Жемістер мен көкөністер

Өткізген орны: №3 «Ертөстік» бала бақшасы

Өткізген: қазақ тілі мұғалімі Абдульманова Айтжамал Туякбаевна

Өткізген күні: 21.09.2016ж.

№5 «Почемучки » ересек тобы

Сабақтың тақырыбы: Тіл- ұлт тірегі(тақырыптық сабақ)

Сабақтың мақсаты: Балалардың танымдық тағлымын кеңейту. Еліне, өзінің туған жеріне, Отанына деген сүйіспеншілігін арттыру, қазақ тіліне тән дыбыстарды дұрыс айтуға жаттықтыру, сөздік қорларын молайту, тіл мәдениетін дамыту; мақтаныш сезімін ұялату, сұраққа жауап беруге дағдыландыру.

Әдістері: сұрақ- жауап, жекелей жұмыс,сергіту сәті, жұмбақтар шешу, сурет бойынша әңгіме құрастыру, мақал- мәтелдерді сызба сурет бойынша айту, өлең жолдарын мәнерлеп оқу, ойын.

Көрнекіліктер: Слайд «Менің Отаным- Қазақстан», суреттер, тірек- сызба, тапсырмалар, асық.

Сабақтың барысы:

I. Ұйымдастыру кезеңі

Күй ойнайды, балалар залға кіреді.

Шаттық шеңбер:

Ауадан қуат алайық,

Алақанға салайық.

Жерден нәр алайық,

Алақанға салайық.

Күннен шуақ алайық,

Алақанға салайық.

Күн шуағын қонақтарға сыйлайық!

-Қайырлы таң, көк аспан!

-Қайырлы таң, жер, ана!

-Қайырлы таң, алтын күн!

-Қайырлы таң , балалар!

-Қайырлы таң, мұғалім!

-Қалдарың қалай?

- Жақсы, тамаша, керемет!

-Рахмет, орындарыңа отыруға рұқсат.

Балалар, мен сендерге тапсырма дайындап әкелдім. Егер тапсырмаларды орындасаңдар, сендерді тосын сый күтіп тұр.

Тапсырмалар:

1. Жыл мезгілдерін атаңдар?

2. Апта күндерін кім айтады?

3. Азық- түліктерді атау.

4. Сандарды атаңдар?

5. Мен орысша түстерді айтамын, балалар қазақша айтады.

Мысалы: белый, черный, красный, зеленый

• Жақсы, балалар. Тапсырмаларды орындадыңдар.

Осы кезде ата есік қағады, залға кіреді.

• Ата, сәлеметсіз бе?

• Сәлеметсің бе, балам!

• Төрлетіңіз.

Ата, балалардың сізге дайындаған сұрақтары бар.

Осы кезде бала шығады, сұрақ қояды.

Көрініс: «Бақыт деген не?»

Бала: -Айтшы, білсең егерде,

Ата, бақыт не?

Ата: - Бақыт деген, шырағым,

Мына әсем тұрағың.

Ну ормандар,

Гүл бағы,

Күннің күліп тұрғаны.

Бақыт- дәні даланың,

Алақаны анаңның.

«Ботам» деуі әжеңнің,

Тыныштығы әлемнің!

Бала: - Қайда бақыт мекені,

Қалай оған жетеді?

Ата: Адал еңбек етесің!

Сонда ғана жетесің!

-Көрінбейтін көзіңе?!

Бақыт деген, сөзім шын-

Айналайын, өзіңсің!

Р. Өміртайқызы.

- Сонымен, балалар «Бақыт деген не?»

Балалар: Отан.

• Ендеше,балалар, біз атаға Отан туралы айтып берейік.

Ал,Отан деген не?

Бала: Отан деген атамекен,

Отан деген туған жер.

Отан ана, Отан үлкен.

Қазақстан туған жер.

Слайд бойынша жұмыс.

- Біздің Отанымыз қалай аталады?

• Біз қай республикада тұрамыз?

• Елорда қай қала?

• Астана қандай қала?

• Елбасы кім?

• Қазақстан рәміздерін кім атайды?

Бала: Слайд бойынша жеке Отан туралы және тақпақ айтады.

Тақпақ:

Әркім тілін сүйеді,

Қадірлейміз оны біз.

Қазақ тілі киелі,

Мемлекеттік тіліміз.

Сергіту сәті: Қызыл гүлім

• Балалар, мынау- қоржын. Ішінде асықтар бар. Бір асық бір тапсырма.

1- тапсырма: Сурет бойынша мақал- мәтелдерді айтыңдар.

Суретті мақал- мәтелдер.

Ата- бәйтерек, бала- жапырақ.

Отан оттанда ыстық.

Тіл- көңілдің кілті.

Отан- отбасынан басталады.

Отансыз адам, ормансыз бұлбұл.

• Керемет бұл тапсырманы жақсы орындадыңдар.

Келесі асықты көрейік, қандай сан, тапсырманы тыңдаңдар.

1- саны: Жұмбақтарды шешу. (Слайд бойынша)

1.Сәукелеге таққаным не? (үкі)

2. Өреге кептіріп, жайғаным не? (құрт)

3. Құлағын бұрап тартқаным не? (домбыра)

4. Қолыма иіріп атқаным не? (асық)

Ойын: «Жүзік жасыру»

Ұтылған бала тақпақ немесе мақал- мәтел айтады.

Ата, балалардың жауаптарыңа көңіліңіз толды ма?

Рахмет, балалар.

Сонымен, Отан деген не?

Балалар: Отан деген атамекен,

Отан деген туған жер- деп хормен айтады.

Осымен сабағымызды жылы лебіздермен аяқтайық.

-Аспан ашық болсын!

-Деніміз сау болсын!

-Еліміз тыныш болсын!

Музыка әуенімен балалар кетеді