Білім саласы: «Қатынас»
Бөлімдері: Тіл дамыту
Тақырыбы: Қуыршақ Әйгерімнің туған күні.
Мақсаты: Балалар ойыншық туралы әңгіме құруға, өз ойларын толық сөйлемдер арқылы жеткізе білуге үйрету. Әңгіме құрастыруды үйрету арқылы шығармашылықпен жұмыс істеуге баулу. Ойыншықты ұқыпты ұстауға тәрбиелеу. Эстетикалық талғамын арттыру.
| Әрекет кезеңі | Тәрбиешінің іс-әрекеті | Балалардың іс-әрекеті |
| Мотивациялық-қозғаушылық | Ғажайып сәт: тобымызға қуыршақ Әйгерімнің келуін хабарлайды. | Балалар қуыршақтың келгеніне қуанады. |
| Ұйымдас-тырушылық- ізденістік | -Балалар, бұл не? Кәне, «Қуыршақ» сөзін қайталаймыз. -Балалар бұл қуыршақтың есімі – Әйгерім. «Қуыршақ» тақпағын жаттату. Біздерде бар қуыршақ, Бұзау, қозы, құлыншақ, Ойыншықтар тыңдайды, Ақыл айтсақ, бұйырсақ. (Н.Әлімқұлов) Дидактикалық ойын: «Ойыншықты тап» Ойын мақсаты: ойыншықты атау және кеңістікті бағдарлай отырып табу. Сергіту жаттығуы. Ал балалар тұрайық, Алақанды ұрайық. Оңға қарай иіліп, Солға қарай иіліп. Бір отырып, бір тұрып, Біз тынығып алайық. (Сергіту жаттығуын қимыл-қозғалыс арқылы орындайды). | -Бұл – қуыршақ. - Қуыршақ Тәрбиеші айтқанын қайталап, жаттап алу. Әр бала өз ойыншықтарын атап өтеді. Балалар орындарынан тұрып жаттығуды орындайды. |
| Рефлексиялық- түзетушілік | Әңгіме құрағанда толық сөйлем құруға тырысады. Ойыншықтарды ұқыпты ойнау керектігін айту. | Балалар тәрбиеші сөзіне зейін қойып, орындауға тырысады. Балалар ұсынысты қабылдайды. |
Күтілетін нәтиже:
біледі: ойыншықтардың неден жасалғанын білу;
игереді: толық сөйлем құрауды;
меңгереді: өз ойларын сөйлемдер арқылы жеткізуді біледі.
