Өмір қауіпсіздігі

Ақдала ауылы

«Балауса»  балалар бақшасы

                                                                          Естиярлар тобының тәрбиешісі

Уатаева Құралай Ноғайбековна

Естиярлар  тобы

Білім беру саласы: Таным. Әлеуметтік орта.

Оқу іс-әрекеті: Қоршаған орта.

Тақырыбы:  Өмір қауіпсіздігі

Мақсаты:  Балаларға өмір қауіпсіздігі ережелерін сақтауға, қауіпті жағдайға кез бола қалғанда өзін ұстай білуге үйрету. Қауіпті жағдай туғызуы мүмкін заттар мен құбылыстар туралы түсініктерін кеңейту. Үйде және балабақшада қауіпсіздік ережелері туралы  білімдерін бекіту,есте сақтау қабілеттерін арттыру. Өз денсаулықтары мен қауіпсіздіктеріне мән бере қарауға ұқыптылыққа, ептілікке, қырағылыққа тәрбиелеу.

Көрнекіліктер: Қауіпті жағдай тудыратын заттар мен құбылыстар бейнеленген суреттер. Ойыншық күшік, сіріңке, тарақ, ине, жіп, пышақ, қайшы, компьютер, айна, кітап, үтік, теледидар.

Алдын- ала жүргізілетін жұмыс: Қауіпсіздік ережелерін сақтауға байланысты тақпақ, өлең, әңгіме оқу.

Сөздік жұмыс: Қауіпсіздік тоқ, электр тоғы, өткір және үшкір заттар.

Билингвальді компанент: Теледидар- телевизор, Пышақ- нож, Қайшы- ножница, үтік-утюк, сіріңке- спичка.

Оқу іс-әрекетінің кезеңдері

Педагогтің басқару іс-әрекеті

Балалардың іс- әрекеті

Мотивациялық қозғаушылық

     Шаттық шеңбері

Балалар бір-бірімен күлкі сыйлауды ұсынамын.

     Ашық менің журегім,

     Ылғи күліп жүремін.

     Бірге ойнап, бір жүрген,

     Достарым көп білемін.

Қонақтармен сәлемдесу:

Жалғайтын достастырып бар елменен,

Жолдардан тұрады ғой әлем деген.

Бүгінгі біз келген қонақтарға, Сабақты бастаймыз біз сәлемменен.

- Балалар қазір жылдың қай мезгілі?

- Көктем мезгілінің айларын ата?

- Көктемде қандай құбылыстар болады?

• Бүгін аптаның қай күні?

Балалар жарты шеңбер болып, педагогпен бірге қайталайды.

Көктем

Наурыз,Сәуір,

Мамыр

Күн жылынады, қар ериді,ағаштар бүршік атады.

Сейсенбі

Ұйымдастыру

шылық ізденістік

Ғажайып сәт: «Есік қағылып, күшік ішке кіреді». Күшік балаларға қонаққа келгеннен айтып, балалардан қандай құралдарды пайдалануға болатынын, ал қандай құралдарды мүлдем пайдалануға болмайтыны түсіндіріп, беруін сұрайды.

-Енді мына сиқырлы қорапшаға назар аударыңдар. Сиқырлы қорапшаның ішінде бірнеше затттар бар. Мен жұмбақ жасырамын, шешуін тапсаңдар, онда қорапшадағы заттарды алуға болмайды.

Жұмбақтар:

Жүрген сайын жүйрігім,

Қысқарады құйрығың.

Жаңалықты жинайды,

Жұртшылыққа сыйлайды.

Бақырайған көзі бар,

Кірпігін жиі қағады.

Білімі көп сөзі бар,жаны жоқ.

Бірақ бағалы.

Алған құнын жүз мың есе ақтайды,

Қасында оның кыртыс киім жатпайды.

Бар екен бір айдаһар білесің бе,

Қап-қара  ноқаты бар төбесінде.

Ноқатын сүйкеп қалса от шығады,

Лапылдап жанын кетсең өлесің де.

Құлағы бар, естімейді,

Қырқып, қиып, кескілейді.

Билингвальді компанент: Теледидар-телевизор, Пышақ-нож,қайшы-ножница, үтік-утюк, сіріңке- спичка.

-Жарайсындар сендер заттардың шешуін тауып едіңдер заттардың өзі пайда болды. Енді, мұқият қарап алыңдар осы қауіпті заттарды ұстауға пайдалануға және үлкендердің көмегінсіз қолдануға болмайтынын білдіңдер.

«Артығын тап?» дидактикалық ойын:

Тәрбиеші үстелге қызыл және жасыл түсті сандықшалар қойып,қауіпті заттар мен қауіпсіз заттарды бөліп қоюы тиіс екенін айтады (сіріңке, тарақ, ине,жіп,пышақ,компьютер, кітап, айна, әртүрлі ойыншықтар) Осындай қауіпті заттарды ұстамау үшін қандай бала болуымыз керек?

Тақпақ:

Мен кішкетай баламын,

Айтқан тілді аламын.

Апам нанға кеткен де, үйде жалғыз қаламын.

Шкафтарды ашпаймын,

Кітаптарды шашпаймын.

Текшелерден үй жасап,

Қызық ойын бастаймын.

     (Ө.Тұрманжанов)

«Менің не екенімді тапшы?»

Ойыннын ұйымдастыру. Қимылмен келтіру. Ыммен ишара.

Сергіту сәті:

Біз гүлдерше өсеміз,

Жапырағы жайқалған.

Сабақтары салалы,

Желге ырғалып шайқалған.

Мнемотехника мақал- мәтел шешу:

От пен су тілсіз жау.

Оттың қолы ұзын.

Отпен ойнама жанарсың.

           Сумен ойнама батарсың.

Балапан дәптермен жұмыс: күшікті бояу

Көрермендермен ойын:

1.Өзіңді 4 жастамын деп ойлаңыз.

Келесі көшеге өту керек, сіз қалай өтесіз?

2. Мына 3 тіс щеткасын өзіңізге ұнағанын таңдап алыңыз.

3. Өтінемін қайшыны алыңыз?-(Бала қайшыны дұрыс ұсынбайды.)

Күшік сабақ соңында балалармен қоштасып, рахмет айтады.

Сонымен біз бүгін не туралы әңгімеледік? Қандай қауіпті заттарды ұстауға болмайтынын үйрендік? Сұрақ- жауап алып білімдерін бекіту.

Қонақты қарсы алады.

Ине жіп

Теледидар

Компьютер

Үтік

Сіріңке

Қайшы

Балалар қайталайды.

Балалар тапсырманы орындайды

Ақ сандықшаға мүлдем пайдалануға болмайтын заттарды ( Пышақ, қайшы, сіріңке т.б)

Көк сандықшаға өз бетінше пайдаланатын заттар (кітап, журнал, тарақ, айна, т.б)

Жақсы, әдепті, ақылды

Балалар жауабын табады: Үтік, қайшы, ине жіп, компьютер, пышақ,тарақ. Кітап.

Сергіту жаттығуларын қимылмен орындайды.

Балалар бірге қайталайды.

Кешіріңіз 4 жасар балаға жалғыз көшеге шығуға болмайды.

Кешіріңіз біреудің тіс щеткасын алуға болмайды.

Бұлай қайшыны ұстауға болмайды және алмайды

Рефлексиялық- түзетушілік.

Балалар сендер бүгінгі ұйымдастырылған оқу –іс әрекетіне өте жақсы қатыстыңдар! Енді қонақтармен қоштасайық.

Балдай тәтті баламыз,

Ақылдымыз данамыз.

Ойынменен өседі,

Ойымызбен санамыз.

Қол ұстассақ бәріміз,

Жарасады сәніміз.

Көріскенше күн жақсы,

Сау болыңыз бәріңіз!

Шеңберге тұрып күшікпен сыпайы түрде қоштасады. Сабақтан алған әсерлерімен бөліседі.

Мақтау, мадақтау.

Күтілетін нәтижелер:

Нені білу керек:Балалар өмір қауіпсіздігі ережелерін сақтауды, қауіпті жағдай туғызуы мүмкін заттар мен құбылыстар туралы. Үйдегі қауіпсіздік ережесін, денсаулыққа қауіп төндіретін заттарды біледі.

Нені игереді: Үшкір заттармен, отпен ойнамау керек екендігін, электр құралдарынан алыс жүруді, таныс емес адамға есікті ашпауды, серуен кезінде ересек адамдардан алыстап кетпеуді. Балаларға отпен, электр тоғымен өткір заттар мен ойнауға болмайтынын,  қауіпті екенін игерді.

Нені біледі: үйде, балабақшада қауіпсіздік ережелерін сақтауды, қауіпті жағдайға кез бола қалған жағдайда өзін ұстай біледі, үлкендерді көмекке шақырады. Қауіпті, қауіпсіз заттарды ажырата білуді, үйде және балабақшада қауіпсіздік ережелерін сақтауды біледі.