Тақырыбы: «Алтын балық»

Ересек «Қарлығаш» тобының ұйымдастырылған оқу қызметінің конспектісі.

Өткізу күні: 21.11.2019ж

Тәрбиеші: Сулейменова К.

Өтпелі тақырып: «Ғажайыптар әлемінде»

Білім беру саласы: Шығармашылық ,Таным.

Пән: Сурет салу,Жаратылыстану.

Тақырыбы: «Алтын балық»

Мақсаты:

Тәрбиелік: Сурет салу барысында дұрыс , ұқыпты , таза жұмыс жасауға тәрбиелеу  Су асты тіршілік иелерінің ұқсастығын табуға және салыстыра білуге , қамқоршы болуға тәрбиелеу.

Дамытушылық: Балалардың әнгімелесу арқылы , байланыстырып сөйлеу дағдыларын одан әрі дамыту, белсенділік сөздіктерін арттыру .Суретті бояу арқылы шығармашылық қабілеттерін дамыту.

Оқыту: Балаларды балықтың сыртқы келбетін , мекендеу ортасын және қоректенуі туралы білімдерін қалыптастыру .Балықтардың әртүрлі қасеттері бойынша ажырата білуге үйрету . Балаларға дәстүрден тыс сурет салу жолдарын жалғастыра отырып , мақталы таяқшамен дұрыс пайдалану жолдарын оқыту.

Педагогикалық технологиялар: Ойын технологиясы , дамыту технологиясы, жеке тұлғаға бағытталған технология , денсаулық сақтау технологиясы , ақпараттық коммуникативтік технология.

Ресурстармен қамтамасыз ету: , балықтың суреттері, торғайдың суреті. теңіз үні әуені,

Қолданылатын керекті құралдар: Мақталы таяқшалар, акварель бояуы, қылқаламдар, суға арналған стакандар, сулы сүрткіш,әуен,арнайы дайындалған А4 қағаз.

Билингвалдық компонент:балық-рыба, теңіз –море.

Ұйымдастырылған оқу қызметінің барысы:

Балалар мен балабақшаға келе жатқанда мына қорапшаны тауып алдым , ішінде не бар екен ашып көрейік , бірақ ең алдымен мына жұмбақты шешу керек жауабы мына қораптың ішінде.

Жұмбақ жасыру:

Күміспенен апталған,

Теңгеменен қапталған. 

Суда өседі, жүзеді,

Судан шықса, өледі,(Балық).

Қорапшаның ішінен балық ты алып шығу.

-Балық: Сәлеметсіздерме балалар.

-Балалар :Сәлеметсізбе балық.

-Балық : Балалар мен достарымды іздеп келдім , адасып қалдым, маған көмектесесіңдерме тауып беруге.Өзім іздеп таба алмадым.

Балалар : Көмектесеміз «Алтын балық!

Олай болса балалар біз балықтарды іздеп көрейік.

Негізгі бөлім:

Дидактикалық ойын «Не артық»

Тақтада балықтардың суреті ілініп тұрады , ортасында торғайдың суреті болады.

Балалар мына суреттің ішінде артық сурет бар кәне қайсы сурет артық?

Балалар қандай сурет артық екенін табады. ( торғай).

-Балалар сендер неліктен олай ойлайсыңдар?

-Балалардың жауабы ( өйткені торғай суда өмір сүрмейді)

-Ал балықтар суда өмір сүреді.

Балықтарға сипаттау жүргізу:

Балалар қараңдар мына балықтар бір-біріне ұқсамайды , бірі үлкен , ал екіншісі кіші .

(Суреттегі барлық балықтарға тоқталып , толық сипаттама беру)

-Балалар балықтың денесі сопақша пішінге ұқсайды

-Басында желбезегі болады , осы желбезегі арқылы олар демалады.

-Ал денесінде қабыршықтары болады.

-Денесінің арқасында жүзбе қанаттары болады.

-Осы жүзбе қанаттары арқылы балықтар суда еркін жүзе алады.Балалар ал аквариумда өмір сүретін балықтар арнайы құрғақ жеммен қоректенеді.

Енді балықтар туралы балалар сипаттайды:

Торғайдың суретін алып тастап орнына алтын балықтың суретін ілу.

-Балалар айтыңдаршы ең әдемі балық қайсы балық?

-Ең жуан балық қайсы?

-Қай балық қысқа?

-Қайсы балықтың мұрты ұзын?

-Ең ұзын балық қайсы балық.?Ал мынау ше? (Балалардың жауаптары)

Балалар бұл балықтар әр түрлі екен байқадыңдарма ,жуан, жіңішке , қысқа, ұзын.бір-біріне ұқсамайды , бірақ балықтардың ортақ қасеттері бар ол қандай?

Балалардың жауаптары:

Олар суда мекендейді, бәрінің құйрығы бар, дене мүшелері бар, қабыршықтары бар.

-Дұрыс айтасыңдар балалар.

Балалар бүгін бізге қонаққа келген алтын балығымыз жалғыз , ал біз көппіз , біз алтын балығымызға достар салып береміз бе балалар .Келіңдер ортаға шығып сергіту жасап алайық.

Сергіту сәті:

Суда жүзді балық,

Кетпейді ол батып,

Алға , онға, солға,

Жүзер ізін салып,

Қайталайды қимылын

Біздің алтын балық.

Кәне балалар орындарымызға отырып , балықтың суретін саламыз.

Балалардың назарын тақтадағы балықтың суретіне аудару.

-Балалар қараңдар біздің қылқаламымызды алып кетіпті жоқ ,бірақ балалар бізде сыйқырлы таяқшалар бар сонымен бүгін сурет саламыз.

Сурет салу жолдарын түсіндіру.

Балалар сурет салмас бұрын саусақтарымызды жаттықтырып алайық.

Саусақ жаттығуы:

1 – саусағым тіпті де,

Ұстай алмас жіпті де.

2-саусақ бірікті,

Қолға қалам ілікті.

3-саусағым орамды,

Жүгіртеді қаламды.

Өнерлі екен 10 саусақ,

Қала салсақ,жол салсақ.

Балалар орындарына отырып суретті салады.

Музыка ойналады: «Теңіз дыбысы».

Балалардың жұмысына бақылау жасау.

Балалар суреттерін салып болған соң көрме ұйымдастыру.

Балалар суретті салып болсаңдар балыққа сыйға тартайық . Алтын балық пен оның достарын теңізге жіберейік Балалар өздерінің салған суреттеріне қортынды жасайды.

-Балалар кімнің суреті жақсы шықты?

-Қай суреттің түсі анық?

-Салған суреттерің өздеріңе ұнадыма?

Қорытынды:

- Балалар біз бүгін немен таныстық?

-Біз ненің суретін салдық?

- Біз алтын балыққа не сыйладық?

- Жарайсыңдар, балалар! Бүгін сендер барлықтарың да жақсы қатыстыңдар.