ету. Оларды өз пікірін еркін айтуға, басқаның пікірін сыйлай білуге, жүйелі ойлауға баулу. Оқушылардың қоғамға деген азаматтық позициясын қалыптастырып, отансүйгіштікке тәрбиелеу
Қатысатындар: 8 - сынып
Сабақтың түрі: конференция сабағы. 
Әдісі: Сын тұрғысынан ойлау стратегиялары. 
Көрнекіліктер: Мультимедиалық тақта, компьютер, кестелер, слайд материалдары.

Сабақтың барысы: 1.Ұйымдастыру кезеңі. 
І.Қызығушылықты ояту. 
Мұғалім: Бүгінгі конференцияға физик, медик, эколог, қатысқалы отыр. Бүгін сіздердің қатысуларыңызбен, «Физика - әрбір мамандықта» атты конференция сабағымызды бастағалы отырмыз. Бұл тақырыпты алған себебіміз – әрбір мамандықты алсақта физика пәнінің заңдылықтары қолданылады екен.  Олай болса, сөз кезегі өздеріңізде. 

1- жүргізуші: Қош келдіңіздер, бүгінгі конференцияға келген қауым!

Физика мамандықта өмір сүрген

Заңдары ашылыпты дана тілмен!

Мамандыққа саяхат жасай жүріп,

Әр адам физиканың сырын білген, дей келіп  Құрметті қонақтар, ұстаздар, оқушылар! Бүгінгі конференцияға қатысатын қонақтармен таныстырып өтейік.

Конференцияға қатысушы маман иелерін таныстыру:

1.Механик-коструктор маман: Қасымбай Диас

2.Биолог маман: Талғатбек Хадиша

3.Дәрігер маман: Нұрғожаева Ситора

4.Өрт қызметінің маманы: Нұрсақан Шапағат

5.Электр станциясының маманы: Хахарманұлы Абзал

6.Техника маманы: Марал

7.Балалар ойыншығын жасау саласының қызметкері: Рамазан Жансая

8.Метеорология қызметкері:Бекен Динара

9.Цирк қызметкері:Молдарахим Әмір

10.Құрылыс маманы: Әлімғожа Нарын

ІІ.Мағынаны тану. 
Әрбір маман өзінің мамандығында физиканың заңдылықтары қалай орындалатынын айтады

1.Физика – су көлігінде(Денелердің жүзу шарттары. Ареометрлер. Су көлігі. Архимед күші. Судың қасиеттері. Бернулли заңы. Толқындық қозғалыс. Ультрадыбыстар, инфрадыбыстар және олардың қолданылуы.)

2. Физика- медицинада(Қысым. Адамның қан қысымын өлшеуге арналаған құралдың құрылысы және жұмыс істеу принципі. Көздің құрылысы. Алыстан көргіштік және жақыннан көргіштік. Көзілдірік. Никотиннің көру қабілетіне әсері. )

3.Физика және метеорология.(Стратостат. Атмосфера құрылысы және ондағы жүретін процестер. Найзағай және оның түрлері. Магнит өрісі және қасиеттері.)

4.Физика және конструктор – механик («Робот» макетін құрастырудың тиімді жолдары.Жаңа механизмдер моделін құрастыру.)

5. Физика архитектор мамандығында(Құрылыс алаңдарын жоспарлаудағы физикалық заңдылықтарды қолдану аясы. Деформация. Үйкеліс күші. Ауырлық күші)

6.Физика және суретке түсіру қызметі (Қарапайым фотоаппараттың құрылысы. Қазіргі заманғы фотоаппараттың физикалық негіздері. Фотосуретті үлкейту. Фотосуретке түсіру. Шығару.)

7.Физика және өрт қауіпсіздік қызметінде(Электр құбылыстары. Электр өткізгіштердің қысқа тұйықталуы – өрт қауіпінің негізгі себебі.)

8.Физика және цирк(Қисық сызықты қозғалыс. Материялық нүктенің  шеңбер бойымен бірқалыпты қозғалысы. Сызықтық және бұрыштық жылдамдықтар. Центрге тартқыш үндеу.)

9.Физика биология мен жануартануда (Табиғат және адам. Физика табиғат туралы ғылым. Табиғатты зерттеудің ғылыми әдістері. Локаторлар. Ультродыбыстық локатордың жұмыс істеу принципі.)

10.Физика балалар ойыншығын жасау қызметінде (Архимед заңдылығына негізделген ойыншықтар. Дыбыстық, инерциялық және бұрандалы ойыншықтар. Ньютонның заңдарына негізделген және электрленген, магниттік ойыншықтар.)

1. Электр станциясы.(Электр станциясы туралы, Мойнақ )

Техниканың тілі-физика

Техниканың жүрегі-физика

Туындаса қиындық

 Қажет болар   -Физика -деп, техникке сөз береміз,

1. Физика және техника.(Жылу машиналары. Жылу қозғалқыштарының жұмыс істеу принципі. ПӘК – і. Техниканың дамуындағы жылу қозғалтқыштарының ролі. Жылу машиналарын пайдаланудағы экологиялық мәселелер және қоршаған ортаны қорғау.Қарапайым автомашинаның моделін құрастыру, жасау.)

Мұғалімнің сөзі:

• Ж. Аймауытов “Мамандықтың жаманы жоқ, бірақ мұның кез келгеніне икемділік қажет, бұл жай күнелту, тамақ асыраудың ғана жолы емес, үлкен өнерді, зор шеберлікті қажет ететін нәрсе” деген екен.

• “Отанның болашағы, мемлекеттің келешегі жастардың қолында, яғни сендердің қолыңда, сондықтан олардың өрісті ойы, өркенді ісі, табанды тіршілігі тек біліммен ұштасқан біліктің арқасында биік белестерге жетеді” деген Н. Ә. Назарбаевтың сөзімен бүгінгі конференциямызды аяқтаймыз