|
Балалар, мен сендерге жұмбақ жасырғым келіп тұр, тыңдап, жауабын шешіп көріңдер! Қар, мұз еріп,
Су көбейіп
Сай –салаға ағады.
Бүршік шашып,
Жапырақ ашып,
Гүл, бәйшешек басады.
Балалар, айтыңдаршы,
Бұл қай кезде болады? -Ендеше көктем мезгілінің айларын атап беріңдерші? -Көктем мезгілінде қандай өзгерістер болады?
-Балалар сендер көктем мезгілі туралы, құстар туралы тақпақтар білесіңдер ме?
Тосын сәт: ( Көктем аруы келеді). -Мен көгілдір көктеммін, Былтыр келіп кеткенмін. Көзін ашып бұлақтың, Түбіне тал еккенмін. Жерге кілем жаба келдім, Құстар әнін ала келдім. Жан бітіріп табиғатқа, Әсем әнге сала келдім. -Сәлемтсіздерме? -Қош келдің, Ару көктем, Көктем: -Балалар мен сендердің білімдеріңді тексеруге келдім.
-Қане балалар білімдеріңді сынауға дайынсыңдар ма? Көктем: -Балалар мен сендерге тапсырмаға толы «Ғажайып қалта» ала келдім.(тәрбиешіге ұсынады) -Ендеше қалтада не бар екен көрейік? Балалар мен әріптер тауып алдым, қане балалар әріптерді құрастырып, ойын ойнайық. 1-тапсырма: «Дыбыстарды таны» Шарты: Ғажайып қалтадан дыбыстарды шығарып, оларды атау, дауысты және дауыссыз екенін текшелер арқылы ажырату. -Балалар бүгінгі күнге дейін біз бірнеше дыбыстармен таныстық. -Дыбыстар нешеге бөлінеді? -Оларды атайық? -Олай болса мен сендерге таныс дыбыстарды көрсетемін, сендер олардың дауысты немесе дауыссыз екенін алдарыңдағы текшелер арқылы көрсетесіңдер. (Балалардың алдында қызыл және көк текшелер қойылған). -Ұ -дыбысы -Р-дыбысы -Ш-дыбысы -Ы-дыбысы -Қ-дыбысы -Балалар мына әріптерден қандай сөз шықты -Ұршық сөзінде неше әріп, неше дыбыс бар? -Енді ұршық сөзін буынға бөліп айтайық. -Ұршық сөзінде неше буын бар? -Жарайсыңдар балалар!
-Екінші тапсырма сендердің шапшаңдықтарыңды тексеру. 2-тапсырма: «Кім жылдам» Шарты: Балаларға логикалық сұрақтар қойылады, балалар көп ойланбастан, тез жауап берулері керек. -Мұзды қала неден жасалған? -Кітап неден жасалған? -Орманда не көп? -Анасы қызын үйіне шақырды кім үйде? - Жарайсыңдар балалар! Сендер ақылды, білімді балалар екенсіңдер. -Ғажайып қалтада тағы не бар екен қарап көрейін. Балалар келесі тапсырма ойын ойнауды ұсыныпты. 3-тапсырма: «Заттарды топтастыр» Шарты: 3-топқа бөлініп, «құрылысшылар тобы», «аспазшылар тобы», «дәрігерлер тобы» әр топ өздеріне керек заттарын топтастырып жинайды. 4-тапсырма:«Сандарды ретімен орналастыр» Шарты: Қалтадағы допшалардың түсін, пішінін, санын атау. Шыққан допшалардағы сандарды, суреттерге сәйкес орналастыру. Сандарды өсу және кему ретімен қойып шығу. -балалар ғажайып қалтадағы тапсырманы өте жақсы орындадыңдар. Енді тапсырмаларды орындаймыз деп шаршап қалған боларсыңдар. Қане тұрып сергіту сәтін жасап алайық. Дөңгелене тұрайық, Керегені құрайық. Уық болып иіліп, Шаңыраққа киіліп, Қазақ үйді құрайық.
Көктем Аруы: -Жарайсыңдар балалар. Тосын сәт: (қаңбақ шөп домалап келеді) Қаңбақ шөп хат арқалай келіпті. Қане балалар хат қайдан келді екен оқып көрейік. -Бұл хат ата мен әжеден келіпті,ата мен әже сендерден көмек сұрап жазыпты. Көктем аруын ертіп жайлауға ата мен әжеге көмекке барайық. Ұшарыңды жел біледі, Қонарыңды сай біледі. Шеңбер жасап өсесің, Желмен бірге көшесің. -Жол көрсет бізге қаңбақ шөп. (Жайлаудағы киіз үйден ата-әже балаларды қарсы алады) Ата: Қош келдіңдер! Көктем Аруын да ерте келіпсіңдер!Жарайсыңдар! Әже: Мен сендерді ұзақ күттім. Әже: Маған сендердің көмектерің қажет. Біз жайлауға көшіп келіп киіз үй тігіп жатырмыз. Енді киіз үйдің сыртын безендіру қалды. Қыздарым маған көмек беріңдер. Мына киіз үйді ою-өрнектермен әдемілеп безендірейік. 5-тапсырма: «Әжеге ою-өрнек жасау» Шарты: Ою-өрнектерді қиып, киіз үйге жапсыру. Ата: Ал, ұлдарым сендер менің жаныма жиналыңдар, біздер қамшыны өріп дайындаймыз. Қамшы-әрі құрал, әрі қару. Атқа мінген адамның сән-салтанатын ашатын бұйым. Қамшы үш өрім, алты өрім, неше түрлі өрімдерден өріледі. Біз бүгін үш өріммен өреміз.
Балалардың жұмыстарын ата мен әже мадақтайды. -Ата, әже сіздерге балалардың көмектері тигеніне өте қуаныштымын. Біз енді балабақшамызға қайтуымыз керек, балаларды алда әлі талай асулар күтіп тұр. Ата: Ал, балаларым жолдарың болсын. Сендерге бата берейін. Бата: Жолаушы саған жол болсын, Ақ жолың кеңінен мол болсын. Ойлаған мақсат жеткізіп, Игі ісің әркез оң болсын! (балалар орындарына жайғасады.) -Балалар мына суреттен не көріп тұрсыңдар?
-Дұрыс таптыңдыр балалар. -Ал олар қалай дыбыстайды? Ендеше алдарыңда тапсырма берілген. Кішкентай төлдер өз енелерін таба алмай тұр.Оларға көмектесейік. 6-тапсырма: «Енесін тап» Шарты: төлдерді енелеріне сызық арқылы қосу, аттарын атау. Көктем: -Жарайсыңдар балалар. Өте ақылды балалар екенсіңдер.Тапсырмалардың барлығын дұрыс орындадыңдар. Мен сендерге өз ризашылығымды білдіргім келеді. Әрдайым осылай білімді, ақылды болып жүре беріңдер. (смайликтер тарату)
| 
