Тақырыбы: "Менің туған өлкем"
Мақсаты: Қаламызды көркейтуде белсене еңбек еткен адамдар еңбегін құрметтеп, есімдерін есте сақтауға үйрету. Әндермен тақпақтар арқылы туған жерге деген сүйіспеншілігін арттыру.
Алдын-ала жүргізілетін жұмыстар : Туған жер туралы өлеңдер жаттау.
Әдіс-тәсілдер
Түсіндіру,көрсету.Сұрақ-жауап арқылы диалог арқылы әңгімелесу.
Көрнекіліктер. Пейзаж. Туған жердің картиналары.
Билингвизм:
Жер-земля, туған жер- родная земля.
| Іс- әрекет кезендері | Тәрбиешінің іс- әрекеті | Балалардың іс- әрекеті |
| Мотивациялық қозғаушылық | Шаттық шеңберіне тұрғызу. Амансың ба, Алтын күн! Амансың ба, Жер ана! Амансың ба, Астана! Келдік саған қуана. | Балалар шаттық шеңберін құрып, өлең жолдарын айтады. |
| Ізденушілік Ұйымдастыру-шылық | -Балалар, біздің мемлекетіміз қалай аталады? -Сендер қандай( қалада) ауылда тұрасыңдар? -Отан деген сөзді қалай түсінесіңдер? Тәрбиеші жетелеуші сұрақтар қоя отырып Отан сөзінің мағынасын түсіндіреді. –Қазақстан Республикасы үлкен мемлекет екен. Сол мемлекетте көптеген үлкен, кіші қалалар мен ауылдар бар. Онда бірнеше ұлт өкілдері тұрады. Ол ұлттардың өздерінің сөйлейтін тілі, мәдениеті, салт – дәстүрі болады. Дегенмен де бәрімізге ортақ мемлекеттік тіл – қазақ тілі. Ал сендер қандай тілде сөйлейсіңдер? Мен қазір сендермен қандай тілде сөйлеп тұрмын? -Қазақ тілін қандай тіл деп айтамыз дедік? Сергіту сәті.Көтеріліп шаңырақ, Уықтары шаншылар. Керегелер керіліп, Өрімдей боп өрілер. Бәріміз жүрсек айналып, Киіз үй боп көрінер. Ауылдың (қаланың) көркейгені ол мемлекеттің мәдениеті мен экономикасының өркендегені екендігін және мемлекеттің өркендеуіне барлық қазақстандықтардың үлесі бар, соның ішінде өздерінің де үлесі бар екендігін түсіндіреді. Тәрбиеші Ә. Табылдыұлының «Қасиетті шар» әңгімесін оқып береді. Балаларды өздерінің таңдауы бойынша екі орталыққа бөледі. Бірінші орталықтағы балаларға көпқабатты үйлерді құрастыруды, екінші орталықтағы балаларға мерекеге дайындық жасап, қала көшелерін безендіру үшін түрлі заттар жасау керектігін айтып түсіндіреді. Балалар жұмыстарын аяқтағаннан кейін екі орталықтағы балалардың жұмыстарын біріктіріп, жасаған заттарына байланысты сұрақтар қояды. Дидактикалық ойын : «Орнына орналастыр» ойыны. Шарты: Елтаңбаның элементтерін орын орындарына орналастыру. | -Қазақстан Республикасы.Тұратынауылын айтады. –Отан – менің үйім, елім, жерім. – Отан – тауымыз, табиғатымыз. – Отан – отбасымыз, мемлекетіміз. -Қазақ тілінде сөйлейміз. Балалардың жауабы. –Мемлекеттік тіл дейміз. Өлең жолдарына сәйкес қимылдар жасайды. Балалар тақырып бойынша өздерінің ой-пікірлерін айтады. Балалар тыңдайды. Сұрақтарға жауап береді. Балалар тапсырманы орындайды. Құрылыс материалдары мен қағаз қиындыларын қолданып, көпқабатты үйлерді құрастырады. Дайын қиылған түрлі түсті шарлар мен жалаушалар т. б. мерекелік безендіруге арналған заттарды жіпке тізіп жабыстырады. Балалар ойынды қызығушылықпен ойнады. |
| Рефлексивті- түзетушілік | Тәрбиеші балалардан бүгінгі жиыннан алған әсерлерін, көңіл күйлерін, немен айналысқандарын, не үйренгендерін сұрайды. | Оқу іс-әрекетінен алғанәсерлерін айтады. Немен айналысқандарын, неүйренгендерін айтады. |
Күтілетін нәтиже:
Білу: отбасы мүшелерінің туысқандық қарым-қатынасын түсініп, бір-біріне қамқор болу керектігін.
Үйрену: отбасы мүшелерінің арасындағы әдептілік дағдыларын және өзіне тиесілі міндеттерді.
Меңгеру: отбасындағы адамгершілік, әдептілік нормаларын сақтай білуді.
