Білім беру саласы: Қатынас
Бөлімі: Тіл дамыту
Тақырыбы: Мен көшеде келемін
Мақсаты:1. Көліктер туралы білімдерін кеңейту. Көліктер туралы әңгімелесу, тақпағын оқып, түсіндіру.
2. Балалардың сөздік қорларын молайту. Ойланып, айтқан затты табуға үйрету. Ойлау қабілеттерін дамыту.
3. Балаларды көліктерді ажырата отыра байланыстырып әңгіме құрастыруға үйрету.Әңгіме құрастыру барысында жаңа сөздерді дұрыс қолдану білігін қалыптастыру
Көрнекіліктер: Көліктер түрі. Қала көшелерінің суретері.
| Іс-әрекет кезеңі | Тәрбиешінің іс –әрекеті | Баланың іс-әрекеті | + | - |
| Мотивациялық –қозғаушы | Жұмбақ жасыру: «Мен гаражда ұйықтаймын, бензинге тойып алып, жолға шығамын, себебі мені жолаушылар күтеді» «Жүкті,кірпіш, тас, құм, кір жуатын машинаны, жиһазды, тақтайды, сиырды, ешкіні, т.б. тасыймын» Балалар, қараңдаршы біздің гараждан нелер шықты. Сендердің олармен ойнағыларың келеді ме? Олай болса екі топқа бөлініп: І топ-құрастыру орталығында барып, саяхатқа көшеге барады ІІ топ - өнер орталығына барып көліктерді жапсырады | Балалар жұмбақтарды шешеді автобус жүк машина Балалар гараждың қасына барып, машиналарды қарайды, атайды Балалар екі топқа бөлінеді | ||
| Ұйымдастыру іс-әрекеті Сергіту | Тақпақ «Машина» «Бип-бип-бип- бип Жолдан былай кет Күшікті басуға, басуға,болмайды, болмайды» Балалар, машинада не бар екенін айтайықшы: -Бұл қандай көлік? -Машинаны кім жүргізеді? -Машиналар қайда жүреді? Ал мына сурет бойынша кім әңгімелейді? -Бәрекелді, балалар. -Автобуста не бар? -Автобус нені тасыйды? -Ол қайда жүреді? Жақсы, бәрі дұрыс, ал мына жүк машинасы туралы кім айтқысы келеді. -Мына машина үлкен бе, әлде кішкентай ма? -Бұл машина не тасыйды? Балалар, бір сөзбен бұл машиналарды біз қалай айтамыз? Дидактикалық ойын « Не жоқ» «Пойыз ойыны». Қане, кімнің бойы ұзын, Паровозы ол пойыздың. Қатар-қатар тұрайық, Пойызды біз құрайық. Гу-гу, гу-гу гуілде, Қалып қойма бәрінде. Пш-пш, пш-пш, біз кеттік, Жүрісті тым үдеттік Дыбыстық жаттығу Балалар, көліктер әр түрлі дыбыс шығарады екен. Бізде бірге айтып көрейік. Машинаның маторын қыздырғанда Ұшақ ұшқанда Кеме жүзгенде Пойыз жүргенде Ал машинаның дөңгелегі жарылғанда Пойыз тоқтағанда дыбысы шығады екен. | -Бұл автобус. - Жүргізуші Автобус үлкен, әйнектері кең, жарық, орындықтары жұмсақ, автобуспен басқа қалаға, ауылға барамыз. Балалар сұрақтарға жауабын береді Балалар көздерін жұмып- ашады, сұраққа жауап береді, жасырылған затты атайды Балалар жасырылған суретті табады. Балалар бірінің артына бірі тұрып, Ж. Смақовтың «Пойыз» әнін әндете ойнайды. Тәрбиешімен бірге қайталайды, қимылын жасайды | ||
| Рефлексивті-түзетуші | Біз не білдік? Балалар, бізге кім келгенін айтыңдаршы. Ойыншықтар, оларды машиналарға отырғызып жүргізейік | Адамдар велосипед, мотоцикл, машина, автобус, жүк машинасымен жүреді. Бұлардың бәрі – көлік деп аталады. Көлік адамдар мен жүкті тасиды. Көлікті жүргізетін адам – жүргізуші деп аталады. Балалар машиналармен ойнайды, гаражға апарып қояды. |
Күтілетін нәтиже:
| Нені білу керек: | Шығарманы мәнерлеп оқып білуі керек. |
| Нені игереді: | Әңгіме құрастыру барысында жаңа сөздерді дұрыс қолдану білігін игереді. |
| Нені біледі: | Балалар көліктерді ажырата отыра байланыстырып әңгіме құрастыруға үйренеді. |
Қорытынды:
