Массаны қалай өлшейміз?

Пәні:Жаратылыстану

Қызылорда қаласы

№140 қазақ орта мектеп

Күні:5.03.2019

Мұғалім: Абдикалиева Жаркинай Байжигитовна

Сынып:2"Г"

Қатысқандар саны:25

Ұзақ мерзімді жоспар бөлімі: Күш және қозғалыс

Сабақтың тақырыбы: Массаны қалай өлшейміз?

Оқу мақсаттары

2.5.1.4Массаны анықтауға арналған құралдарды таңдау және

пайдалану

Сабақтың

мақсаттары

Барлық оқушылар орындайды:

• Ұзындық/масса/көлем (сыйымдылық) шамаларын біледі.

• Сызғышты қолдана отырып ұзындықты анықтайды.

• Массаның, ұзындықтың өлшем бірліктерін есте сақтайды.

Көптеген оқушылар орындайды:

• Заттардың ұзындығын, көлемін, массасын салыстырады.

• Шамаларды өлшейтін құралдарды ажыратады.

Кейбір оқушылар орындайды:

• Заттың шамаларын өлшеуге қажетті құралдарды өмірде қолданады.

Бағалау критерийі

• Заттың ұзындығын тиісті өлшем бірлігіменжазады;

• Заттың массасын анықтайды;

Тілдік

мақсаттар

Пән бойынша оқу мақсаты:

• Ұзындық, масса, көлемнің өлшем бірліктерінің арақатынаста-рын талқылай алады.

Пәнге қатысты лексика мен терминологиясы:

• Ұзындық – сантиметр(см), дециметр(дм),

• көлем – литр(л),

• масса – килограмм(кг),

• артық, кем, тең, шамамен.

Талқылауға арналған сұрақтар:

- Ұзындықтың өлшем бірлігі қандай? (см, дм)

- Массаның өлшем бірлігі қандай? (кг)

- Көлемнің өлшем бірлігі қандай? (л)

- Сыныпта қай заттың ұзындығын сызғышпен өлшей аламыз? (кітап, дәптер, қаламсап, т.б.)

- Заттың массасын немен өлшейміз? (таразы)

- Ыдысқа қанша су сиятынын анықтау арқылы заттың несін білеміз? (көлемін)

- Ыдысты таразыға салып өлшеу арқылы нені анықтаймыз? (массасын)

Құндылықтарға баулу

Оқушылардың қоршаған орта туралы дүниетанымын қалыптастыруға, оны танып-білуге деген қызығушылығын арттыру.

Пәнаралық

байланыс

Дүниетану, музыка, математика

Бастапқы білім

• Сызғышпен ұзындықты,таразымен салмақты өлшейтінін біледі.

• Сандарды оқиды, жазады, бір таңбалы сандарды қосады.

Сабақтың барысы

Сабақтың жоспарланған кезеңдері

Сабақтағы жоспарланған іс-әрекет

Дереккөздер

Сабақтың басы

7 минут

Ынтымақтастық ахуал:

Күн жарығын алақанға саламын,
Жүрегіме басып ұстай қаламын.
Ізгі әрі нәзік, жарық, мейірімді,
Болып кетер сонда дереу жан-жағым.

Бейнебаян көрсетемін

«Миға шабуыл» (талқылау сұрақтары)

- Ұзындықтың өлшем бірлігі қандай? (см, дм)

- Массаның өлшем бірлігі қандай? (кг)

- Көлемнің өлшем бірлігі қандай? (л)

- Сыныпта қай заттың ұзындығын сызғышпен өлшей аламыз? (кітап, дәптер, қаламсап, т.б.)

- Заттың массасын немен өлшейміз? (таразы)

- Ыдысқа қанша су сиятынын анықтау арқылы заттың несін білеміз? (көлемін)

- Ыдысты таразыға салып өлшеу арқылы нені анықтаймыз? (массасын)

Оқулықпен жұмыс(түсіндірме)

Интербелсенді тақта(презентация)

https://www.youtube.com/watch?v=kRoOrfLjDtg

оқулық

Сабақтың ортасы

28 минут

Суреттер арқылы топқа бөлу (сызғыш, таразы, шелек, құты)

Топтық жұмыс

1-тапсырма. «Құпия дорба»

Дорбаның ішінде сызғышпен өлшеуге келетін оқу құралдары жасырылады, оқушылар соны тауып өлшейді, өлшем бірліктерін анықтайды. Дорбаның ішіндегі заттарды алып, олардың қайда пайдаланатындығын түсіндіреді. (Сызғыш, сантиметрлік лента – заттардың ұзындығын өлшейтін құрал. Ұзындықты см, дм өлшейміз)

Кері байланыс:

• Ұзындықтың өлшем бірліктерін ата.

• Қандай құралды қолданып ұзындықты өлшейсің?

