Оқыту:Балалардың денсаулық құндылығы туралы түсініктерін кеңейту. Денсаулықтың адам өміріндегі маңыздылығын түсіндіру.
Педагогикалық технология:Түсіндіру, көрсету, ойын, сергіту, сұрақ –жауап, мадақтау.
Ресурстармен қамтамасыз ету: Тақырыпқа байланысты суреттер, сергіту сәтті
Ұйымдастырылған оқу қызметтінің барысы:
1.Ұйымдастырушылық кезеңі:
Шаттық шеңбері:
«Салауаттылық деген не?»
Салауаттылық – сергекте,
Таза жүру –өмірде.
Адамзаттық келбетке,
Дақ түсірмеу тегінде.
Бала болма тырысқақ,
Қылығыңды ел сынар.
Таза ауамен тыныстап,
Бой қыздырып, тер шығар.
Салауатты салтты,ұғып,
Танда жолдың дұрысын.
Спортпенен жаттығып,
Жаз денеңнің құрысын.
2.Негізгі бөлім: -«Таза жүру өмірде» дегенді қалай түсінесіңдер?
-Адамның денсаулығын сақтауға кім жауапты? Неге?
-Салауатты өмір салты дегенді қалай түсінесіңдер?
-Салауатты өмір сүруге не кедергі болады?
-Өз бойыңдағы жағымсыз әдеттерден арылу үшін не
істеу керек деп ойлайсыңдар?
— Дені сау, жан-жақты дамыған жаны сұлу адам мәнді
де салауатты ғұмыр кешеді. Адам тән сұлулығын
жан сұлулығымен үйлестіргенде ғана өмірлік
мақсатына жете алады. Адам өз денсаулығын
сақтап, ішкі жан дүниесін дамыту ұшін өмір бойы
белсенділік танытуы қажет.
Д\ойын: « Пайдалы – зиянды »
Қазір бірнеше жағдаят айтамын, денсаулыққа пайдалы болса, шапалақтаймыз, зиянды болса,аяғымызды жерге ұрып, бойға алмайтындығымызды көрсетеміз.
— Бала жаттығулар жасаса;
— Бала ағашқа өрмелесе;
— Бала басқа баланы итеріп жіберсе;
— Бала терезені сындыратын болса;
— Бала қолын жуса;
— Бала балмұздақты көп жесе;
— Рахмет. Сонымен денсаулықтың тағы бір құпиясы- зиянды әрекеттерді
жасамау, пайдалы әрекеттер жасау.
Сергіту сәті
Кәне серігіп ойнайық:
Алма, алма, көп алма
Қызыл жасыл, сары алма.
Теріп, теріп алайық,
Қалтамызға салайық.
Миға шабуыл. Адасқан сөздерді үйіріне қосу .
*Тәні саудың……………сау.
*Тазалық ………..негізі,
Саулық байлық негізі.
Қорытынды.
— Денсаулық –адам баласының ең құнды игілігінің бірі. Денсаулықты сақтау үшін ең бірінші кезекте ойың, ниетің таза болуы керек. Адамның жан тазалығы денсаулығына әсер етеді. Сабыр мен сенім, мейірімділік пен сүйіспеншілік адам денсаулығын жақсартуға ықпал етеді. Денсаулығың жақсы болса, көңіл күй де көтеріңкі болады
