Тақырыбы: "Мамандықтың бәрі жақсы"

Ересек «Қарлығаш» тобының ұйымдастырылған оқу қызыметінің конспектісі.

Тәрбиеші: Сулейменова К.Ш.

Білім беру саласы: Қатынас.

Өтпелі тақырып: Алуан –алуан кәсіп бар,таңдай біл де, талап қыл!

Пән: Сөйлеуді дамыту.

Тақырыбы: "Мамандықтың бәрі жақсы"

Мақсаты:

Тәрбиелік:

Мамандықтың бірнеше түрлерімен таныстыру, және олардың адам өміріндегі маңызын түсіндіру.

Дамытушылық:

Толық сөйлем айтуды дамыту , ойлау қабілеттерін дамыту.

Оқыту: Сөздік қорларын байыта отырып берілген тапсырманы толық аттарымен атай білуге оқыту.

Педагогикалық технологиялар: Ойын технологиясы , дамыту технологиясы, жеке тұлғаға бағытталған технология , денсаулық сақтау технологиясы , ақпараттық коммуникативтік технология.

Ресурстармен қамтамасыз ету: мамандық иелерінің суреттері, жүргізушінің , шаштараздың, дәрігердің құралдары,аудио жазба.

Сөздік жұмыс:жүргізуші –шофер , шаштараз-парикмахер, врач-дәрігер.

Ұйымдастырылған оқу қызыметінің барысы:

Балаларбіз балабақшағакеле жатқанданені көреміз ?

-Күнді ,аспанды , жерді көреміз .Кәне амандасып алайық.

-Амансынба Алтын күн!

-Амансыңба Көк аспан!

-Амансыңба жер Ана!

-Сәлеметсіздерме қонақтар .

Балалар сендерге балабақшаға келген ұнайма?

Олай болса балабақшаға арналған тақпағымызды айтайықшы. (Барлық бала бірге айтады).

Балабақша.

Балабақша есігін ,

Үшке толы ашқанбыз.

Балапандай мәпелеп ,

Өсіреді бақшамыз.

Негізгі бөлім:

Есік қағылады. Балалар естисіңдерме біреу есік қағып тұр, кәне мен қарайыншы.

Топқа Чебурашка кіреді.

Балалар қараңдар бізге Чебурашка келді , сәлеметсізбе Чебурашка сен неге көңілсізсің сені біреу ренжіттіме?

-Мен «Мамандық» деген сөзді естідім , бірақ түсінбедім ,көрмедім , маған ешкім түсіндірмейді.

-Балалар біз Чебурашкаға « Мамандық» деген сөздің мағнасын түсіндіріп берейік,көрсетейік.

-Олай болса мен сендерді «Мамандық» әлеміне саяхатқа шақырамын , кәне бәріміз саяхатқа машинамен барайық.

-Балалар машинаны кім жүргізеді?(Балалардың жауабы)

-Жүргізуші дұрыс айтасыңдар , ал бізде жүргізуші жоқ қой Чебурашка сен жүргізуші боласыңба?Чебурашка қуанып қалады.

-Міне Чебурашка жүргізуші ол да мамандық , сен жүргізушісің. Қолыңа рулді ал , орныңа отыр.Балалар орындықтарға отырады.

-Балалар біз тездетіп жету үшін сендер маған мына жұмбақтың шешуін табу керексіңдер.

Жұмбақ:

Қолында қайшы тарағы,

Шаш үлгісін жасады, ол кім? (Шаштараз).

-Балалар қараңдар мына жерде тапсырмалар бар екен соны орындасақ қандай мамандық иесі екенін білеміз.

-Мына суреттегі кім балалар ? Балалар жауап береді (Шаштараз)

-Дұрыс айтасыңдар, ал шаштараздың көмекшілерін атайықшы.

-Қайшы ,тарақ. Фен, орамал.

-Ал олармен не жасайды?

-Шашты тарайды ,кептіреді , қияды ,шаш үлгісін жасайды.

-Міне Чебурашка мамандық деген сөз осы «Шаштараз» деген ол мамандық.

Балалар шаштаразға арналған тақпақ айтайықшы кім айтады?

1-бала:

Қолында бар тарағы

Әдемілеп тарайды,

Қайшысымен тездетіп

Жақсы үлгі жасайды.

Ал балалар біз саяхатымызды жалғастырайық. Кәне жолмен жүрейік.

Сергіту сәті:

Қолымызды тазалап жуамыз,

Шашымызды жайменен тараймыз,

Тісімізді жақсылап тазалап ,

Бақшамызға таза болып барамыз.

-Балалар Чебурашканың басы ауырып тұр екен оған көмектесуіміз керек , көмектесемізбе?

-Олай болса сендер жұмбақтың шешімін табыңдар:

Жұмбақ:

Іш ауырса ,тіс ауырса,

Барлығында емдеймін,

Айтыңдаршы балалар ,

Мен кіммін? (Дәрігер) Балалардың жауабы.

-Балалар мына суреттегі кім екен айтыңдаршы ?

-Дәрігер.

-Дәрігердің үстінде қандай киім бар ,басына не киген?

-Дәрігер немен айналысады балалар? (Балалардың жауабы)

-Балаларды ,үлкендерді емдейді , дәрілер береді , біз сосын ауырмаймыз.

Балалар дәрігер туралы тақпақ білесіңдерме ,кім айтады?

2-бала:

Іш ауырса,тіс ауырса

Маған дәрі береді,

Барлық ана,барлық бала ,

Оны жақсы көреді.

Дидактикалық ойын: «Ойлан тап» .Ойынға барлық бала қатысады.

Дәрігер тәрбиеші Чебурашканы қарайды. Оған витамин береді.

Чебурашка:

-Балалар менің достарыма да витаминдер керек қайдан алсам болады ?

-Балалар біз Чебурашкаға витаминдер жасап берейік кәне жүріңдер . Балалар столға отырып ермексазбен алақан ортасына салып дөңгелектеп витаминдер жасайды және витамндерді жинап ыдысқа салып береді.

Чебурашка:

Балалар сендерге көп рахмет , мен бүгін көп нәрсе үйрендім, мамандық деген сөзді түсіндім.

Мен енді достарыма барайын сендер жасап берген витаминдерді апарып берейін сау болыңдар.

Чебурашка шығып кетеді.

Қортынды:

-Балалар сендерге бүгінгі саяхатымыз ұнадыма?

-Бізбен бірге саяхатқа кім шықты?

-Біз қандай мамандықтармен таныстық?

Балалар сендер бүгін жақсы жауап бердіңдер ,жарайсыңдар.