Бағалау: «Түсті ленталар» әдісі

Әр топ өздеріне берілген ленталардың түстері арқылы басқа топтарды бағалайды(жасыл – өте жақсы, сары – жақсы, қызыл – қанағаттанарлық).

Жұптық жұмыс

2-тапсырма. «Қалт етпей қағып ал, жауабын біліп ал»

Тақтаға сыртында массасы жазылған кіртастарының суреттері ілінеді. Допты қағып алған жұп, тапсырманы орындай отырып, әр кіртасындағы сан оның массасын білдіретінін түсінуі керек. Кіртастарын өсу ретімен орналастырады. 

Кері байланыс:

• Массаның өлшем бірліктерін ата?

• Суретте массасы қандай кіртас көрсетілген?

• Оны қалай анықтадың?

Бағалау: «Кіртасты көтер» әдісі.

Қатты қағазға қиылған(үлкен, орташа, кіші) кіртас пішіндерін көтеру арқылы бағалайды.

Жеке жұмыс

3-тапсырма. «Кім жылдам?» ойыны

• Көлемнің өлшем бірлігі қандай? (л)

• Сыйымдылықтың көлемін қандай құралмен өлшеуге болады?

• 2л+7л= 9л

• 3л+5л=8л

• 10л-3л=7л

• 8л-2л= 6л

• Суреттегі құтының көлемі қанша?

• 8л шелекті толтыру үшін 2л-лік құтының нешеуін толтырып құямыз?

Кері байланыс:

• л қай шаманың өлшем бірлігі?

• суды, сұйық заттарды қандай өлшембірлікпен өлшейміз?

Бағалау: «Сыйымдылығына қарай бағала»

Шелектің көлеміне қарай(үлкен-түсіндім, орташа-сұрақтарым бар, кіші-түсінбедім) стикерлерін жапсырады.

Сергіту сәті

Әуен қосылып, оқушылар қимыл жаттығуларын жасайды(адам массасы ауыр зат көтергенде, массасы жеңіл зат көтергенде қалай жүреді, ұзындыққа адымдайды).

Қалыптастырушы бағалау

Ойлау дағдыларыныңдеңгейі: Қолдану

Бағалау критерийі: Білім алушы:

• Заттың ұзындығын тиісті өлшем бірлігімен жазады;

• Заттың массасын анықтайды.

1-тапсырма
Сынық сызықтың ұзындығын өлшеңіз және нәтижесін тиісті өлшем бірлігімен жазыңыз.

Дескриптор: Білім алушы:

- әр кесіндінің ұзындығын анықтайды;

- сынық сызықтың ұзындығын табады және сәйкес өлшем бірлігімен жазады.

2-тапсырма
Сурет бойынша асқабақтың массасын анықтаңыз. Өрнек құрастырып жазыңыз және мәнін есептеңіз.

Дескриптор: Білім алушы:

- сурет бойынша өрнек құрастырып, мәнін табады және сәйкес өлшем бірлігін жазады.

Үлестірме суреттер, таразы

Дорба, лента

плакат

Жұмыс дәптері

Әуен

Сабақтың соңы

5 минут

Рефлексия

- Массаны дәл анықтау үшін не істеу керек? (Өлшеу керек.)

- Заттың массасын қандай құралдың көмегімен өлшейміз? (Таразы.)

- Сендер таразыны қайдан кездестірдіңдер? (дүкендерден, базардан)

«Бағалау құтысы»

Стикерлерді түсіну деңгейлеріне қарай плакатқа апарып жапсырады

Саралау

Қабілеті жоғары оқушыларға тапсырма бере отырып, заттың массасын өмірде өлшей алуға, өлшеу құралдарын қолдана алуға дағдыландырамын.

Қабілеті төмен оқушыларға тапсырма бере отырып, көлемі әртүрлі қорапты көз мөлшеріне қарай шамамен өлшеп, кейін қораптың ішін ашып көрсету арқылы сыни тұрғыдан ойлау дағдыларын қалыптастыруға үйретемін.

Бағалау

1. «Түсті ленталар» әдісі

Ұзындықтың өлшем бірліктерін анықтатып, қызығушылықтарын арттыру үшін лентаны пайдаландым.

2. «Кіртас көтер»

Заттың массасын тапқыза отырып, оқушылардың зейінін шоғырландыру үшін пайдаландым.

3. «Сыйымдылығына қарай бағала»

Заттың көлеміне назар аударта отырып, білімдерін нақтылату мақсатында сыйымдылығы әртүрлі шелекті пайдаландым.

4. «Бағалау құтысы»

Көлемдері әртүрлі құтылар арқылы оқушылардың ойлау қабілетін дамыту мақсатында қолдандым.

Денсаулық және қауіпсіздік техникасын сақтайды. Сергіту сәті кезінде қауіпсіздік ережелерін үнемі ескертіп отырамын, қалам мен қаламсапты ауызға салуға болмайтынын қадағалаймын.